1. Samuel 10:18 - O Debleskro Drom 2021 (Sinte)

¹⁸ Un job penas ap lende: “Kawa penell o baro Dewel, kai o Israeleskro Dewel hi: Me anom o Israel dran o them Egiptia win, un lom tumen dran o wast i Egiptarendar win, un ninna dran i wasta lauterendar, kai an i themma trul tumende djiwenn un tumen tiknes rikran.

O Debleskro Lab 2024 (Sinte-Manouche)

¹⁸ Oun yob penas ap lende: “Kava penell o baro Devel, kay o Israeleskro Devel hi: Me anom o Israel dran o them Egiptia vin, oun lom t'men dran o vast i Egiptarendar vin, oun ninna dran i vasta lauterendar, kay an i themma troul t'mende djivenn oun t'men tiknes rikran.

1. Samuel 10:18 ပူးပေါင်းရင်းမြစ်များ

2. Mose 29:46

Un jon dikenna, te hom me o baro Dewel, un lom len win dran o them Egiptia, te djiwap mashkral lende, me, lengro baro Dewel.

4. Mose 10:9

Te perenn wawar menshe an tumaro them dren un kamenn rai pral tumende te well, un tumer djan an o kurepen, te kurenn tumen lentsa, palle hunte phurdenn soreles an i phurdepangre, te wenn tumer tumaro baro Debleske an o shero. Un job lell tumen win dran lengre wasta.

Čačepangre 2:1

Un o baro Debleskro bolepaskro was dran o foro Gilgal pre ap koi platsa, hoi kharella Bochim, un penas: “Me lom tumen dran o them Egiptia win, un anom tumen an kau them, jaake har man sowel dom glan tumare phure dadende, te dau les tumende. Un me penom, te rikrap hako tsireske miro lab, hoi tumende dom.

1. Samuel 12:8

Har o Jakob an o them Egiptia was, un i Egiptarja tumare phurenge o djipen phares kran, dan jon gole ap o baro Debleste, te well lo ap lengri rig. Un o baro Dewel bitchras o Moses un o Arones. Un jon anan tumare phuren dran o them Egiptia win, un mukan len kate an kau them te djiwell.