1. Rajengro liil 8:22 - O Debleskro Drom 2021 (Sinte)

²² Un o Salomo djas glan koi chatchepaskri, kai o baro Debleske vieche chatchedo wenn. Un i tsele Israelitarja his ninna koi. Un job hadas peskre wasta pral an o bolepen,

O Debleskro Lab 2024 (Sinte-Manouche)

²² Oun o Salomo djas glan koy rhačepaskri, kay o baro Debleske firhe rhačedo venn. Oun i tsele Israelitarya his ninna koy. Oun yob hadas peskre vasta pral an o bolepen,

1. Rajengro liil 8:22 ပူးပေါင်းရင်းမြစ်များ

1. Rajengro liil 8:54

Un har o Salomo o baro Deblestar jaake mangas, his lo tchiddo ap peskre tchanga glan o Debleskri chatchepaskri un rikras peskre wasta an o bolepen. Har job halauter penas, hoi job kamas te penell, stas lo pre un las ninna peskre wasta pale tele.

2. Rajengro liil 11:14

Un dikas o newo baro rajes kote tardo, kai i platsa o baro rajeske his: pash i bari lengsto bar. Un trul leste his i pralstune lurde un i phurdepangre tarde. Un i tsele menshe ko themestar his bachtelo un phurdan an pengre bashepangre. I Atalja tserdas peskre ripja an kotja un das gole: “Phukepen, Phukepen!”

2. Rajengro liil 23:3

Un o baro rai his ap ko pralstuno kotar tardo glan o Debleskro kheer un das o baro Debleste peskro lab, te djan le ap o Debleskro drom, un rikrenn leskre laba, un djiwenn jaake, har job len sikras un pal leskro tchatchepen. Pengro tselo djijeha un pengri tseli sorjah kaman le pal kal laba te djiwenn, hoi o Dewel len das, un hoi an kau liil tchinlo hi. Un i tsele menshe pandan pen an pengro lab, te rikrenn le kowa, hoi an o liil tchinlo hi.

Esra 9:5

Har kau tsiro was, lom man khetne, stom pre an miro paash gad un miri paash baja, perom ap mire tchanga un rikrom mire wasta pral pash miro baro Debleste,

Hiob 11:13

Tu, Hiob, hunte rissress tut tiri tseli sorjah pash o Debleste, un hadess tire wasta pre leske.

Debleskri gili 28:2

Shun ap miro ropen! Shun, har ap tute gole dau! Dik ap mire wasta, hoi me pre-hidjrau pash tiro kheer, kai tu hal!

Debleskri gili 63:4

Tiro latchepen hi mange budeder moldo har o djipen. Doleske sharau tut.

2. Mose 33:10

Har dikan i Israelitarja koi wolka pash ko wudar, witsran pen le tele hakeno glan peskro khereskro wudar, te mangenn le o Debles an.

2. Mose 9:29

O Mose penas leske: “Jaake sik har djom dran o foro win, kamau mire wasta pre te hadell ap o baro Debleste. Palle dell o bolepen buder kek gole, un kek barrengro brishin perell buder, te dikess un haiwess, te hi i phub o baro Debleske.

2. Mose 9:33

Palle djas o Mose win dran o Faraeskro kheer un dran o foro, un hadas peskre wasta pre ap o baro Debleste. Un o bolepen das buder kek gole. Un buder kek barrengro brishin peras tele. Un kek depen das buder ap i phub.

Jesaja 1:15

Un te hadenn tumer tumare wasta pre, te mangenn man an, palle tchakrau me mire jaka tele, te dikap tumen gar. Un ninna te mangenn mandar pale te pale, me shunau tumen gar: Tumare wasta hi pherdo rat.

1. Timoteo 2:8

Jaake kamau me, te mangenn i mursha o Debles an, kote, kai i patsle khetne wenna. Kal mursha hunte djiwenn pengro djipen jaake, har o Dewel kamella. Te hadenn le pengre wasta pre, te mangenn le o Debles an, palle hunte denn le jak, te well kek choli un kek tchingepen an lengre djia.