1. Rajengro liil 7:51 - O Debleskro Drom 2021 (Sinte)

⁵¹ Har o tselo Debleskro kheer kerdo was un kowa, hoi dren his, hoi mukas o rai Salomo te krell, mukas lo ko koowa te anell, hoi peskro dad, o David, o baro Debleske das. Ko rup un sonakai un ko tselo koowa tchiwas lo an o baro Debleskro kheer, an koi isema, kai o brawlepen his.

O Debleskro Lab 2024 (Sinte-Manouche)

⁵¹ Har o tselo Debleskro kheer kerdo vas oun kova, hoy dren his, hoy moukas o ray Salomo te krell, moukas lo ko koova te anell, hoy peskro dad, o David, o baro Debleske das. Ko roup oun sonakay oun ko tselo koova čivas lo an o baro Debleskro kheer, an koy isema, kay o bravlepen his.

1. Rajengro liil 7:51 ပူးပေါင်းရင်းမြစ်များ

1. Rajengro liil 15:15

Un ko rup un sonakai un ko wawar koowa, hoi leskro dad o baro Debleske anas, un hoi job o baro Debleske anas, kowa anas lo halauter an o baro Debleskro kheer.

1. Rajengro liil 6:14

Un o Salomo kras ko tselo kheer jaake. Har i massurja kerdo his,

1. Rajengro liil 6:9

Jaake kran o Salomeskre budepangre ko tselo kheer. Un ap o kheer mukas lo zedertikre kashta te tchiwell, jek langs o wawar.

2. Rajengro liil 25:15

Ninna kol jagakre tchare un kol bare tchare, kai o rat dren nashell, halauter, hoi dran sonakai un rup kerdo was, las ko pralstuno, o Nebusaradan, krik.

2. Familjakro liil 5:1

Har o tselo Debleskro kheer kerdo was un kowa, hoi dren his, hoi mukas o rai Salomo te krell, mukas lo ko koowa te anell, hoi peskro dad, o David, o baro Debleske das. Ko rup un sonakai un ko tselo koowa tchiwas lo an o Debleskro kheer, an koi isema, kai o brawlepen his.

2. Familjakro liil 8:15

Un kek kras tchomone wawar har kowa, hoi o baro rai, o David, penas pral i budi i rashajendar un i Levitarendar. Un ninna was o brawlepah an o Debleskro kheer jaake kerdo har job les penas.

Esra 6:15

Un koi tseli budi was kerdo ap o triinto diwes an o tchon Adar. Kowa his, har o Darius an o shobto bersh o baro rai his.

2. Mose 40:33

Un trul o kheer un i sasterni chatchepaskri tchiwas lo i pesse kashta pre un pandas kol laintikre kotja mank lende, te was i platsa. Un an o wudar glan i platsa tchiwas lo koi bari plachta. Jaake kras o Mose koi tseli budi.

Zakarie 4:9

Un job putchas: “Djineh gar, hoi kolla hi?” Me penom: “Na-a, miro rai.”