1. Rajengro liil 8:64 - O Debleskro Drom 2021 (Sinte)

⁶⁴ Koi sasterni chatchepaskri his gar bares doha, te chatchrenn le kowa, hoi o Debleske dino was. Doleske las o baro rai Salomo ap ko diwes ninna o mashkralstuno kotar ap i platsa glan o Debleskro kheer chatchepaske. Kote mukas lo sawe viechen te chatchrell, hoi wan tseles o Debleske chatchedo, ninna jarro un ko thulepen kol viechendar, hoi chan le glan o baro Debleste.

O Debleskro Lab 2024 (Sinte-Manouche)

⁶⁴ Koy sasterni rhačepaskri his gar bares doha, te rhačrenn le kova, hoy o Debleske dino vas. Doleske las o baro ray Salomo ap ko dives ninna o mashkralstouno kotar ap i platsa glan o Debleskro kheer rhačepaske. Kote moukas lo save firhen te rhačrell, hoy van tseles o Debleske rhačedo, ninna yarro oun ko thulepen kol firhendar, hoy rhan le glan o baro Debleste.

1. Rajengro liil 8:64 ပူးပေါင်းရင်းမြစ်များ

2. Familjakro liil 4:1

Un job kras i Debleskri chatchepaskri dran lolo saster. Koja his deesh metarja lengsto un buchlo un pantch metarja fun tel bis pral.

2. Familjakro liil 7:7

Koi sasterni chatchepaskri, hoi o Salomo kras, his gar bares doha, te chatchrenn le kol viechen, ko jarro un ko thulepen, hoi o Debleske dino was. Doleske las o baro rai Salomo ninna o mashkralstuno kotar ap i platsa glan o Debleskro kheer chatchepaske. Kote mukas lo sawe viechen te chatchrell, hoi wan tseles o Debleske chatchedo, ninna ko thulepen kol viechendar, hoi chan le khetne glan o baro Debleste.

2. Mose 36:7

Was budeder har doha anlo, te well i tseli budi kerdo, hoi hunte krenn le.

Ezekiel 45:17

O rai hunte dikell koi pre, te wenn i vieche, o djob un i mool anlo glan o baro Debleste an kol bare diwessa, kai wenn i Israelitarja khetne, te sharenn le o Debles, ninna ap ko diwes, kai well o newo tchon diklo, un ap o Debleskro diwes, un ap kol tsele wawar bare diwessa. O rai dell ko djob, koi mool un kol viechen i rashajen, te anenn jon kowa glan o baro Debleste, te well lauter krik lino, hoi mank o Debleste un i Israelitarjen tardo hi. I vieche, hoi maredo wenn, hi sawe, kai wenn tseles chatchedo un sawe, kai wenn maredo, te well i doosh krik lino, un sawe, kai chan i menshe khetne glan o baro Debleste.

3. Mose 3:9

I feteder kotja o viechestar wenn chatchedo o baro Debleske. Kal kotja hi: o thulepen, i thulli pori, tele tchinlo pash o palstuno kokalo, ninna ko thulepen ap un pral i buke,