1. Rajengro liil 9:24 - O Debleskro Drom 2021 (Sinte)

²⁴ Un koi tchai o Faraestar tserdas win dran o Davideskro foro, un was an lakro kheer, hoi o Salomo mukas lake te krell. Koi pal mukas lo ko turmo te krell, hoi kharell Millo.

O Debleskro Lab 2024 (Sinte-Manouche)

²⁴ Oun koy čay o Faraestar tserdas vin dran o Davideskro foro, oun vas an lakro kheer, hoy o Salomo moukas lake te krell. Koy pal moukas lo ko turmo te krell, hoy kharell Millo.

1. Rajengro liil 9:24 ပူးပေါင်းရင်းမြစ်များ

2. Samuel 5:7

O David las ko sorelo kheer Zion peske dren. Kowa hi kanna o Davideskro foro.

2. Samuel 5:9

Jaake djiwas o David an kau sorelo kheer un das les ko lab ‘Davideskro foro’. Un job kras budeder khera un kras o foro buchleder kotar, kai o Millo his bis mashkral an o foro.

1. Rajengro liil 11:27

Har hadas lo pes pral o baro rajeste, was kowa jaake: O Salomo mukas o turmo Millo te krell, un koi massuri tseles te krell, hoi djas trul o Davideskro foro.

1. Rajengro liil 3:1

Un o Salomo romedineras i tchai o baro rajestar pral o them Egiptia. Kowa his o Farao. Un o Salomo anas lat an ko kotar o forestar Jerusalem, hoi kharell ‘Davideskro foro’, te djiwell li kote jaake rah har budran i budepangre ap o Salomeskro kheer un ap o baro Debleskro kheer un ap i massuri trul Jerusalem.

1. Rajengro liil 7:8

Un leskro kheer, kai job djiwas, his tchiddo pal ko kheer, kai leskri beshepaskri his, ap i wawar platsa. Kau kheer his jaake kerdo, har kol wawar khera ninna. Un job mukas ninna sawo kheer te krell peskri romjake. Koja his i tchai o baro rajestar pral o them Egiptia.

2. Familjakro liil 32:5

Un o Hiskija rikras pes mishto un mukas kol massurja trul o foro, kote kai le tele phagedo his, newes te krell. Un kol turme kras lo bareder, un mukas win i duiti massuri pre te tchiwell. Ninna mukas lo o Millo sorleder te krell an o Davideskro foro, un mukas bud witsepaskre tchurja un shilte te krell.

2. Familjakro liil 8:11

Un o Salomo anas peskri romjat, koi tchai o Faraestar, dran o Davideskro foro pral an ko kheer, hoi job mukas lake te krell. Un job penas: “I djuwel hunte djiwell gar an o kheer o Davidestar, ko rajestar pral Israel. Glan i tsiro his kote ko mochton tardo, kai o baro Debleskre laba dren hi. Haki platsa, kai ko mochton tardo his, hi i Debleskri platsa.”