1. Samuel 1:23 - O Debleskro Drom 2021 (Sinte)

²³ Un lakro rom Elkana penas ap late: “Kre jaake har tu kameh, atch kai, bis te job phuro doha hi. Mu rikrell o baro Dewel lauter, hoi job pral kau tchaweste penas!” Jaake atchas koi romni khere un das o tchawes o betch, jaake rah bis te job phuro doha his.

O Debleskro Lab 2024 (Sinte-Manouche)

²³ Oun lakro rom Elkana penas ap late: “Kre yaake har tou kameh, ač kay, bis te yob phouro doha hi. Mou rikrell o baro Devel lauter, hoy yob pral kava čaveste penas!” Yaake ačas koy romni khere oun das o čaves o beč, yaake rah bis te yob phouro doha his.

1. Samuel 1:23 ပူးပေါင်းရင်းမြစ်များ

2. Samuel 7:25

Mo rai un baro Dewel, muk kanna ko lab tardo atchell hako tsireske, hoi tu pral mande un pral miro kheer penal, un kre jaake, har tu penal!

1. Rajengro liil 3:21

Un taissarlakro, har me pre stom, te dap miro tchawes te pijell, kote his lo mulo. Un me dikom ap leste, un haiwom, kai ko mulo ternepen gar miro ternepen hi.”

Debleskri gili 22:9

“De gole ap o baro Debleste! Te kamell lo tut, palle lell lo tut win un rikrell peskro wast pral tute.”

Jesaja 44:26

Me krau, te wenn kol laba tchatcho, hoi miro budepaskro rakras. Un kowa, hoi mire bitchepangre glan-wi penan, mukau jaake te djal, har le les penan. Me hom kowa, kai ap o foro Jerusalem penell: “Mu djiwenn menshe an tute!” Un pral i forja an o them Juda penau: “Jon wenn pale pre tardo.” Lauter hoi khetne phagedo hi, tchiwau me pale pre tardo!

4. Mose 30:12

un lakro rom shunell kowa, un penell tchi koi pre, un penell gar, te hunte krell joi kowa gar, palle hunte rikrell li halauter, ap hoi joi pes sowel das.

Mateo 24:19

Koi bibacht hi bari kol djuwjenge, kai hi an wawar koowa, ninna kol djuwjenge, kai hi len i ternepen.

Louka 11:27

Bud menshe his trul o Jesuseste tardo. Un har job kowa penas, das i djuwel gole: “Bachteli hi koi dai, kolatar tu boldo wal!”

1. Samuel 1:17

Kote penas o Eli ap late: “Dja o Debleha! O Israeleskro Dewel dell tut kowa, hoi tu lestar mangal.”

1. Samuel 14:36

Un o Saul penas: “Mer lah gomme kai rat i Filistarjen palla un randah len win, bis te well o newo diwes. Mukenn kekes lendar djido!” “Mishto”, penan le. “Mer krah, hoi an tire jaka tchatcho hi.” O rashai penas: “Putchas o Deblestar, hoi te kras!”

1. Samuel 14:40

Koi penas lo ap lende: “Tumer wenn ap koi rig tardo, un me un miro tchawo Jonatan ap kai rig.” “Kre kowa, hoi an tire jaka mishto hi”, penan le.