1. Rajengro liil 7:48 - O Debleskro Drom 2021 (Sinte)

⁴⁸ Ninna mukas o Salomo ko tselo koowa te krell, hoi hunte well tardo an o baro Debleskro kheer: o sonakaskro bob; o sonakaskri chapaskri, kai o Debleskre mare pre tchiddo wenn;

O Debleskro Lab 2024 (Sinte-Manouche)

⁴⁸ Ninna moukas o Salomo ko tselo koova te krell, hoy hounte vell tardo an o baro Debleskro kheer: o sonakaskro bob; o sonakaskri rhapaskri, kay o Debleskre mare pre čiddo venn;

1. Rajengro liil 7:48 ပူးပေါင်းရင်းမြစ်များ

2. Rajengro liil 12:13

ap kolende, kai tchiwenn i barra jek ap o wawar, un ap kolende, kai tchinenn i barra, ninna ap kolende, kai ginenn kasht un shukar dine barra dren un ko tselo wawar koowa, hoi hunte was ninna ginlo o khereske.

2. Rajengro liil 24:13

Un job las peske o tselo brawlepen, hoi his an o baro Debleskro kheer un an o rajeskro kheer. Un kol tsele sonakangre koola, hoi mukas o Israeleskro rai, o Salomo, te krell o baro Debleskro khereske, kowa mukas o Nebukadnezar khetne te dell. Lauter was jaake, har o baro Dewel les penas.

2. Rajengro liil 25:15

Ninna kol jagakre tchare un kol bare tchare, kai o rat dren nashell, halauter, hoi dran sonakai un rup kerdo was, las ko pralstuno, o Nebusaradan, krik.

2. Familjakro liil 4:19

Ninna mukas o Salomo ko tselo koowa te krell, hoi hunte well tardo an o Debleskro kheer: o sonakaskro bob; i chapangre, kai o Debleskre mare pre tchiddo wenn;

2. Familjakro liil 4:8

Un job kras deesh chapangre un tchiwas len ninna an o kheer, pantch ap i tchatchi rig un pantch ap i serwi rig. Un job kras sheel sonakangre tchare.

Hiob 28:1

Tel i phub nai hatsenn le rup. Un o sonakai, les hi i platsa, kai thowenn le les win.

2. Mose 39:36

koi chapaskri un lauter, hoi pashel hi, ninna i Debleskre mare;

2. Mose 39:38

ko sonakaskro bob, kai o sungepaskro koowa chatchedo wella; ko makepaskro djet; ko sungepaskro koowa, hoi chatchedo well; koi bari plachta glan o khereskro wudar;

2. Mose 40:26

Glan o kutch kotar than tchiwas lo o sonakaskro bob,

Ezekiel 40:39

Un an i wudareskri halla fun kau wudar his star chapangre tardo, dui ap haki rig. Un ap lende wenn kol vieche maredo, hoi o Debleste dino wenn, kolla kai wenn tseles chatchedo, un kolla kai wenn maredo, te well i doosh krik lino, ninna kolla kai wenn maredo, te well lauter pale mishto.

Ezekiel 40:42

Un kol star chapangre, hoi kol viechenge hi, hoi o Debleske tseles chatchedo wenn, kolla his dino dran bare barra, 75 (efta-deesh-te-pantch) centimetarja lengsto, un ninna jaake buchlo, un i paash metari baro. Koi pre wenn kol tchurja un wawar koola tchiddo, kolentsa i vieche maredo wenn, sawe vieche, kai wenn tseles chatchedo, un hake wawaren ninna.

Ezekiel 41:22

Koi his tchomone tardo, hoi win dikas har i kashteno altaro. Kowa his 1,50 (jek-te-paash) metari baro, un jek metari lengsto un jek metari buchlo. Un leskre ekke, leskro piro un leskre rigja his dran kasht kerdo. Un ko mursh penas ap mande: Kawa hi koi chapaskri, hoi glan o baro Debleste tardo hi!

Ezekiel 44:16

Jon nai wenn an miro kheer dren, un jon wenn pash miri chapaskri, te wenn le mange koi un budrenn mange an miro kheer.

Maleachi 1:12

Tumenge hom tchi moldo, te penenn tumer: ‘Koi chatchepaskri o baro Deblestar hi tchi moldo. Anas leske tchomone, hoi ninna tchi moldo hi!’

Mateo 12:4

Job djas an o Debleskro kheer, un chas o Debleskro maro, job un kolla, kai pash leste hi. Pal i biboldengro tchatchepen his i mare i rashajenge kokres koi.

1. Korintarja 10:21

Tumer nai pijenn gar dran o Jesuseskro khoro un dran o bengeskro khoro. Tumer nai chan gar o Jesuseskro chapen un o bengeskro chapen.