1. Rajengro liil 8:41 - O Debleskro Drom 2021 (Sinte)

^41-42 Ninna i menshe dran wawar themma, kai gar tire menshendar Israel hi, shunenn, har baro tu hal, un hawo baro sorelo koowa tu kral tire menshenge. Kanna, te well jek lendar dran i dur them, te mangell lo tut an kate an kau kheer,

O Debleskro Lab 2024 (Sinte-Manouche)

^41-42 Ninna i menshe dran vavar themma, kay gar tire menshendar Israel hi, shounenn, har baro tou hal, oun havo baro zorelo koova tou kral tire menshenge. Kanna, te vell yek lendar dran i dour them, te mangell lo tout an kate an kava kheer,

1. Rajengro liil 8:41 ပူးပေါင်းရင်းမြစ်များ

1. Rajengro liil 8:40

Palle rikrenn le penge tut glan i jaka hako tsiro, jaake rah har jon an kau them djiwenn, hoi tu mare phurende dal.

2. Familjakro liil 6:32

Ninna i menshe dran wawar themma, kai gar tire menshendar Israel hi, shunenn, har baro tu hal, un hawo baro sorelo koowa tu kral tire menshenge. Kanna, te well jek lendar dran i dur them, te mangell lo tut an kate an kau kheer,

Jeremia 3:17

An ko tsiro well o foro Jerusalem kharedo: O baro Debleskri beshepaskri. Un i tsele menshe wenn koi khetne. Un jon djan buder gar pal pengro shero un pengro tchilatcho dji.

4. Mose 15:16

I emlige tchatchepaskre laba un o emligo tchatchepen hi tumenge un kolenge, kai hi wi-themarja mank tumende.

4. Mose 15:29

Un jaake hunte well kowa hakeneske, kai anas i doosh ap peste un djinas gar, kai kaja i doosh hi – nai well i Israelitari, nai well i wi-themari, kai mank tumende djiwell.

Mateo 12:42

Ap ko diwes, kai rakrell o Dewel o tchatchepen win pral i tsele menshende, stella ninna i bari rani dran o foro Saba pre. Un joi penella, te hi kol menshe tchilatcho, kai kanna djiwenna. Glan i rah tsiro, was joi dran i dur them, un was pash o baro rai Salomo, te shunell li leskre gosewe laba. Kawa, kai glan tumende tardo hi, kawa hi bareder har o baro rai Salomo.

Mateo 2:1

Ap ko tsiro, har was o Jesus an o foro Betlehem an o them Judea boldo, his o Herodes o baro rai pral o them. Koi wan gosewe mursha dran o them, kai o kham pre djala, un djan an o foro Jerusalem. Jon putchan i menshendar an o foro Jerusalem:

Mateo 8:5

Un o Jesus djas dureder, un was an o foro Kapernaum. Kote was i pralstuno lurdo pash leste, un mangas les:

Louka 17:18

Hi kek wawar koi, kai was pale pale, te sharell lo o Debles har kau Samaritari?”

Johanni 12:20

Mashkral i biboldende, kai wan an o foro Jerusalem, te mangenn le o Debles an ap o festo Passa, his ninna menshe dran o grichtikro them.

Ruth 1:16

I Rut penas: “Rake gar ap mande dren, te mukap tut! Me mukau tut gar. Kai tu djah, djau me ninna. Kai tu atcheh, atchau ninna. Tire menshe hi mire menshe. Un tiro Dewel hi ninna miro Dewel.

Ruth 2:11

O Boas penas ap late: “Mange was lauter penlo, hoi tu ap tiro romeskri dake lauter kral pal tiro romeskro merepen, te mukal tiro dades un tiri dat un tiro them un djal pash menshende, kolen tu glan kowa gar prindjral.