1. Rajengro liil 8:63 - O Debleskro Drom 2021 (Sinte)

⁶³ Un o Salomo mukas 22.000 (biish-te-dui-serja) grumjen un 120.000 (sheel-te-biish-serja) bakre te marell, te chan le len khetne glan o baro Debleste. Jaake dan le o kheer o baro Debleste, te well les leskro kheer. Kowa kras o rai Salomo khetne i tsele Israelitarja.

O Debleskro Lab 2024 (Sinte-Manouche)

⁶³ Oun o Salomo moukas 22.000 (biish-te-douy-zerya) groumyen oun 120.000 (sheel-te-biish-zerya) bakre te marell, te rhan le len khetne glan o baro Debleste. Yaake dan le o kheer o baro Debleste, te vell les leskro kheer. Kova kras o ray Salomo khetne i tsele Israelitarya.

1. Rajengro liil 8:63 ပူးပေါင်းရင်းမြစ်များ

1. Familjakro liil 29:21

un anan o baro Debleske viechen. O wawar diwes, taissarla, maran le o baro Debleske sawe viechen, kai wan leske tseles chatchedo: jek sero terne gurma, jek sero mursh bakre, un jek sero terne bakre. Ninna tchoran le mool win o baro Debleske, un maran leske bud viechen, hoi chan i tsele Israelitarja khetne glan leste.

2. Familjakro liil 15:11

Un anan ap kau diwes o baro Debleske kolestar, hoi jon pentsa anan, har wan le dran o kurepen pale: 700 (efta sheel) grumja un 7.000 (efta serja) bakre.

2. Familjakro liil 2:4

Un ko kheer, hoi me kamau te krell, hunte well baro; maro Dewel hi bareder har hako wawar dewel.

2. Familjakro liil 30:24

Un o Hiskija, o baro rai pral Juda, das len 1.000 (jek sero) terne gurma un 7.000 (efta serja) bakre. Un i pralstune dan len ninna jek sero terne gurma un deesh serja bakre. Un bud kol rashajendar kran pen djudjo pengri budjake o Debleske.

2. Familjakro liil 7:4

Un o baro rai un i tsele Israelitarja anan viechen o baro Debleske.

2. Familjakro liil 7:5

Un o baro rai Salomo mukas 22.000 (biish-te-dui-serja) grumjen un 120.000 (sheel-te-biish-serja) bakre te marell. Jaake dan le o kheer o baro Debleste, te well les leskro kheer. Kowa kras o baro rai Salomo khetne i tsele Israelitarja.

Esra 6:15

Un koi tseli budi was kerdo ap o triinto diwes an o tchon Adar. Kowa his, har o Darius an o shobto bersh o baro rai his.

Nehemia 12:27

Un har i massuri trul o foro Jerusalem kerdo was, kran le i baro festo, un mukan i Levitarjen gole te dell dran lengre tsele gaba, te denn jon i massuri an o Debleskro wast un parkrenn pen pash leste bachtele djijentsa, un giwenn un bashrenn leske ap sasterne patria, hoi wenn khetne dino, un ap dorjengre bashepangre, hoi kharenna Harfe un Laute.

Debleskri gili 30:1

I gili o Davidestar, te giwenn le ap kol bare diwessa, kai o Debleskro kheer kerdo was.

Ezekiel 36:38

An kol forja, kolendar kanna tchi har barra koi hi, djiwenn palle jaake bud menshe, har his bakre an o foro Jerusalem an kol bare diwessa, har kol bakre o baro Debleske maredo un chatchedo wan. Un jon dikenn un haiwenn palle, te hom me o baro Dewel.

Ezekiel 45:17

O rai hunte dikell koi pre, te wenn i vieche, o djob un i mool anlo glan o baro Debleste an kol bare diwessa, kai wenn i Israelitarja khetne, te sharenn le o Debles, ninna ap ko diwes, kai well o newo tchon diklo, un ap o Debleskro diwes, un ap kol tsele wawar bare diwessa. O rai dell ko djob, koi mool un kol viechen i rashajen, te anenn jon kowa glan o baro Debleste, te well lauter krik lino, hoi mank o Debleste un i Israelitarjen tardo hi. I vieche, hoi maredo wenn, hi sawe, kai wenn tseles chatchedo un sawe, kai wenn maredo, te well i doosh krik lino, un sawe, kai chan i menshe khetne glan o baro Debleste.

Micha 6:7

Hi o baro Dewel bachtelo pral bud serja bakre, un deesh serja khore djet? Hunte dap leske miro phureder tchawes, te well miri doosh krik lino un ko tchilatcho koowa, hoi krom?

Johanni 10:22

His wend. Un i bibolde an o foro Jerusalem kran i baro chapen, te bistrenn le gar ko diwes, har o Debleskro baro kheer newes kerdo was.