1. Rajengro liil 8:65 - O Debleskro Drom 2021 (Sinte)

⁶⁵ Un ap ko tsiro his kol bare diwessa, kai djiwenn i Israelitarja an patjengre khera. Un o Salomo khetne kol tsele Israelentsa rikran kol bare diwessa. His bud menshe kote khetne dran o tselo them, fun Lebo-Hamat bis pash koi tala mank Israel un Egiptia. Efta diwessa his le khetne glan maro baro Debleste, un koi pal pale efta diwessa. Kolla his khetne deesh-te-star diwessa.

O Debleskro Lab 2024 (Sinte-Manouche)

⁶⁵ Oun ap ko tsiro his kol bare divessa, kay djivenn i Israelitarya an patyengre khera. Oun o Salomo khetne kol tsele Israelentsa rikran kol bare divessa. His boud menshe kote khetne dran o tselo them, foun Lebo-Hamat bis pash koy tala mank Israel oun Egiptia. Efta divessa his le khetne glan maro baro Debleste, oun koy pal pale efta divessa. Kolla his khetne deesh-te-star divessa.

1. Rajengro liil 8:65 ပူးပေါင်းရင်းမြစ်များ

1. Mose 15:18

Jaake das o baro Dewel o Abrameste ap ko diwes peskro lab, un penas: “Tire tchawen, kai tutar wenna, dau me kau them mank o lengsto pani o themestar Egiptia un o baro lengsto pani Eufrat.

1. Rajengro liil 3:15

Un har o Salomo pre djangras, haiwas lo, kai job i suni das. Un job was an o foro Jerusalem, un atchas glan o mochton tardo, kai o Debleskre deesh laba dren his. Un job mukas viechen te marell. Bud lendar wan tseles chatchedo o Debleske. Un wawarendar chatchran le o thulepen un kotja mass, te parkrenn le pen pash o Debleste. Ko wawar mass chan le khetne. Un o Salomo kras i baro chapen un mukas i tsele pralstunen, kai leske budran, te well.

1. Rajengro liil 8:2

Un i tsele mursha dran Israel wan khetne pash o baro rajeste, o Salomo, an kol bare diwessa an o eftato tchon. Kowa hi o tchon, hoi kharell Etanim.

1. Rajengro liil 8:66

Un o wawar diwes mukas o Salomo i menshen khere te djal. Un jon parkran pen pash leste un djan bachteles khere. Lengro dji giwas pral ko tselo latchepen, hoi kras o baro Dewel ap leskro budepaskro, o Davideste, un ap peskre menshende Israel.

2. Rajengro liil 14:25

O Jerobeam las kol themeskre kotja pale dren, hoi wawar lenge krik lan, jaake te was o them Israel pale khetne, ko forestar Hamat bis pash o Londo Baro Pani. Jaake was tchatcho, hoi penas o baro Dewel, o Israeleskro Dewel, ap peskro budepaskro, o Jona, koleskro dad o Amitai his, dran o foro Gat-Hefer. Un o Jona, ko Debleskro rakepaskro, penas kowa i Israelenge dureder.

2. Rajengro liil 17:24

Har i Israelitarja dran o them Samaria krik anlo wan, mukas o baro rai pral o them Assur menshen dran wawar forja te well, te djiwenn le kote. Kolla wan dran i forja Babilon, Kuta, Awa, Hamat un Sefarwajim, un djiwan kanna an kol forja an o them Samaria. Un jaake lan le kau them dren.

2. Rajengro liil 23:33

O Farao Necho tchiwas les stildes an o foro Ribla an o them Hamat, te atchell lo buder gar baro rai an o foro Jerusalem. Un job tchiwas i sijaan ap o them: 70 (efta-deesh) zentnarja rup un 35 (trijanda te pantch) kilogramme sonakai.

1. Familjakro liil 1:16

un i Arwadarja, i Zemararja, un i Hamatarja.

1. Familjakro liil 13:5

Jaake mukas o David i tsele Israelitarjen khetne gole te dell, kotar, kai o pani Sihor hi an o them Egiptia, bis kotar, kai djal pash o foro Lebo-Hamat, te lenn le ko mochton o deesh labentsa o Deblestar dran o foro Kirjat-Jearim.

2. Familjakro liil 30:13

Un an o foro Jerusalem wan bud menshe khetne, te rikrenn le kol bare diwessa, kai chan le mare, kai kek shutlo jarro dren hi. Un an o duito tchon his bud bud menshe kote khetne.

2. Familjakro liil 30:23

Pal kol diwessa kran le win, te atchenn le wawar efta diwessa khetne. Un ninna an kal efta diwessa chan un pijan le un his bachteles khetne.

2. Mose 23:31

Un me penau, har bares tiro them wella. Job djal fun ko Baro Lolo Pani bis pash ko baro pani, kai i Filistarja djiwenn, un fun o mulo tato them bis pash o lengsto pani Eufrat. Kolla, hoi kote djiwenna, dau an tiro wast, te tradenn tumer len dran o them win.

Jesaja 27:12

I tsiro wella, kai lell o baro Dewel peskre menshen khetne dran o tselo them mank o pani Eufrat un o them Egiptia. Job rodell len win har jek o tikno djob win rodell dran o phuss, jek pal o wawar.

Ezekiel 47:19

Un ap koi rig, kai o kham pralstunes tardo hi, djal o them Israel fun o foro Tamar bis pash o pani, hoi kharell Meriba-Kadesh, un dureder langs ko tikno pani, hoi nashell mank Israel un Egiptia, bis pash o Mashkralstuno Baro Pani. Jaake dur djal o them Israel ap koi rig, kai o kham pralstunes tardo hi.

Amos 6:14

“Doleske”, penell o baro Dewel, ko rai pral o bolepen un i phub, “bitchrau i natsjona, hoi djal ap tumende, kai han dran o kheer Israel. Kolla menshe lenn tumaro them dren fun Lebo-Hamat bis pash o lengsto pani an o telstuno them.”

Amos 6:2

[Tumer penenn ap i menshende:] Djan an o foro Kalne! Un dikenn, har ko foro hi! Un kotar djan dureder pash o baro foro Hamat! Palle djan tele pash i Filistarja an o foro Gat! Hi le sorleder har kal themma Juda un Israel? Hi lengro them bareder har tumaro them? Na-a!

4. Mose 34:5

Fun Azmon djal ko them bis pash koi tala, pal late o them Egiptia hi, un dureder bis pash o Mashkralstuno Baro Pani.

4. Mose 34:8

Un kotar dureder bis kote, kai djal an Hamat, un dureder pash Zedad,

Josua 13:3

un ko them, kai i Kanaanitarja djiwenn, mank o pani Shihor, hoi glan o them Egiptia nashell, un o foro Ekron, kai kote tchiddo hi, kai norden hi; un kol pantch forja, pral kolende pantch Filistarja i raja hi: Gaza, Ashdod, Ashkelon, Gat un Ekron; koi pashel ko them, kote kai o kham pralstunes hi, un kai i Awarja djiwenn;

Josua 13:5

un ko tselo them, kai i Gebalarja djiwenn, un kote, kai o kham pre-djal kol tsele berge, kai kharenn Libanon, fun o foro Baal-Gad, hoi tella pash i berga Hermon tchiddo hi, bis tele ap o drom, hoi an Lebo-Hamat djal;

Josua 15:1

Un i barra peran o khereske Juda jaake, te lan le ko kotar them, hoi djas bis pash o them Edom, bis an o mulo them Zin, kote kai o kham pralstunes tardo hi.

Josua 15:4

un dureder bis Azmon. Fun Azmon djas ko drom bis an koi tala, pal late o them Egiptia hi, un an i tala dureder bis pash o Mashkralstuno Baro Pani. Jaake dur djas o them ap koi rig, kai o kham pralstunes tardo hi.

Josua 19:35

Un an o them Naftali his kal sorele forja: Ziddim, Zer, Hammat, Rakkat, Kinneret,

Čačepangre 3:3

I pantch raja pral i Filistarja, i tsele Kanaanitarja un i Sidonarja un i Hiwarja, kai ap i berge Libanon djiwan mank i berga Baal-Hermon un Lebo-Hamat.