1. Rajengro liil 8:6 - O Debleskro Drom 2021 (Sinte)

⁶ Un i rashaja anan o mochton o Debleskre deesh labentsa ap peskri platsa an koi palstuni isema, hoi kharell Debleskri kutch isema. Jon tchiwan o mochton tel kol dui bolepangre figure, kai kharenn Cherubim, tel lengre tchirklengre mussja.

O Debleskro Lab 2024 (Sinte-Manouche)

⁶ Oun i rashaya anan o morhton o Debleskre deesh labentsa ap peskri platsa an koy palstouni isema, hoy kharell Debleskri kouč isema. Yon čivan o morhton tel kol douy bolepangre figure, kay kharenn Keroubim, tel lengre čirklengre moussya.

1. Rajengro liil 8:6 ပူးပေါင်းရင်းမြစ်များ

2. Samuel 6:17

Har jon o Debleskro mochton dren anan, tchiwan jon les ap leskri platsa mashkral an o plachteno kheer, hoi o David leske pre tchiwas. Un o David chatchras viechen o baro Debleske, un maras wawar viechen, te chan le len khetne glan o baro Debleste.

2. Samuel 6:2

Un djas lentsa an o foro Baala, an ko them Juda, te anell job kotar o Debleskro mochton win, kai o Debleskre deesh laba dren hi. Ko mochton was kharedo pal o baro Debleste, ko rajeste pral o bolepen un i phub. Kowa hi beshdo pral i bolepangre, kai kharenna Cherubim.

1. Rajengro liil 6:16

Un deesh metarja glan i palstuni massuri kras job i wawar massuri dran zedertikre kashta. Kai massuri djas fun tel bis pral. Jaake kras lo an o kheer i kutch isema o baro Debleske, hoi leske kokres his.

1. Rajengro liil 6:19

Un mashkral an o kheer kras lo koi isema, kai te well koi mochton tchiddo, kai o baro Debleskre deesh laba dren his.

1. Rajengro liil 6:27

Un o Salomo tchiwas len mashkral an i kutch isema, jek langs i wawar. Un lengre mussja his jaake buchles, te djas koi mussi jekestar bis ap koi jek massuri un koi mussi o wawarestar bis pash koi wawar massuri. Mashkralstunes wan i mussja khetne.

1. Rajengro liil 8:3

Un har i tsele phureder dran Israel khetne his, hadan i rashaja o mochton kol deesh labentsa o baro Deblestar pre,

1. Rajengro liil 8:4

un hidjran les an o Debleskro baro kheer. Ninna anan le o Debleskro plachteno kheer koi, un ko tselo Debleskro koowa, hoi koi dren his. Kowa kran i rashaja un i Levitarja.

1. Rajengro liil 8:7

Kal Cherubim kran pengre mussja buchles pral koi platsa, kai o mochton tardo his, un tchakran jaake o mochton un leskre hidjepangre kashta.

1. Familjakro liil 22:19

Kanna denn tumaro djipen un tumaro dji o baro Debleste, kai tumaro Dewel hi! Un stenn pre un krenn leske i kheer, kai leske kokres hi. Kote te well o mochton o baro Debleskre deesh labentsa dren tchiddo, ninna ko wawar Debleskro koowa. Kau kheer krenn tumer, te well o baro Dewel sharedo.”

2. Familjakro liil 5:7

Un i rashaja anan o mochton o Debleskre deesh labentsa ap peskri platsa an koi palstuni isema, hoi kharell Debleskri kutch isema. Jon tchiwan o mochton tel kol dui bolepangre figure, kai kharenn Cherubim, tel lengre tchirklengre mussja.

Debleskri gili 80:1

I gili o rajeske pral i gipangre, te giwell pash o bashepen ap i shob-dorjengri bashepaskri. Kai gili kras o Asaf.

Debleskri gili 80:2

Shun ap mende, tu, kai deh jak ap i Israelende. Har i bakrengro jak dell ap peskre bakre, deh tu jak ap o Josefeskre tchawende. Tu, kai hal beshdo pral i cherubim, ab, un sike tut

Debleskri gili 99:1

O baro Dewel hi o baro rai. Job hi beshdo pral i Cherubim. Lestar darella i phub, un hake themma trissenna.

2. Mose 37:9

Un kol bolepangre hadan pengre mussja pre un tchakran lentsa o pralstuno kotar. Un lengre shere dikan pen an. Un lengre jaka dikan tella ap o pralstuno kotar.

Jesaja 37:16

“Baro Dewel, tu rai pral o bolepen un i phub, tu hal o Israeleskro Dewel, un hal pral i bolepangre beshdo. Tu kokres hal o Dewel pral i tsele themma ap kai phub. Tu kral o bolepen un i phub.

Ezekiel 10:5

Un kol tchirklengre mussja fun kol bolepangre kran jaake bari gole, har te rakrell o sorelo Dewel. Un me shunom lat ninna an koi bari glanstuni platsa.

Ezekiel 41:4

Un job ginas tele, har baro koi tseli palstuni isema dren hi: Koja his 10 metarja baro un deesh metarja buchlo, jaake buchlo har koi bari isema ninna hi. Un job penas ap mande: Kaja hi o Debleskri kutch isema.

1. Samuel 4:4

Un jon bitchran murshen an Shilo, un mukan ko mochton pash pende te anell, an koleste i deesh laba hi o baro Deblestar, kai hi o rai pral o bolepen un i phub, un hi beshdo pral i bolepangre. Un kol dui tchawe o Eljestar, o Hofni un o Pinhas djan o mochtoneha.