1. Rajengro liil 9:15 - O Debleskro Drom 2021 (Sinte)

¹⁵ Kowa hi o lab, hoi tchinlo hi pral i budi, hoi hunte kran i budepangre o baro rajeske Salomo. Lentsa kras job o baro Debleskro kheer un peskro kheer, un ko turmo Millo, un koi massuri trul Jerusalem, un kol forja Hazor un Megiddo un Geser.

O Debleskro Lab 2024 (Sinte-Manouche)

¹⁵ Kova hi o lab, hoy činlo hi pral i boudi, hoy hounte kran i boudepangre o baro rayeske Salomo. Lentsa kras yob o baro Debleskro kheer oun peskro kheer, oun ko turmo Millo, oun koy massouri troul Yerusalem, oun kol forya Hazor oun Megiddo oun Geser.

1. Rajengro liil 9:15 ပူးပေါင်းရင်းမြစ်များ

2. Samuel 5:9

Jaake djiwas o David an kau sorelo kheer un das les ko lab ‘Davideskro foro’. Un job kras budeder khera un kras o foro buchleder kotar, kai o Millo his bis mashkral an o foro.

1. Rajengro liil 11:27

Har hadas lo pes pral o baro rajeste, was kowa jaake: O Salomo mukas o turmo Millo te krell, un koi massuri tseles te krell, hoi djas trul o Davideskro foro.

1. Rajengro liil 12:4

“Kowa, hoi tiro dad mendar kamas, djas bud kope pral mari soor. Muk tu tchomone tele mendar, un de men gar sawi phari budi har tiro dad men das, palle ham mer tire latche budepangre.”

1. Rajengro liil 3:1

Un o Salomo romedineras i tchai o baro rajestar pral o them Egiptia. Kowa his o Farao. Un o Salomo anas lat an ko kotar o forestar Jerusalem, hoi kharell ‘Davideskro foro’, te djiwell li kote jaake rah har budran i budepangre ap o Salomeskro kheer un ap o baro Debleskro kheer un ap i massuri trul Jerusalem.

1. Rajengro liil 4:12

O Baana, koleskro dad o Ahilud hi, job his o pralstuno pral i forja Taanach un Megiddo, un pral o tselo them pash o foro Bet-Shean – ko foro his pash o foro Zaretan tchiddo, tel o foro Jesreel, mank o foro Bet-Shean un o foro Abel-Mehola, bis pal o foro Jokneam.

1. Rajengro liil 5:13

Job rakras pral i ruka, kol bare zedertikre rukendar, kai hi ap o Libanon tardo, bis pash o tikno bur, o Ysop, hoi well dran i massuri win. Ninna rakras job pral i viechende ap o them: pral i tchirkle, un pral i tikne vieche, hoi djan pral i phub, un pral i matche.

1. Rajengro liil 6:38

Un an o deesh-te-jekto bersh an o tchon Bul, – kowa hi o ochtato tchon – his o kheer kerdo. Un lauter his jaake har hunte wals kowa. Un jon budran efta bersha ap leste.

1. Rajengro liil 9:10

Biish bersha budran o Salomeskre budepangre ap kol dui khera, ap o baro Debleskro kheer un ap o baro rajeskro kheer.

1. Rajengro liil 9:24

Un koi tchai o Faraestar tserdas win dran o Davideskro foro, un was an lakro kheer, hoi o Salomo mukas lake te krell. Koi pal mukas lo ko turmo te krell, hoi kharell Millo.

2. Rajengro liil 12:20

Ko tselo wawar koowa, hoi pral o Joash penepaske hi, un halauter, hoi lo kras, kowa hi tchinlo an i familjakro liil i bare rajendar pral o them Juda.

2. Rajengro liil 15:29

An ko tsiro, har o Pekach ko baro rai pral o them Israel his, was o Tiglat-Pileser, ko baro rai pral o them Assur, un peras an o them Israel dren un las peske kol forja Ijon, Abel-Bet-Maacha, Janoach, Kedesh, Hazor, Gilead un dran o them Galilea ko tselo them Naftali. Un mukas kol menshen, kai kote djiwenn, krik te anell an o them Assur.

2. Rajengro liil 9:27

Har o Ahasja, ko baro rai pral Juda dikas, hoi djas, nashas job pash o foro Bet-Gan. O Jehu las les palla un mukas les ninna te marell ap o wurdin. Un jon dan ap leste karje ap ko drom pash o foro Gur, kai pash o foro Jibleam tchiddo hi. Un job nashas peske an Megiddo un meras koi.

1. Familjakro liil 20:4

Koi pal was i wawar kurepen kol Filistarentsa pash o foro Geser. Koi das o Sibbechai dran o gab Husha i wawar murshes kol bare menshendar mulo. Koleskro lab his Sippai. Jaake wan i Filistarja dino.

2. Familjakro liil 35:22

Un o Josia mukas gar tele leste un kamas pes leha te kurell, un shunas gar ap kowa, hoi o Necho penas, ninna te was kowa o Deblestar. Un o Josia was, te kurell lo pes leha an o telstuno them, hoi kharell Megiddo.

2. Familjakro liil 8:1

Biish bersha budran o Salomeskre budepangre ap o baro Debleskro kheer un ap o baro rajeskro kheer.

Debleskri gili 51:18

Vieche, hoi anenn le tuke, kameh gar. Te wals jaake, doms len tute. Vieche, hoi tuke chatchedo wenna, krenn tiro dji gar bachtelo.

Zakarie 12:11

O ropen trul leste an o foro Jerusalem well jaake baro har o ropen an Hadad-Rimmon an o telstuno them Megiddo.

Josua 10:33

An kau tsiro djas o baro rai pral o foro Geser, o Horam pre, te well lo ap i rig kolendar, kai djiwenn an o foro Lakish. Ninna les un leskre lurden maras o Josua jaake, te nai atchas kek lendar.

Josua 11:1

Un har o baro rai pral o foro Hazor, o Jabin, kowa shunas, bitchras lo murshen pash bud bare rajende, te mangenn le lendar, te djan le leha an o kurepen: o Jobab, ko baro rai pral o foro Madon, o baro rai pral o foro Shimron, o baro rai pral o foro Achshaf,

Josua 16:10

Un jon tradan i Kanaanitarja gar win, hoi an o foro Geser djiwan. Un i Kanaanitarja djiwenn mashkral i Efrajimarja bis ap kau diwes. Un jon hunte budran lenge.

Josua 16:3

un dureder ap koi rig, kai o kham tele djal, an ko them, kai i Jafletarja djiwenn, bis pash o telstuno foro Bet-Horon, un dureder bis pash o foro Geser, un fun kotar pash o Baro Pani.

Josua 17:11

An kol dui themma Asser un Issachar his forja tchiddo, kolla wan o Manasseske dino. Kal forja his: Bet-Shean, Jibleam un Dor, hoi kharell ninna Nafot-Dor; palle En-Dor, Taanach un Megiddo. Koi pashel his kol gaba, hoi his trul kal forja tchiddo.

Josua 19:36

Adama, Rama, Hazor,

Josua 21:21

Sichem an i berge Efrajim, kai hi ninna i foro, kai kolla nai nashenn, kai jekes temerl dan, un koi phub trul o foro, kai i vieche nai chan; Geser un koi phub trul o foro, kai i vieche nai chan;

Čačepangre 1:29

Ninna i mursha dran o kheer Efrajim tradan i Kanaanitarjen gar krik, kai djiwenn an o foro Geser. Un jaake atchan i Kanaanitarja un djiwan mashkral lende an o foro Geser.

Čačepangre 4:2

Un o baro Dewel das len an o wast o baro rajestar Jabin. Kowa his o baro rai pral o them Kanaan un djiwas an o foro Hazor. Un leskro pralstuno lurdo kharas Sisera. Un kowa djiwas an o foro Haroshet-Gojim.

Čačepangre 5:19

Kote wan le, kol bare raja pral o them Kanaan! Jon wan un maran pen mentsa. Awa, an o foro Taanach pash o pani Megiddo maran le pen mentsa. Rup hidjras kek lendar khere.

Čačepangre 9:20

Te his kowa gar mishto, hoi kran tumer, palle djal jag dran o Abimelech win, un koi jag chal hakenes pre, kai an o foro Sichem djiwella, ninna kolen, kai an o baro sorelo kheer djiwenna! Un lendar lauterendar djal jag win un chal o Abimeleches pre!

Čačepangre 9:6

Un i tikno tsiro koi pal wan i tsele mursha dran o foro Sichem khetne, ninna lauter, hoi an o baro sorelo kheer djiwan. Khetne djan le glan o foro Sichem pash ko baro ruk, hoi pash o baro bar tardo hi. Kote tchiwan le o Abimeleches pral pende, te well lo lengro baro rai.