1. Samuel 1:9 - O Debleskro Drom 2021 (Sinte)

⁹ Har jon an Shilo his, stas i Hanna pre pal o chapen un o pipen, un djas an o baro Debleskro kheer. Kote his o rashai Eli beshdo glan o wudar.

O Debleskro Lab 2024 (Sinte-Manouche)

⁹ Har yon an Shilo his, stas i Hanna pre pal o rhapen oun o pipen, oun djas an o baro Debleskro kheer. Kote his o rashay Eli beshdo glan o voudar.

1. Samuel 1:9 ပူးပေါင်းရင်းမြစ်များ

2. Samuel 7:2

penas job ap ko Debleskro rakepaskro, o Natan: “Me djiwau an i kheer dran zedertikro kasht, un o Debleskro mochton hi an i plachteno kheer. Hi kowa mishto?”

Debleskri gili 27:4

Jek koowa mangau miro baro Deblestar, kowa kamaus me lestar, te nai atchoms an leskro kheer jaake rah har me djiwau, te nai dikap o tselo tsiro leskro shukapen, un nai putchap pal leskro kamlepen an leskro kheer.

Debleskri gili 29:9

Te rakrell o baro Dewel, anenn i wesheskre grumja pengre terne ap i phub. Ninna nashrenn i ruka pengre patria an i wesha. An o Debleskro kheer dell hakeno gole: “Har baro hi o Dewel!”

Debleskri gili 5:7

Tu mareh kolen, kai o chochepen rakrenna. Praassedo hi glan o baro Debleste kolla, kolen doosh ap o rat i wawarendar hi, un kai i wawaren chochenn.

2. Mose 21:6

Palle lell les leskro rai un anell les glan o Debleste, un tchiwell les glan o wudar tardo, un dell i kashteni sub an leskro kand tchurje. Kowa sikrell, te atchell lo peskro tselo djipen leskro budepaskro.

1. Samuel 1:10

Un lakro dji rowas, un joi mangas o baro Debles un rowas soreles ap leste,

1. Samuel 3:15

Un o Samuel atchas tchiddo bis taissarlakro. Palle stas lo pre un kras i wudja pre glan o baro Debleskro kheer. Job daras te penell lo o Eljeske, hoi o baro Dewel les sikras.

1. Samuel 3:3

Ninna o Samuel sowas un his tchiddo an o baro Debleskro kheer pash ko mochton, kai o Debleskre deesh laba dren hi. Un i Debleskri momeli his gomme gar win.

1. Samuel 4:13

Un har job an o foro was, his o Eli win ap i beshepaskri beshdo, un dikas ap o drom. Leskro dji daras trul ko mochton, kai o Debleskre deesh laba dren hi. Un har ko mursh an o foro dren was, penas lo i menshenge koi, hoi was. Un ko tselo foro das gole.