1. Rajengro liil 9:1 - O Debleskro Drom 2021 (Sinte)

¹ Un jaake was, har o Salomo o baro Debleskro kheer kras, un ninna peskro kheer un halauter, hoi job kamas te krell,

O Debleskro Lab 2024 (Sinte-Manouche)

¹ Oun yaake vas, har o Salomo o baro Debleskro kheer kras, oun ninna peskro kheer oun halauter, hoy yob kamas te krell,

1. Rajengro liil 9:1 ပူးပေါင်းရင်းမြစ်များ

1. Rajengro liil 3:1

Un o Salomo romedineras i tchai o baro rajestar pral o them Egiptia. Kowa his o Farao. Un o Salomo anas lat an ko kotar o forestar Jerusalem, hoi kharell ‘Davideskro foro’, te djiwell li kote jaake rah har budran i budepangre ap o Salomeskro kheer un ap o baro Debleskro kheer un ap i massuri trul Jerusalem.

1. Rajengro liil 6:37

An o starto bersh, har o Salomo baro rai his, wan i telstune barra o khereske o baro Deblestar tchiddo. Kowa his an o tchon Siw.

1. Rajengro liil 7:1

Ap peskre khera budras o Salomo 13 (deesh-te-triin) bersha, bis te halauter kerdo his.

1. Rajengro liil 7:2

Jek leskre kherendar his kharedo ‘Libanoneskro weesh’. Kau kheer his 50 (paash-sheel) metarja lengsto, un 25 (biish-te-pantch) metarja buchlo un 15 (deesh-te-pantch) metarja baro, un his tardo ap zedertikre ruka, kolengre pralstune kotja tele tchinlo his. Kolla his tardo an star reihe. Un pesse zedertikre kashta his tchiddo ap lende.

1. Rajengro liil 7:51

Har o tselo Debleskro kheer kerdo was un kowa, hoi dren his, hoi mukas o rai Salomo te krell, mukas lo ko koowa te anell, hoi peskro dad, o David, o baro Debleske das. Ko rup un sonakai un ko tselo koowa tchiwas lo an o baro Debleskro kheer, an koi isema, kai o brawlepen his.

1. Rajengro liil 8:66

Un o wawar diwes mukas o Salomo i menshen khere te djal. Un jon parkran pen pash leste un djan bachteles khere. Lengro dji giwas pral ko tselo latchepen, hoi kras o baro Dewel ap leskro budepaskro, o Davideste, un ap peskre menshende Israel.

1. Rajengro liil 9:10

Biish bersha budran o Salomeskre budepangre ap kol dui khera, ap o baro Debleskro kheer un ap o baro rajeskro kheer.

1. Rajengro liil 9:11

Un o Hiram, ko rai pral o foro Tirus, das o Salomeste ko tselo zedertikro kasht un zipresstikro kasht un jaake bud sonakai, har o Salomo lestar kamas. Har kol dui khera kerdo his, das o Salomo o Hirameste biish forja an o them Galilea.

1. Rajengro liil 9:19

un i tsele forja, kai leskre djobengre khera his, un i forja, kai leskre wurdja un leskre graja tarde his, un lauter, hoi job kamas te krell an o foro Jerusalem, ninna an o them Libanon, un an o tselo them, koleskro rai job his.

2. Familjakro liil 7:1

Har o Salomo o baro Debleha rakras, har lo peskre tsele laba wi-rakras, peras i jag dran o bolepen un chatchras i marede viechen un kol kotja mass, hoi his tchiddo ap i chatchepaskri. Un o kheer was pherdo o baro Debleskro railepen,

2. Familjakro liil 7:11

Un jaake kras o Salomo o baro Debleskro kheer, un ninna peskro kheer. Un leske djas halauter mishto, hoi job kamas te krell ap kal dui khera.

2. Familjakro liil 8:1

Biish bersha budran o Salomeskre budepangre ap o baro Debleskro kheer un ap o baro rajeskro kheer.

2. Familjakro liil 8:6

Ninna o foro Bahalat kras lo newes, un i tsele forja, kai leskre djobengre khera hi, un i forja, kai leskre wurdja un leskre graja tarde hi, un lauter, hoi job kamas te krell an o foro Jerusalem, ninna an o them Libanon, un an o tselo them, koleskro rai job his.

Sikepaskro 2:10

Halauter hoi mire jaka kaman, kowa dom len. Un miro djijeske dom halauter, hoi mukas les te bashrell. Jaake wom bachtelo pral halauter hoi krom. Un halauter, koleske man tele marom, anas mange tchatchepah bacht an o dji.

Sikepaskro 2:4

Me krom baro koowa: Me krom mange khera un drakengre themma,

Sikepaskro 6:9

Well penlo: Feteder hi te dikas ap kowa, hoi men hi, har te nashas wawar koowa palla. Kowa hi ninna tchitcheske, un jaake har te nashams pal o ducho, hoi djal pral i phub.