1. Rajengro liil 8:32 - O Debleskro Drom 2021 (Sinte)

³² palle shun an o bolepen, un kre o tchatchepen win pral tire budepangre. Kre te well o tchilatchepen, hoi jek kras, ap leskro shero. Un ko wawares, kai an o tchatchepen his, de les leskro tchatchepen, te well diklo, kek doosh hi ap leste.

O Debleskro Lab 2024 (Sinte-Manouche)

³² palle shoun an o bolepen, oun kre o čačepen vin pral tire boudepangre. Kre te vell o čilačepen, hoy yek kras, ap leskro shero. Oun ko vavares, kay an o čačepen his, de les leskro čačepen, te vell diklo, kek doosh hi ap leste.

1. Rajengro liil 8:32 ပူးပေါင်းရင်းမြစ်များ

2. Samuel 22:21

O baro Dewel djinas, te homs an o tchatchepen tardo. Doleske kras lo mange latchepen. Kek doosh his ap mande. Doleske his lo mange latcho.

1. Rajengro liil 2:33

Lengro rat atchell ap o shero o Joabestar un leskre tchawendar pal leste hako tsireske. O David un halauter, kai wenn pal leste, un kai wenn bare raja pal leste, kolendar mu rikrell o baro Dewel i bibacht dur krik an hako tsiro!”

Ester 9:25

An ko liil his ninna tardo, har i Ester pash o baro rajeste djas un har kowa an i liil penas, te well o Hamaneha ko tchilatcho koowa kerdo, hoi job kamas i biboldentsa te krell. Un jaake was o Haman un peskre tchawe ap i bare kashta pre bladedo.

Debleskri gili 18:25

Miro tchatchepen his glan leskre jaka. Un kek doosh his ap mande. Doleske kras o baro Dewel mange latchepen.

Debleskri gili 7:9

Baro Dewel, tu hal o baro tchatchepaskro rai pral i menshende dran i tsele themma. De man miro tchatchepen! Tu djineh, me hom tardo an o tchatchepen un kek doosh hi ap mande.

2. Mose 23:7

Ma shun ap kolende, hoi anenn chochepen pre ap i wawareste! Ma pen, te well kowa temerl dino, kai kek tchilatcho koowa kras un kai an o tchatchepen tardo hi. Miri phagi well ap koleste, kai sawo tchilatcho koowa krella.

2. Mose 34:7

Me sikrau miro latchepen ap lengre tchawende un kolengre tchawende un kolengre tchawende un serja kope jaake dureder. Un bistrau lengri doosh un lau lengro tchilatchepen krik. Koles, kai kamell mandar tchi te djinell, dau i phagi, un gar koles kokres, na-a ninna leskre tchawen un kolengre tchawen jaake rah har triin, star familje, jek pal i wawar, djiwan.”

Gosewe laba 1:31

Doleske hunte chan le, hoi ap lengre dromma bares was. un wenn tchalo kolestar, hoi an lengre sherja trujel djas.

Gosewe laba 17:15

Kowa hi dui kope i djungelo koowa glan o baro Debleskre jaka: te rakrell jek koles tchatches, kai doosh ap peste las, un ninna, te tchiwell jek doosh ap koleste, kai o tchatchepen kras.

Jesaja 45:25

O baro Dewel tchiwell o tselo Israel an o tchatchepen. Un jon wenn bachtelo pral kowa, hoi me, o baro Dewel, krom.

Ezekiel 18:13

Te patsell lo lowe win, lell lo peske budeder lowe pale. Nai atchell sawo mensho djido? Na-a! Koon sawo djungelo koowa kras, hunte merell. Job hunte lell peskri phagi!

Ezekiel 18:20

Kokres kowa, kai doosh ap peste anell, hunte merell. I tchawo hunte hidjrell gar i doosh peskro dadestar. Witar gar hunte hidjrell o dad koi doosh, hoi o tchawo ap peste anas. Kowa, kai o tchatchepen kras, ap leste well leskro tchatchepen pale. Un kowa, kai doosh ap peste anas, ap leste well leskri doosh pale.

Ezekiel 18:30

Doleske penau me, o baro Dewel, tumaro rai: Me krau o tchatchepen win pral tumende dran o kheer Israel – pral hakeneste, jaake har djiwas lo. Mukenn tumaro tchilatcho drom! Krenn buder gar ko tselo tchilatcho koowa, hoi kran, te anenn kek doosh ap tumende.

Ezekiel 9:10

Doleske dikau me kek kamlepah ap lende, un jon khaitenn man gar. Lengro tchilatchepen anau ap lengre sherja pale.

4. Mose 5:27

Un te chochras koi djuwjat peskro romes un anas ladj ap peste, palle djal ko nasselo pani an late dren, un joi nai well buder gar an wawar koowa. Lakro per well pesso, un lakre rigja perenn khetne. Un te kamell jek i wawares te praassell, penell lo: Mu djal tuke har kai djuwjake!

Remarja 2:13

Glan o Debleste hi kolla tchatcho, kai krenna, hoi job kamella, un gar kolla, kai shunenn kol laba un krenn gar, hoi kol laba penenna.

Remarja 7:9

His i tsiro, kai prindjrom o Moseskre laba gar un djiwom, har me kamom. Palle, har shunom, hoi o Dewel mandar kamella, haiwom, kowa, hoi krom, his tchilatcho,

5. Mose 25:1

Te well i tchingepen mashkral mursha pre, un jon glan tchatchepangre murshende stakrenn, un o tchatchepen well win kerdo, palle well pral koleste, kai an o tchatchepen his, glan halauterende win rakedo, te hi job an o tchatchepen. Un pral koleste, koles doosh his, well glan halauterende win rakedo, te hi les doosh.

1. Samuel 2:25

Te krell jek tchilatchepen ap i wawar mensheste, hi lo an o Debleskro wast. Te krell lo tchilatchepen ap o baro Debleste, koon nai rakrell leske mishto?” Jon shunan gar ap pengro dadeste. O baro Dewel kras lengre djia pandlo. Job kamas len te marell.