1. Samuel 10:11 - O Debleskro Drom 2021 (Sinte)

¹¹ Un har dikan kolla, kai les prindjran, har rakras job o Debleskro rakepen win khetne o Debleskre rakepangrentsa, koi putchan le pen: “Hoi djas o Sauleha, koleskro dad o Kish hi? Was job ninna o Debleskro rakepaskro?”

O Debleskro Lab 2024 (Sinte-Manouche)

¹¹ Oun har dikan kolla, kay les prindjran, har rakras yob o Debleskro rakepen vin khetne o Debleskre rakepangrentsa, koy poučan le pen: “Hoy djas o Sauleha, koleskro dad o Kish hi? Vas yob ninna o Debleskro rakepaskro?”

1. Samuel 10:11 ပူးပေါင်းရင်းမြစ်များ

Amos 7:14

O Amos penas: “Me hom kek Debleskro rakepaskro, koles siklo was, har te rakrell lo o Debleskro lab, un kowa koleske plaissedo well. I bakrengro hom me, un faigetikre ruka hi man. Kolestar djiwau.

Amos 7:15

O baro Dewel las man mire bakrendar krik un penas ap mande: ‘Dja koi, un pen mire menshenge Israel, hoi lenge penau!’

Johanni 7:15

Koi kran i pralstune bibolde bare jaka, un penan: “Har nai djinell job jaake bud? Kek anas leske kowa pashel.”

Bičepangre 3:10

Un jon prindjran les pale, kai job ko mangepaskro his, kai glan o Debleskro baro kheer beshdo his, glan ko wudar, kai kharell shukar wudar. Un jon kran bare jaka pral kowa, hoi jon dikan, hoi leha djas.

Bičepangre 4:13

Har jon dikan, har o Petro un o Johanni rakran, kai kek traash an lende his, kran le bare jaka. Un jon haiwan, kai kolla kek bare rakepangre un gosewe mursha hi, un djinan ninna, kai jon o Jesuseha khetne his.

Bičepangre 9:21

Lauter kolla, kai shunan kowa, atchas o rakepen krik, un jon penan: “Hi kowa gar ko mursh, kai las an o foro Jerusalem i tsele patslen palla, un kamas len te marell, kolen, kai denn o Jesuseskro lab an-gole? Was job gar kate, te anell job i patslen pandlo glan kol bare rashajende an o foro Jerusalem?”

1. Samuel 19:24

Kote riwas job ninna peskre koola win, un rakras glan o Samuel o Debleskro rakepen win, un peras ap i phub un his nanges koi tchiddo o tselo diwes un i tseli rat. Doleske well penlo: “Hi o Saul ninna mank o Debleskre rakepangre?”