1. Samuel 1:11 - O Debleskro Drom 2021 (Sinte)

¹¹ un das pes sowel un penas: “Tu, baro Dewel un rai pral o bolepen un i phub, tu te dikeh kanna tiri tchorweli budepaskretsa an, un bistreh lat gar, un deh tiri budepaskretsat i mursh tchawes, palle dau me les tute o tselo tsiro, hoi job djiwella. Un kek tchuri well ap leskre balla, hoi tchinals len tele.”

O Debleskro Lab 2024 (Sinte-Manouche)

¹¹ oun das pes sovel oun penas: “Tou, baro Devel oun ray pral o bolepen oun i phoub, tou te dikeh kanna tiri čorveli boudepaskretsa an, oun bistreh lat gar, oun deh tiri boudepaskretsat i morsh čaves, palle dau me les toute o tselo tsiro, hoy yob djivella. Oun kek čouri vell ap leskre balla, hoy činals len tele.”

1. Samuel 1:11 ပူးပေါင်းရင်းမြစ်များ

1. Mose 28:20

Un o Jakob das pes sowel un penas: “Hi o baro Dewel mantsa un dell garda ap mande ap miro drom, kai me djau, un dell man chapaske un an-ripaske,

1. Mose 29:32

Un i Lea was an wawar koowa un anas i tchawes ap i phub. Koles das joi ko lab Ruben un penas: “O baro Dewel dikas miri bibacht. Tchatchepah, kanna kamell man miro rom.”

1. Mose 30:22

Un o Dewel bistras i Rachel gar. Job shunas ap late un kras, te well joi dai.

1. Mose 8:1

O Dewel bistras o Noah gar, witar gar i viechen, kai pash leste an o panjeskro kheer his: kol diwje vieche un kolla, kai gar diwje hi. Un o Dewel mukas i baro ducho pral i phub te phurdell. Koi djas o pani tele.

2. Samuel 16:12

Nai well, kai o baro Dewel dikell miri bibacht, un krell latchepen dran ko praassepen.”

Debleskri gili 25:18

Dik ap miro pharo djipen, un har djungeles mange djala, un biste miri tseli doosh!

2. Mose 4:31

Un jon patsan len. Un har shunan i Israelitarja, te dikas o baro Dewel lengro pharo djipen, un kamell lenge latchepen te krell, koi witsran pen le ap i phub, un mangan o Debles an.

Gosewe laba 31:2

Miro tchawo, koles me ap i phub anom, tu, ko tchawo, koles o Deblestar mangom, hoi penap tuke?

Sikepaskro 5:4

Feteder hi, te deh tut gar sowel, har te deh tut sowel un rikreh gar, hoi penal.

3. Mose 27:2

Pen ap i Israelitarja: Te das jek pes sowel, te dell lo man, o baro Debleste, i menshes, palle nai ginell lo koles pale win.

4. Mose 21:2

Koi das pes o Israel sowel glan o baro Debleste, un jon penan: “Te deh tu kal menshen an mare wasta, kamah mer lengre forja paash te krell.”

4. Mose 6:11

Un o rashai hunte dell koi jek tauba o Debleste, te well i doosh krik lino. Un koi wawar hunte chatchrell job o Debleske, te well lo pale erligo un koi doosh lestar krik lino, hoi job ap peste anas, har tapras lo i mules an, un was doleske pale-tchiddo. Palle mukell job peskro bal pale lengsto te well,

4. Mose 6:5

Jaake rah har job koi sowel das, hunte well gar leskro bal tchinlo, bis te ko tsiro trujel hi, kai das job pes an o baro Debleskro wast. Job hi o Debleskro, un hunte mukell peskro bal ap o shero lengsto te well.

4. Mose 6:8

Ko tselo tsiro, kai das job pes sowel, hi job kokres o baro Debleske koi.

Čačepangre 11:30

Un o Jefta das pes sowel pash o baro Debleste un penas: “Te deh tu man i Ammonarjen an miro wast,

Čačepangre 13:5

Ko tchawes, kai leh, well i mursh, kai o Debleske hi peskro tselo djipen fun ko diwes, kai well lo ap i phub. Leskre balla wenn gar tchinlo. Un job lell o Israel win dran i wasta i Filistarendar.”

1. Samuel 1:10

Un lakro dji rowas, un joi mangas o baro Debles un rowas soreles ap leste,

1. Samuel 1:12

Un har joi i rah tsiro o baro Debleha rakras, das o Eli jak ap lakro mui.

1. Samuel 1:19

Un sik o wawar diwes stan le pre. Un har sharan le o baro Debles, djan le khere an Rama. Un o Elkana djas rati pash i Hannate dren. Un o baro Dewel bistras i Hannat gar un kras,

1. Samuel 1:22

koi djas i Hanna gar lentsa. Joi penas ap peskro romeste: “Te pijell o tchawo buder gar ap o betch, kamau me les pre te anell glan o baro Debleste. Un job atchell palle koi, jaake rah job djiwella.”

1. Samuel 1:27

Kau tchawes mangom mange o baro Deblestar. Un job shunas man un das les mande.

1. Samuel 1:28

Doleske dau les me kanna ninna o baro Debleste pale, te well lo leskro, jaake rah har job djiwella.” Un jon mangan kote o baro Debles an.

1. Samuel 2:20

Un o Eli rakras bacht pral o Elkana un leskri romni win, un penas: “O baro Dewel dell tut wawar tchawe kai romjatar ko tchaweske o Samuel, koles joi peske o baro Deblestar mangas.” Un jon djan penge pale khere.