1. Rajengro liil 9:3 - O Debleskro Drom 2021 (Sinte)

³ Un o baro Dewel penas leske: Me shunom, har man an-mangal, un har mandar mangal, te dikap latches ap tute. Jaake rodom kau kheer mange win, hoi tu kral, te djiwap kote hako tsiro. Me dau garda koi pre. Kote krau miro dji tumenge pre.

O Debleskro Lab 2024 (Sinte-Manouche)

³ Oun o baro Devel penas leske: Me shounom, har man an-mangal, oun har mandar mangal, te dikap lačes ap toute. Yaake rodom kava kheer mange vin, hoy tou kral, te djivap kote hako tsiro. Me dau garda koy pre. Kote krau miro dji t'menge pre.

1. Rajengro liil 9:3 ပူးပေါင်းရင်းမြစ်များ

1. Rajengro liil 8:29

Rike tire jaka pre pral kau kheer an i rati un ap o diwes! De jak ap ko kotar phub, kolestar tu penal: Kote kamau te mangenn tumer man an. Shun man, miro rai, te rakrau kate tuha!

2. Rajengro liil 20:5

“Dja pale pale un pen ap o Hiskija, ko rajeste pral mire menshende: ‘Kawa penell o baro Dewel, ko Dewel tiro dadestar, o Davidestar: Me shunom tiro mangepen un me dikom tire swa. Dik, me kamau tut sastes te krell – an o triinto diwes nai djah tu pral an o baro Debleskro kheer.

2. Rajengro liil 21:7

Un job anas koi kashteni debletsa Ashera, hoi lestar kerdo was, an o Debleskro kheer, kolestar o baro Dewel ap o David penas un leskro tchaweste, o Salomo: “An kau kheer un an o foro Jerusalem, hoi me mange wi-rodom dran o tselo Israel, kate kamau me, te mangenn le man an hako tsiro.

2. Familjakro liil 33:7

Un mukas i figura te krell, hoi i chocheno dewel sikras, un anas lat an o Debleskro kheer, kolestar o Dewel ap o David penas un leskro tchaweste, o Salomo: “An kau kheer un an o foro Jerusalem, hoi me mange wi-rodom dran o tselo Israel, kate kamau me, te mangenn le man an hako tsiro.

2. Familjakro liil 6:40

Kanna, miro Dewel, dik hako tsiro latches ap mende, un shun maro mangepen, hoi kate mangah!

Esra 6:12

Un ko Dewel, kai o Jerusalem win rodas, te well lo kote an-mangedo, job mu te phagell hako baro rajes un hako them, kai rikrell pes gar ap kau lab, hoi penom, un hadell peskro wast, te phagell lo ko Debleskro kheer tele an Jerusalem. Me, o Darius, penom kau lab un mukom les pre te tchinell, te rikrell pes hakeno ap leste!

Debleskri gili 10:17

Kowa, hoi i tchorwele tutar mangenna, shuneh tu, mo baro Dewel. Tu kreh lengro dji sorelo, un tiro kand hi lenge pre.

Debleskri gili 116:1

Me kamau o baro Debles o djijestar, job shunas man, har rowom me ap leste.

Debleskri gili 34:17

O baro Dewel hi gar kolentsa, kai o tchilatchepen krenna, un krell, te wenn le sik bistedo pal lengro merepen.

Debleskri gili 65:3

Tu shuneh, hoi tutar mangah. Doleske wenn i tsele menshe pash tute.

2. Mose 20:11

An shob diwessa kras o baro Dewel o bolepen un i phub, o pani un halauter, hoi koi dren hi. Un o eftato diwes kras lo tchi. Doleske penas lo: Kau diwes hi i baro diwes mange. Kau diwes hi miro.

2. Mose 29:44

Jaake lau miro plachteno kheer un i sasterni chatchepaskri mange, ninna o Arones un leskre tchawen, te wenn le mange rashaja.

Jeremia 15:1

Un o baro Dewel penas ap mande: Ninna te wals o Mose un o Samuel glan mande tardo, kroms me kal menshenge miro dji gar pre. Trade len krik mandar, un muk len te djal!

Jeremia 7:10

Un palle wenn tumer glan mande an kau kheer, hoi mange kerdo was, un penenn: ‘Menge nai djal tchi’. Un krenn sawo koowa dureder, hoi choiran man.

Daniel 9:23

Har mangal o Debles, un rakral tire erste laba win, lom i lab lestar. Un me wom, te penap tuke kau lab. Tu hal kutch o Debleske. Kanna de jak, hoi penau, te haiwess, hoi ko dikepen kamell te penell.

Mateo 6:9

Tumer te rakrenn o Debleha, penenn: Maro dad an o bolepen. Tiro lab well sharedo!

Johanni 11:42

Me djinau, kai tu man hako tsiro shuneh. Me penau kawa kol bud menshenge, kai hi kai tardo, te dikenn le un te patsenn le, kai tu man bitchral.”

Bičepangre 10:31

Un job penas ap mande: Kornelio, o Dewel shunas tut, un hoi tu dal kol tchorwelende, dikas o Dewel ninna.

5. Mose 11:12

hi i them, ap koleste tumaro baro Dewel jak dell. Leskre jaka dikenn o tselo bersh latches ap leste.

5. Mose 12:11

Palle hi wawartchandes har kanna: Palle anenn kowa, hoi denn o baro Debleste, ap koi platsa, hoi job peske win rodas, te well lo kote an-mangedo. Kote anenn lauter, hoi me tumenge penau: kol viechen, hoi kamenn leske te marell, sawe, hoi wenn leske tseles chatchedo un sawe, hoi chan khetne. Kote anenn ninna o deshto kotar kolestar, hoi dren anan, un ko wawar koowa, hoi glan tchinlo hi, un kowa hoi denna jaake har tumen sowel dan.

5. Mose 12:21

Tumer hunte djan doleske gar ap koi platsa, hoi tumaro baro Dewel win rodell, te well lo kote an-mangedo. Lauter, kai djiwenn dur koi platsa, nai marenn un chan lengre grumjendar, bakrendar un busjendar, hoi o baro Dewel len das, jaake bud har jon kamenn – kote an lengre forja, kai le djiwenn. Jaake penau les tumenge.

5. Mose 12:5

Mangenn o baro Debles ap i platsa an, hoi job peske win rodell mashkral an o them Israel, te djiwell lo kote. Kote djan, te mangenn les an.

1. Johanni 5:14

Ko jek djinah: Te mangah o Deblestar tchomone, jaake har job kowa kamella, jaake shunell lo men.