1. Rajengro liil 7:29 - O Debleskro Drom 2021 (Sinte)

²⁹ Un ap i rigja mashkral kal lengste sane kotja lolo saster his lewe, grumja un bolepangre, kai kharenna Cherubim. Un pral un tele kal lewendar un grumjendar his shukar shelle dran lolo saster pandlo.

O Debleskro Lab 2024 (Sinte-Manouche)

²⁹ Oun ap i rigya mashkral kal lengste sane kotya lolo saster his leve, groumya oun bolepangre, kay kharenna Keroubim. Oun pral oun tele kal levendar oun groumyendar his shoukar shelle dran lolo saster pandlo.

1. Rajengro liil 7:29 ပူးပေါင်းရင်းမြစ်များ

1. Mose 3:24

Un o Dewel tradas len win. Glan i baar ‘Eden’, ap koi rig, kai o kham pre djal, tchiwas o Dewel bolepangre i chareha, hoi chatchella un djal jek rigjatar ap i wawar, te denn le garda, te djal kek pash ko ruk, hoi della o djipen.

1. Rajengro liil 6:27

Un o Salomo tchiwas len mashkral an i kutch isema, jek langs i wawar. Un lengre mussja his jaake buchles, te djas koi mussi jekestar bis ap koi jek massuri un koi mussi o wawarestar bis pash koi wawar massuri. Mashkralstunes wan i mussja khetne.

1. Rajengro liil 7:25

Tardo his ko thopaskro tcharo ap 12 (deesh-te-dui) grumja dran lolo saster. Kolendar dikan triin ap i serwi rig, triin ap i palstuni rig, triin ap i tchatchi rig un triin ap i glanstuni rig. Lengre palstune herja his mashkral tel o thopaskro tcharo. Kowa his tardo ap lengre dume.

1. Rajengro liil 7:28

Kal wurdja his jaake kerdo, te his len lengste sane kotja lolo saster pral un tele ap lengre rigja. Un ninna lengste sane kotja lolo saster djan fun tel bis pral.

1. Rajengro liil 7:30

Un hako wurdin his tardo ap star rade dran lolo saster. Kolen his dui achse dran lolo saster. Un pral ap kol star ekke his hidjepangre pire, jek piro wergel ko wawar, te hidjrenn le i baro panjeskri piri.

2. Mose 25:18

Kre ninna dui bolepangre, hakeno dran jek kotar sonakai. Un tchip ko jek glan ap o pralstuno kotar un ko wawar palla ap o pralstuno kotar!

2. Mose 37:7

Un job kras dui bolepangre, hakenes dran jek kotar sonakai, un tchiwas ko jekes glan ap o pralstuno kotar un ko wawares palla ap o pralstuno kotar.

Ezekiel 1:10

Pash hakeneste kol starendar dikas o shero ap i glanstuni rig win har i mensheskro shero, ap i tchatchi rig har i leweskro shero, ap i serwi rig har i gurumeskro shero, un ap i palstuni rig har o shero fun i adlari.

Ezekiel 10:14

Un hakenes kol bolepangrendar his i shero, kai his ap hake star rigja jaka un i mui. Ap i glanstuni rig dikas lo win har i bolepaskro, ap i duiti rig har i mensho, ap i triinti rig har i lewo, ap i starti rig har i adlari.

Hosea 5:14

Me hom o themeske Efrajim har i lewo, un o khereske Juda har i terno lewo. Me dandrau len an kotja, un djau mange. Me hidjrau len krik, un kek nai lell len dran miro wast win.

Hebrearja 9:5

Pral pre ap o sonakaskro mochton his dui raile bolepangre dran sonakai tardo. Kolen his mussja har bare tchirklen hi. Pengre mussja rikran le pral o sonakaskro mochton. Kote well i menshengri doosh krik lino. Kanna kamah gar te rakras pral hako tikno koowa an o Debleskro tikno kheer.

1. Petro 2:5

Ninna tumer han sawe djide barra. Tumentsa kamell o Dewel peskro kheer pre te tchiwell. Job rodas tumen win, te wenn tumer leskre rashaja, un te wenn leske koi. An tumende das o Jesus Kristo peskro Ducho. Doleske nai sharenn o Debles jaake, har job kowa kamella.

Debleskro tsiro 5:5

Un jek kol tchatchepangre phurendar penas ap mande: “Ma rob! Dik, jek las i soor o Deblestar pral o tchilatchepen un o merepen, un hi moldo, te krell lo ko liil pre, te dikell lo dren. Job hi kowa, kai kharenn le lewo, kai well dran o them Juda. Job hi o Davideskro tchawo.”