1. Rajengro liil 8:37 - O Debleskro Drom 2021 (Sinte)

³⁷ Nai well i bari bok pral kau them, ninna i djungelo nasslepen, i tsiro, kai dell kek brishin, i nasslepen ap o djob, bud stepangre un kirme, kai chan o tselo senlepen, lurde, kai wenn dran wawar themma un tchiwenn pen trul i forja un pandenn len dren – hawi bibacht un nasslepen ninna wella,

O Debleskro Lab 2024 (Sinte-Manouche)

³⁷ Nay vell i bari bok pral kava them, ninna i djoungelo nasslepen, i tsiro, kay dell kek brishin, i nasslepen ap o djob, boud stepangre oun kirme, kay rhan o tselo zenlepen, lourde, kay venn dran vavar themma oun čivenn pen troul i forya oun pandenn len dren – havi bibarht oun nasslepen ninna vella,

1. Rajengro liil 8:37 ပူးပေါင်းရင်းမြစ်များ

1. Rajengro liil 8:38

koon palle peskro tselo djijeha tutar mangella, nai well jek, nai wenn budeder, nai well o tselo Israel, un an peskro djijeskri duk rikrell lo peskre wasta ap kai rig, kai kau kheer hi,

1. Familjakro liil 21:12

“Kameh tu, te well triin bersh i bari bok? Kameh, te nashess triin tchon kolendar krik, kai kamenn tut te marell un lenn tut o chareha palla? Kameh, te well triin diwessa i baro nasslepen an o them? Kau nasslepen hi o baro Debleskro charo, un leskro bolepaskro marell bud menshen an o tselo them Israel. Kanna muk kowa an tiro shero trujel te djal! Palle pen mange, hoi me ap koleste penap, kai bitchras man!”

2. Familjakro liil 20:9

Te well pral mende i bibacht, nai well i baro kurepen, i phagi, i djungelo nasslepen, i bari bok, palle kamah glan tute te well glan kau kheer, kai tu weh an-mangedo, te das mer i bari gole ap tute. Un palle shuneh tu un leh men win dran koi bibacht, hoi pral mende was.

Debleskri gili 78:46

Lengro djob chan i stepangre pre. Kolla chan lauter, hoi ap lengri phub bares was.

Debleskri gili 91:3

O baro Dewel dell jak ap tute, te peress gar an i dorja, hoi tchiwell kowa tuke, kai kamell tut te taprell. Ninna lell o Dewel tiro djipen win dran o nasslepen, hoi anell an o merepen.

Jeremia 32:2

An ko tsiro his i lurde o baro rajestar dran o them Babilonia trul o foro Jerusalem tardo. Un o Debleskro rakepaskro, o Jeremia, was pandles ap i lurdengri platsa rikedo. Koi platsa his pash o kheer o baro rajestar pral o them Juda tchiddo.

Ezekiel 14:21

Un kanna penell o baro Dewel, maro rai: Ap ko tsiro, kai bitchrau star phare dawa pral ko foro Jerusalem – kurepen, bok, diwje vieche un pharo nasslepen, – te merenn i menshe un vieche koi dren,

3. Mose 26:16

palle krau tumentsa jaake: Bari bibacht anau pral tumende, pharo nasslepen, hoi tumenge o djipen randell. Tumer chatchenn glan fibro, tumare jaka nai dikenn buder gar mishto, un kek soor atchell an tumende. Tchitcheske witsrenn djob win an i phub. Kolla, kai kurenn pen tumentsa, chan les pre.

Haggai 2:17

Me rikrom o brishin pale, tumaro djob meras tele, brishineskre barra mukom ap tumari hachetikri phub te perell. Pal ko tselo koowa wan tumer gar pale pash mande, un mangan tumen gar tele pash mande.

5. Mose 28:25

O baro Dewel krell, te wenn kolla sorleder har tumer, kai kurenn pen tumentsa. Ap jek drom djan tumer ap lende pre, un ap hake rigja hunte nashenn tumenge lendar. Un i menshenge an hake themma ap i phub atchell o rakepen krik i trashatar, te dikenn le, har tumenge djala.