1. Samuel 10:2 - O Debleskro Drom 2021 (Sinte)

² Tu te djah tuke kanna mandar, palle weh tu pash o gab Zelzach kote, kai i Rachel paskedo hi an o them Benjamin. Un kote wenna dui mursha ap o drom, kai tuke penenna: ‘Kol esle wan hatslo, kolen tu rodal. Kanna krell pes tiro dad daar tumenge un buder gar kol eslenge. Job putchell pes, kai nai hatsell lo peskro tchawes.’

O Debleskro Lab 2024 (Sinte-Manouche)

² Tou te djah touke kanna mandar, palle veh tou pash o gab Selsa kote, kay i Rachel paskedo hi an o them Benyamin. Oun kote venna douy morsha ap o drom, kay touke penenna: Kol esle van hatslo, kolen tou rodal. Kanna krell pes tiro dad daar t'menge oun bouder gar kol eslenge. Yob poučell pes, kay nay hatsell lo peskro čaves.

1. Samuel 10:2 ပူးပေါင်းရင်းမြစ်များ

1. Mose 35:16

Pal kowa mukan le ko foro Betel un djan an o foro Efrata. Un ap o drom anas i Rachel i tchawes ap i phub. Un lat his bare duka.

1. Mose 48:7

Me krau kowa miri romjake Rachel, kai hi tiri dai. Joi meras an o them Kanaan, har wom dran Paddan. Homs ap o drom, i tikno kotar glan o foro Efrata. Un me paskrom lat kote pash o drom, hoi djal an Efrata. Kowa hi kanna Betlehem.”

Jeremia 31:15

Kowa penell o baro Dewel: I gole un sorelo ropen well shunlo an o foro Rama: I Rachel rowell pral peskre tchawen: Jon hi mulo. Un joi kamell kek shukar laba te shunell.

Josua 18:28

Zela, Elef, un ko foro, kai djiwan i Jebusarja, hoi hi kanna Jerusalem, ninna i forja Gibea un Kirjat-Jearim. Kolla hi khetne 14 (deesh-te-star) forja un lengre gaba. Kawa hi o them, hoi lan i familje dran o kheer Benjamin.

1. Samuel 10:16

“Job penas, te hi i esle hatslo,” penas o Saul. Job penas peskro kakeske gar, te penas o Samuel, te well lo rai.