1. Rajengro liil 9:4 - O Debleskro Drom 2021 (Sinte)

⁴ Un tu, te djiweh tu glan mande, har tiro dad, o David, glan mande djiwas i djudjo djijeha un kek chochepah, un kreh halauter jaake, har me tuke penom, un mire laba rikreh, un pal miro tchatchepen djiweh,

O Debleskro Lab 2024 (Sinte-Manouche)

⁴ Oun tou, te djiveh tou glan mande, har tiro dad, o David, glan mande djivas i djoudjo djiyeha oun kek rhorhepah, oun kreh halauter yaake, har me touke penom, oun mire laba rikreh, oun pal miro čačepen djiveh,

1. Rajengro liil 9:4 ပူးပေါင်းရင်းမြစ်များ

1. Mose 17:1

O Abram his 99 (enja-deesh-te-enja) bersh phuro. Koi mukas pes o baro Dewel glan leste te dikell, un penas ap leste: “Me hom o sorelo Dewel. Dja ap miro drom, te hatsap kek tchilatchepen ap tute!

1. Mose 20:5

O Abraham penas ap mande: ‘Joi hi miri pheen.’ Un joi penas ninna: ‘Job hi miro phraal.’ Me djinom gar, kai joi romedino hi. Miro dji un mire wasta hi djudjo.”

2. Samuel 22:22

Me rikrom man ap i dromma o baro Deblestar, un mukom gar miro Debles.

1. Rajengro liil 11:38

Te shuneh ap halauter, hoi me tuke penau, un te djah tu ap mire dromma un kreh, hoi glan mire jaka mishto hi, un djiweh pal miro tchatchepen un mire laba, har miro budepaskro, o David, kowa kras, palle hom me tuha. Un jaake har o Davideske krom, krau me, te well dran tiri familja hako tsiro jek, kai hi o rai. Un me dau tut o Israel, te wess rai pral leste.

1. Rajengro liil 11:4

Un jaake was, har o Salomo phuro was, anan les leskre djuwja jaake dur, te nashas lo wawar deblenge pal. Job rikras pes buder gar kokres ap o baro Debleste, kai leskro Dewel hi, har kowa leskro dad, o David kras.

1. Rajengro liil 11:6

Un o Salomo kras, hoi djungelo his glan o baro Debleskre jaka. Un job djas gar peskro tselo djijeha ap o Debleskro drom har kowa leskro dad, o David, kras.

1. Rajengro liil 14:8

Un me krom, te was buder kek o Davideskre tchawendar o rai pral o them. Tut lom, te wess lengro rai. Un tu hals gar har o David, kai mange koi his, un ko rikras mire laba, un djas peskro tselo djijeha ap miro drom, un kras, hoi glan mire jaka mishto hi.

1. Rajengro liil 15:5

O David kras, hoi glan o baro Debleskre jaka mishto his, un rikras pes peskro tselo djipen ap kol tsele laba, hoi o baro Dewel leske penas; win lino hi ko koowa, hoi kras lo ko mursheha Urija, ko Hetari.

1. Rajengro liil 3:14

Un te djah tu an mire dromma, jaake har tiro dad, o David, un rikreh mire laba un kreh, hoi tutar kamau, palle kamau me tuke i lengsto djipen te dell.”

1. Rajengro liil 3:3

O Salomo kamas o baro Debles o djijestar, un djiwas pal kol laba, hoi leskro dad, o David, leske penas. Jek koowa kras lo, hoi gar mishto his: Job maras ninna viechen i wawar deblenge un chatchras lenge sungepaskro koowa.

1. Rajengro liil 3:6

Kote penas o Salomo: “Baro latchepen kral tu miro dadeske, o Davideske, kai tuke koi his, un ap tute rikras, un djiwas an tiro tchatchepen peskro tselo djijeha glan tute. Un mukal tiro latchepen pral leste te well, un dal les i tchawo. Kowa hi kanna ap leskri beshepaskri beshdo pal leste.

1. Rajengro liil 6:12

“Tu te kreh, hoi tutar kamau un djiweh pal miro tchatchepen un rikreh mire tsele laba, palle well miro lab tchatcho an tiro djipen, ko lab, hoi me rakrom tiro dadeha, o Davideha,

1. Rajengro liil 8:25

Kanna, baro Dewel, tu Dewel pral o Israel, rike ninna tiro wawar lab, hoi tu dal miro dadeske, o Davideske, kai tuke koi his. Tu penal, te well hako tsiro jek dran o Davideskri familja o rai pral o Israel. Kowa djal jaake rah, har denn leskre tchawe garda ap pengre dromma, te djiwenn le glan tute jaake, har o David glan tute djiwas.

2. Rajengro liil 20:3

“Ach, baro Dewel, mangau tut, biste gar, kai djiwom glan tute an o tchatchepen un i djudjo djijeha un krom, hoi mishto hi glan tire jaka.” Un o Hiskija rowas i baro ropen glan leste.

2. Familjakro liil 17:4

O Josafat rodas o Debles peskre phurendar, un djiwas pal o Debleskre laba, – un gar jaake har i bare raja pral Israel djiwan.

Debleskri gili 101:2

Me dau jak, te djap o tchatcho drom. Kamau te wess pash mande. I djudjo djijeha djiwau khetne lauterentsa an miro kheer.

Debleskri gili 128:1

I gili te giwell ap o drom an Jerusalem. Bachtelo hi hakeno, kai djiwell o baro Debleha, un djal ap leskro drom.

Debleskri gili 15:2

Koles kokres, kai i djudjo djipen djiwell, un hako tsiro krell, hoi tchatcho hi. Kowa, kai kek chochepen rakrella,

Debleskri gili 26:1

I gili o Davidestar. Baro Dewel, de man miro tchatchepen! Kek doosh hi ap mande. Un me patsau tut, mo baro Debles, un perom gar tutar tele.

Debleskri gili 26:11

Me djiwau an kek tchilatchepen. Ab mange latches un le man win dran o merepen!

Debleskri gili 78:72

Un peskro tselo djijeha das o David jak ap lende, un goswepah sikras lo len o drom.

Gosewe laba 10:9

Kowa, kai an o tchatchepen djiwell, hunte darell gar. Kowa, kai ap bange dromma djal, well tapedo.

Gosewe laba 20:7

Kowa, kai an o tchatchepen tardo hi un o Debleskro drom gar mukell, bachtelo hi leskre tchawe, kai pal leste wenna.

Gosewe laba 28:18

Kowa, kai i djudjo djipen djiwell, well win lino dran i bibacht. Kowa, kai ap dui dromma djal, perell ap jekeste.

Ezekiel 18:9

Job krell, hoi lestar kamau, un djiwell pal miro tchatchepen. Sawo menshes hi kek doosh ap peste. Job atchell djido. Kowa penau me, o baro Dewel, tumaro rai.

Zakarie 3:7

Kowa penell o baro Dewel, ko rai pral o bolepen un i phub: Te djah tu ap mire dromma, un kreh koi budi mishto, hoi dom tute, palle wess o pralstuno pral miro kheer un kol glanstune platse. Un tu nai weh glan mande khetne kolentsa, kai kate tardo hi.

Louka 1:6

O Zachari un i Elisabet his latcho an o Debleskre jaka. Un jon shunan ap o Debleste, un kran lauter, hoi an o Debleskro lab tchinlo his.

5. Mose 28:1

Kau diwes penau tumenge o baro Debleskre tsele laba, pal kolende hunte djiwenn. Shunenn ap tumaro baro Debleste, un krenn pal kal laba! Palle krell tumendar tumaro baro Dewel i natsjona, hoi budeder an-diklo hi har i tsele wawar natsjone ap i phub.