1. Samuel 1:15 - O Debleskro Drom 2021 (Sinte)

¹⁵ I Hanna penas: “Ma rikrenn man mateske, miro rai! Mool pijom me gar un tchi wawar, hoi jekes mato krell. Me hom tchi wawar har i djuwel, kai lat i pharo dji hi. Un kowa tchorom win glan o baro Debleste.

O Debleskro Lab 2024 (Sinte-Manouche)

¹⁵ I Hanna penas: “Ma rikrenn man mateske, miro ray! Mool piyom me gar oun či vavar, hoy yekes mato krell. Me hom či vavar har i djouvel, kay lat i pharo dji hi. Oun kova čorom vin glan o baro Debleste.

1. Samuel 1:15 ပူးပေါင်းရင်းမြစ်များ

Hiob 30:16

O djipen an mande nashell krik har pani. Tchilatche diwessa wan pral mande.

Debleskri gili 143:6

Mire wasta hadau pre pash tute. Har i truk them trushella pal pani, jaake trushell miro dji pal tute.

Debleskri gili 42:4

I wawar penenn ap mande hako diwes: “Kai hi tiro Dewel?” Doleske rowau o tselo diwes un haki rati; mire swa wan miro pipen.

Debleskri gili 62:8

Miro Deblestar well, te wap win lino dran o tchilatchepen, un te wap an-diklo. Lestar well miri soor, pash miro Debleste khatrau man.

Debleskri gili 62:9

Dikenn ap leste hako tsiro, tumer, leskre menshe! Tchorenn tumare djia win glan leste! Pash o Debleste nai khatrah men.

Gosewe laba 14:10

Ko mensho, koleskro dji rowell, hi kokres. Un ninna te stell leskro dji i bachtjatar, nai haiwell kek wawar tchatchepah leskri bacht.

Gosewe laba 15:1

I kamlo lab krell te djal o wawareskri choli pale. I lab, hoi o wawares dukrell, krell les chojedo.

Gosewe laba 25:15

Bud latche labentsa nai tserdeh pralstunen ap tiri rig. Un i kamlo rakepen phagella kokale khetne.

Ropaskre gilja 2:19

Ste pre an i rati, un de gole pale te pale ap o baro Debleste! Tchore tiro dji win glan o Debleste. Rike tire wasta glan leste pre un mange lestar o djipen tire terne tchawendar, kai i bokatar merenna ap hako dromeskri ekka.

1. Samuel 1:16

Rike tiri budepaskretsat gar i djuwjake, kai tchi moldo hi. Miro dji hi phagedo un phares, doleske rakrom me kate jaake rah.”

1. Samuel 7:6

Un jon wan khetne an Mizpa. Kote lan le pani, un tchoran les glan o baro Debleste win. Un ap ko diwes chan le tchi, te dikell o baro Dewel ap lende. Un jon penan: “Mer anam doosh ap mende glan o baro Debleste.” Un kote an Mizpa was o Samuel lengro tchatchepaskro rai.