1. Rajengro liil 9:28 - O Debleskro Drom 2021 (Sinte)

²⁸ Kolla wan an o them Ofir un lan kotar sonakai pentsa, 420 (star-sheel-te-biish) zentnarja sonakai, un anan les pash o rajeste Salomo.

O Debleskro Lab 2024 (Sinte-Manouche)

²⁸ Kolla van an o them Ofir oun lan kotar sonakay pentsa, 420 (star-sheel-te-biish) centnarya sonakay, oun anan les pash o rayeste Salomo.

1. Rajengro liil 9:28 ပူးပေါင်းရင်းမြစ်များ

1. Mose 10:29

o Ofir, o Hawila, un o Jobab. Kolla halauter wan pal o Joktan.

1. Rajengro liil 10:11

Ninna wan shiffe o rajestar Hiram. Kolla anan sonakai dran o foro Ofir un bud kutch kasht un kutch barra.

1. Rajengro liil 10:14

Un ko sonakai, hoi was o Salomeske anlo an jek bersh, his 666 (shob-sheel-shob-deesh-te-shob) zentnarja sonakai.

1. Rajengro liil 22:48

An ko tsiro his kek Edomari o rai pral o them Edom. I pralstuno mursh, bitchedo o rajestar dran Juda, his o rai pral o them.

1. Rajengro liil 22:49

O Josafat mukas bare shiffe te krell, te anenn le sonakai dran o them Ofir. Jaake dur was kowa gar. Kol shiffe phagan an kotja pash Ezjon-Geber.

1. Familjakro liil 1:23

o Ofir, o Hawila un o Jobab. Kolla halauter wan pal o Joktan.

1. Familjakro liil 29:4

triin serja zentnarja sonakai dran Ofir un efta serja zentnarja latcho rup, te wenn i massurja o kherestar koleha pral maklo.

2. Familjakro liil 8:18

Un o Hiram bitchras leske shiffe un murshen pestar, kai haiwan mishto ap o pani te ulerell. Kolla djan khetne o Salomeskre murshentsa ap kol shiffe, un wan an o them Ofir un lan kotar sonakai pentsa, 450 (star-sheel-te-paash-sheel) zentnarja sonakai, un anan les pash o rajeste Salomo.

2. Familjakro liil 9:10

Un o Hirameskre budepangre un o Salomeskre budepangre, kai o sonakai dran o them Ofir anan, kolla anan ninna kutch kasht un kutch barra.

Hiob 22:24

Te hi tuke tiro sonakai gar budeder moldo har tchik, tiro latcheder sonakai gar budeder har kol barra an i tikne panja,

Hiob 28:16

O goswepen hi budeder moldo har o latcheder sonakai un kutch blauete barra.

Debleskri gili 45:10

I bare rajengre tcha hi pash tute, un ap tiri tchatchi rig hi tiri pirni tardo, un ap late hi o latcheder sonakai.

Debleskri gili 45:9

Tire ripja sungenn mishto pal Myrrhe, Aloe un Kassia. Bashepangre bashrenn tuke an tire rajengre khera, hoi shukar un kutch kerdo hi.

Sikepaskro 2:8

Me lom mange ninna rup un sonakai khetne, un hoi wawar raja un themma man dan. Me mukom gipangren pash mande khetne te well, murshen un djuwjen. Un man his jaake bud djuwja har kamom, te krenn le man bachtelo.

Jesaja 13:12

Me krau, te atchenn gar bud menshe djido. Tu hunte rodess budeder, te hatsess jek menshes, har te rodeh pal latcho sonakai. Awa, hi phareder te hatsess menshen har te hatsess o sonakai dran Ofir.