1. Rajengro liil 8:21 - O Debleskro Drom 2021 (Sinte)

²¹ Un me tchiwom kote ko mochton dren, kai kol dui barra dren hi, kai o Debleskre deesh laba dren tchinlo hi, hoi job mare phurende das, te rikrenn le pen ap lende. Kolen das lo len an ko tsiro, kai job anas len dran o them Egiptia win.”

O Debleskro Lab 2024 (Sinte-Manouche)

²¹ Oun me čivom kote ko morhton dren, kay kol douy barra dren hi, kay o Debleskre deesh laba dren činlo hi, hoy yob mare phourende das, te rikrenn le pen ap lende. Kolen das lo len an ko tsiro, kay yob anas len dran o them Egiptia vin.”

1. Rajengro liil 8:21 ပူးပေါင်းရင်းမြစ်များ

1. Rajengro liil 8:9

Un an ko mochton his tchi dren, har kokres kol dui barra, hoi o Mose dren tchiwas pash i berga Horeb. An lende his o baro Debleskre deesh laba dren tchinlo, hoi i Israelitarja hunte rikrenn. Kowa kras lo lentsa win, har jon win wan dran o them Egiptia.

1. Familjakro liil 22:19

Kanna denn tumaro djipen un tumaro dji o baro Debleste, kai tumaro Dewel hi! Un stenn pre un krenn leske i kheer, kai leske kokres hi. Kote te well o mochton o baro Debleskre deesh labentsa dren tchiddo, ninna ko wawar Debleskro koowa. Kau kheer krenn tumer, te well o baro Dewel sharedo.”

2. Mose 24:8

Koi las o Mose o rat un witsras les ap i Israelitarja un penas: “Dikenn, kawa hi o rat, hoi sikrella, te was o baro Dewel tumaro Dewel, un tumer wan leskre menshe, kai rikrenn kal tsele laba, hoi job tumenge penas.”

2. Mose 34:28

Star-desha diwessa un ratsja atchas o Mose ap i berga pash o baro Debleste. An kowa tsiro chas lo tchi un pijas lo tchi. Job tchinas kol deesh laba ap kol dui barra, – kol laba, kai penenna, hoi o Dewel peskre menshendar kamella.

5. Mose 31:26

“Lenn kau tchatchepaskro liil, un tchiwenn les ap i rig pash o mochton, kai o baro Debleskre deesh laba dren hi, te sikrell lo len, hoi wella, te rikrenn le pen gar ap kol laba.

5. Mose 9:11

Har kol 40 (star-deesh) diwessa un ratsja trujel his, das man o baro Dewel kol dui barra, kai kol deesh laba dren tchinlo hi,

5. Mose 9:9

Me homs pre ap i berga, te lap lestar kol barra, an koleste job i deesh laba tchinas, hoi hunte rikrenn, te wenn leskre menshe. Kote atchom me 40 (star-deesh) diwessa un ratsja. Maro chom me kek, un pani pijom me witar gar.