1. Samuel 1:8 - O Debleskro Drom 2021 (Sinte)

⁸ O Elkana, lakro rom, penas ap late: “Hanna, hoske roweh tu? Un hoske chah tu tchi? Un hoske hi tiro dji jaake phares? Hom me tuke gar budeder moldo har deesh mursh tchawe?”

O Debleskro Lab 2024 (Sinte-Manouche)

⁸ O Elkana, lakro rom, penas ap late: “Hanna, hoske roveh tou? Oun hoske rhah tou či? Oun hoske hi tiro dji yaake phares? Hom me touke gar boudeder moldo har deesh morsh čave?”

1. Samuel 1:8 ပူးပေါင်းရင်းမြစ်များ

2. Rajengro liil 8:12

Koi putchas o Hasael: “Hoske rowell miro rai?” Job penas: “Me djinau, hoi tu kol Israelentsa kreh: Tu chatchreh lengre forja pre, un lengre terne murshen deh o chareha mulo, un lengre terne tchawen mareh tu ninna, un kol djuwjen tchineh tu pre, kai an wawar koowa hi.”

Hiob 6:14

Kones kek dji hi peskro maleske, koles hi gar o sorelo Dewel glan i jaka pash kowa, hoi lo krell.

Debleskri gili 43:4

Kote kamau me glan tiri Debleskri chatchepaskri te well, glan tute, miro Debleste, kai kreh, te giwap i bachtjatar. Miro bashepah ap i dorjengri bashepaskri kamau man te parkrap pash tute, miro Dewel.

Jesaja 54:1

Jerusalem, tu hal har i djuwel, kai kek tchawe nai lell, kanna gib, tu, kai kek tchawes ap i phub anal, ab bachtelo, gib un de gole i bachtjatar! O baro Dewel penell tuke: Tu, koi mukli djuwel, tut wenn budeder tchawe har kolat, kai romedino hi.

Jesaja 54:6

Tu hal har i djuwel, kai muklo was, un kolakro dji ratell. Kanna dell tut tiro baro Dewel pash peste gole un penell: Har nai tradoms miri romjat krik, kolat win rodom, har terno homs?

Johanni 20:13

“Hoske roweh tu, romnija?” putchan kol bolepangre i Mariatar. “Jon lan miro rajes krik,” penas li, “un me djinau gar, kai jon les tchiwan.”

Johanni 20:15

Koi penas o Jesus ap late: “Romnija, hoske roweh tu? Kones rodeh tu?” I Maria patsas: Job hi kowa, kai budrell an i baar. Doleske penas li: “Romeha, te anal tu les krik, pen mange, kai tu les tchiwal, te djap koi, un lap les pale!”

1. Tessalonikarja 5:14

Mire phrala, kanna penah tumenge, hoi te krenn: Denn kolen trad, kai kamenn gar te budrell! Rakrenn kolentsa mishto, kai hi dareno! Krenn kolen soreles, kai hi gar sorelo an o patsepen! Denn kekes sik pre!

Ruth 4:15

Un job krell tiro djipen bachteles, un dell jak, te djal tuke mishto, te weh phuro. Tiro tchaweskri romni, kai tut peskro tselo djijeha kamell, anas les ap i phub. Koja hi tuke budeder moldo har efta tchawe.”

1. Samuel 1:7

Un jaake djas kowa hako bersh: Te djan le pre pash o baro Debleskro kheer, dukras i Peninna lat jaake. Palle rowas i Hanna un chas tchi.