1. Rajengro liil 8:46 - O Debleskro Drom 2021 (Sinte)

⁴⁶ Tu djineh, kai kek mensho djudjo hi an peskro dji un an peskro djipen glan tute. Doleske nai well, kai mukenn tire menshe tiro drom, un tu choireh tut pral lende un mukeh len an o wast wawar menshendar te well, te anenn jon len pandles an pengro them – kowa nai well dur oder gar jaake dur.

O Debleskro Lab 2024 (Sinte-Manouche)

⁴⁶ Tou djineh, kay kek mensho djoudjo hi an peskro dji oun an peskro djipen glan toute. Doleske nay vell, kay moukenn tire menshe tiro drom, oun tou rhoyreh tout pral lende oun moukeh len an o vast vavar menshendar te vell, te anenn yon len pandles an pengro them – kova nay vell dour oder gar yaake dour.

1. Rajengro liil 8:46 ပူးပေါင်းရင်းမြစ်များ

1. Rajengro liil 8:45

palle shun lengro mangepen! Awa, tu an o bolepen, shun un le lengro koowa an tiro wast!

2. Rajengro liil 17:18

Kote was o baro Dewel chojedo pral i Israelitarja, un tchiwas len krik glan leskre jaka, jaake kai atchan kokres menshe dran o kheer Juda pral.

2. Rajengro liil 17:23

Kowa djas jaake rah, bis te o baro Dewel i Israelitarjen glan peste krik tradas, un was jaake har leskre budepangre glan-wi penan, kolla, kai leskre rakepangre his. Jaake wan i Israelitarja dran o them Israel pandles krik anlo an o them Assur. Kote hi le gomme kau diwes.

2. Rajengro liil 17:6

Un har o Hoshea an o enjato bersh baro rai his, las o baro rai pral o them Assur o foro Samaria dren, un anas i menshen dran Israel pandles krik an o them Assur, un mukas len te djiwell an o them Halach un pash o lengsto pani Habor an o them Gosan, un an i forja, kai i Medarja djiwan.

2. Rajengro liil 25:21

Un o baro rai pral o them Babilonia mukas len temerl te dell an o foro Ribla an ko kotar them, hoi kharell Hamat. Jaake wan i menshe dran o them Juda krik anlo dran pengro them.

2. Familjakro liil 6:36

Tu djineh, kai kek mensho djudjo hi an peskro dji un an peskro djipen glan tute. Doleske nai well, kai mukenn tire menshe tiro drom, un tu choireh tut pral lende un mukeh len an o wast wawar menshendar te well, te anenn jon len pandles an pengro them – kowa nai well dur oder gar jaake dur.

Hiob 14:4

I tsele menshen hi doosh ap pende. Har nai well lendar jek, koles kek doosh ap peste hi?

Debleskri gili 130:3

Te tchinals tu, baro Dewel, mari doosh an i liil, koon nai atchals palle glan tute tardo?

Debleskri gili 130:4

Tu hal kowa, kai i doosh krik lella. Doleske dikah pre ap tute un shunah ap tute.

Debleskri gili 143:2

De man, tiro budepaskres, kek phagi; glan tute hi kek mensho an o tchatchepen tardo.

Debleskri gili 19:12

Miro rai, me mukau tire laba ap miro dji te rakrell. Koon rikrell pes ap lende, koleske djal mishto.

Gosewe laba 20:9

Koon nai penell pestar: ‘Me rikrom miro dji djudjes, man hi kek doosh?’

Sikepaskro 7:20

Kek mensho hi jaake an o tchatchepen tardo, te krell lo kokres latcho koowa un anell kek doosh ap peste.

Jesaja 53:6

Mer halauter hams har bakre, kai nashan pen. Hakeno djas ap peskro drom. O baro Dewel mukas ap leste mari tseli doosh te perell.

Jesaja 64:6

Un koi hi kek, kai tiro lab an-gole dell, kek, kai well pash tute, te rikrell lo pes ap tute. Tchatchepah, tu kameh buder tchi mendar te djinell, un mukeh men tapedo an maro tchilatchepen.

3. Mose 26:33

Tumen tradau me mank i menshende an i wawar themma, un lau tumen o chareha palla. Tumaro them well i mulo them, un tumare forjendar atchell tchi pral har barra.

Louka 21:24

Bud wenna maredo o chareha. Wawar wenna pandlo un wenna an i wawar themma anlo. Un o foro Jerusalem well kol menshendar khetne stakedo, kai wenna dran wawar themma. Kowa djal jaake rah, har o Dewel mukell len kowa te krell.”

Remarja 3:19

Mer djinah: Kowa, hoi an o Moseskre laba penlo hi, hi kolenge penlo, kai lan kol laba. Kolla hi i bibolde. Jaake nai penell kek mensho, witar kek biboldo: Man hi kek doosh. Kek mensho krell o tchatchepen. Doleske hi kek mensho tchatcho glan o Debleste.

Remarja 3:23

Lauter kran o tchilatchepen un wan pale-tchiddo glan o Debleste.

Galatarja 3:22

O Debleskro lab penella, kai hi hako mensho pandlo ap o tchilatchepen. Ko jek drom, kai anell men win dran o tchilatchepen, hi o patsepen ap o Jesus Kristeste. Kowa penas o Dewel.

5. Mose 28:36

O baro Dewel tradell tumen un ko rajes, koles tumer pral tumende tchiwan, pash i menshende an i wawar them, kai tumer an kek tsiro djiwan, witar gar tumare phure. Un kote mangenn tumer un barrengre deblen an.

5. Mose 29:28

Kowa hoi khatedo hi, djinell kokres maro baro Dewel. Mende sikras lo, hoi lo mendar kamell, te djiwas mer pal kal tsele laba, hoi an kau tchatchepaskro liil tchinlo hi. Kowa hi menge un mare tchawenge hako tsireske.

Jakobo 3:2

Mer halauter krah bud kope, hoi gar mishto hi. Koon rakrell an kek tsiro tchilatcho koowa, kowa hi i latcho mensho, kai nai rikrell pes khetne.