1. Rajengro liil 8:36 - O Debleskro Drom 2021 (Sinte)

³⁶ palle shun tu an o bolepen, un le ko tselo tchilatchepen krik, hoi jon un lengre raja kran. Sike lenge tiro latcho drom, te nai nashenn le ap leste! Un palle de len pale o brishin ap ko them, hoi tu lenge dal, te well lo lengro.

O Debleskro Lab 2024 (Sinte-Manouche)

³⁶ palle shoun tou an o bolepen, oun le ko tselo čilačepen krik, hoy yon oun lengre raya kran. Sike lenge tiro lačo drom, te nay nashenn le ap leste! Oun palle de len pale o brishin ap ko them, hoy tou lenge dal, te vell lo lengro.

1. Rajengro liil 8:36 ပူးပေါင်းရင်းမြစ်များ

1. Rajengro liil 18:1

Pal i rah tsiro, an o triinto bersh, kai bokenn le, penas o baro Dewel ap o Elija: “Dja, muk tut te dikell glan o Ahab. Me mukau o brishin te well ap i phub!”

1. Rajengro liil 18:41

Palle penas o Elija ap o Ahab: “Dja pre, cha un pi, kote well i baro brishin!”

1. Rajengro liil 18:45

Un jaake was: Sik was o bolepen kalo, i sorelo ducho tradas kale wolke pash lende, un palle was i baro brishin. Un o Ahab beshas ap peskro wurdin un uleras tele an o foro Jesreel.

Debleskri gili 119:133

Muk te atchap soreles ap tiro drom, jaake har tu penal, te well o tchilatchepen kek rai pral mande!

Debleskri gili 119:33

Sike tu man, baro Dewel, har te krap kowa lauter jaake, har tu mandar kameh, te djiwap miro tselo djipen jaake, har tu kameh.

Debleskri gili 143:8

Ap i tsalla muk man tiro latchepen te shunell. Me dikau ap tute. Sike man hawo drom me hunte djap. Miro dji nashell pal tute.

Debleskri gili 25:12

Hoi hi ko mursheha, kai djiwell o baro Debleha? Koleste sikrell lo hawo drom job te djal.

Debleskri gili 25:8

Latcho un tchatcho hi o baro Dewel. Doleske sikrell lo kolen, kai doosh ap pende lan, o tchatcho drom.

Debleskri gili 27:11

Baro Dewel, sike man tiro drom! Un an man ap o tchatcho drom, te hunte rikrenn kolla pengro mui, kai mange tchilatchepen kamenna.

Debleskri gili 32:8

“Me kamau tute te sikrell hawo drom tu hunte djas, un penau tuke, har tu les djas, un dau jak ap tute,” penell o baro Dewel.

Debleskri gili 5:8

Mange hal latches un mukeh man an tiro kheer dren te djal. Me nai witsrau man tele glan tiro railo kheer, un nai mangau tut an.

Debleskri gili 68:10

Tu, maro Dewel, dal doha brishin, un mukal tiro tato themes pale pre te djiwell,

Debleskri gili 68:9

kote trissas i phub, un o bolepen das baro brishin glan tute, o Debleste ap i berga Sinai, awa, glan o Debleste pral o Israel.

Debleskri gili 86:11

Baro Dewel, sike man tiro drom, te djap an tiro tchatchepen. Rike miro dji pash tute, te krap, hoi tu kameh!

Debleskri gili 94:12

Bachtelo hi kowa, koneste tu, baro Dewel, leskri doosh sikreh, koleste tu sikreh, har te djiwell lo.

Jesaja 30:21

Te kamenn ap i tchatchi oder ap i serwi rig leskro dromestar tele te djal, palle shunenn tumare kanda i rakepen, hoi pal tumende rakrell: Kawa hi o drom, kowa djan!

Jesaja 35:8

Un kote hi palle i drom, hoi kharell ‘Debleskro drom’. Kek, kai pale-tchiddo glan o Debleste hi, nai djal ap leste. Kokres o Debleskre menshe djan ap leste. Kek, kai djal ap ko drom, nashrell pes, witar kek, kai gar bud haiwell.

Jeremia 14:22

Kek dewel, koles i menshe an wawar themma an-mangenna, nai bitchrell brishin! Witar gar dell o bolepen dran peste brishin! Na-a, maro baro Dewel, tu hal kowa, kai krell sawo koowa. Doleske dikah ap tute.

Jeremia 42:3

Mange tiro baro Deblestar, te penell lo menge, kai te djas, un hoi te kras.

Jeremia 6:16

O baro Dewel penas lenge: Atchenn tardo ap ko drom, kai tumer djan! Dikenn un putchenn pal i phure dromma! Hatsenn win, hawo drom anell tumenge latchepen! Un djan kau drom! Palle well shukapen an tumare djia. Jon penan: Kowa kamah mer gar te krell.

Joel 2:23

Un tumer menshe dran o foro Zion, awenn bachtelo, un giwenn pral kowa, hoi kras o baro Dewel. Job hi tumaro Dewel, un dell tumen doha brishin ap o tchatcho tsiro, har lo kras glan kowa,

Micha 4:2

Bud menshe dran wawar themma wenn kai, un penenn: “Awenn, djas pral ap i berga o baro Deblestar, pash ko kheer kolestar, kai o Jakobeskro Dewel hi. Kote sikrell job mende, har te djas ap leskro drom, te djiwas mer jaake har job kamell.” I berga Zion hi koi platsa, kai sikrell job i menshende, hoi lo lendar kamell. Un dran Jerusalem djan sawe menshe win, kai penenn i wawarenge o baro Debleskro lab.

Mateo 22:16

Un jon bitchran pengre murshen pash leste. Lentsa djan ninna wawar mursha. Kolla his o Herodeskre mala. Un jon penan ap leste: “Sikepaskro, mer djinah, tu peneh o tchatchepen, un sikreh mishto i menshende o Debleskro drom. Tu rakreh kekeske pal o mui, ninna te hi len bud penepaske.

1. Samuel 12:23

Un me ninna, kamau gar i doosh ap mande te anell glan o baro Debleste, te mangap les gar tumenge. Me kamau te sikrap tumende o latcho un tchatcho drom.