1. Rajengro liil 7:23 - O Debleskro Drom 2021 (Sinte)

²³ Un o Huram kras i baro thopaskro tcharo. Kowa his pantch metarja lengsto fun jek rig ap i wawar, un 2,5 (dui-te-paash) metarja fun tel bis pral. Un i dori, hoi 15 (deesh-te-pantch) metarja lengsto hi, djals trul leste trujel.

O Debleskro Lab 2024 (Sinte-Manouche)

²³ Oun o Houram kras i baro thopaskro čaro. Kova his panč metarya lengsto foun yek rig ap i vavar, oun 2,5 (douy-te-paash) metarya foun tel bis pral. Oun i dori, hoy 15 (deesh-te-panč) metarya lengsto hi, djals troul leste trouyel.

1. Rajengro liil 7:23 ပူးပေါင်းရင်းမြစ်များ

1. Rajengro liil 7:22

Un pral ap kol turme wan kol sherja pre tchiddo, hoi win dikenn har blume. Jaake was kai tseli budi ap kol turme kerdo.

1. Rajengro liil 7:44

o baro panjeskro tcharo un i deesh-te-dui grumja koi tel;

2. Rajengro liil 16:15

Un o baro rai Ahas mukas o rashajeske Urija te penell: “Ap koi newi bari chatchepaskri chatche kol viechen, hoi wenn taissarlake chatchedo, un ko chapen, hoi well rati chatchedo, ninna kol viechen un chapen, hoi anell o baro rai, un kol tsele viechen un ko chapen un koi mool, hoi anenn i menshe. Un ko tselo rat i viechendar, kolendar, kai wenn chatchedo un kolendar, kai wenn chalo, ko rat witse ap koi newi chatchepaskri. Koi chatchepaskri dran lolo saster lau mange, te rodap an i viechengre buke, hoi te krap.”

2. Rajengro liil 16:17

O baro rai Ahas phagas kol sasterne rigja tele kol tikne wurdjendar, kai i pirja pre tardo his, un las kol pirja tele. Un ko thopaskro tcharo, hoi ap sasterne grumjende tardo his, las lo tele, un tchiwas les ap i barrengri phub.

2. Rajengro liil 25:13

Un i lurde dran Babilonia phagan i bare turme paash, hoi dran lolo saster kerdo wan un glan o kheer o baro Deblestar tardo his. Ninna phagan le kol wurdja an kotja un ko thopaskro tcharo, hoi dran lolo saster kerdo was, un hoi an o baro Debleskro kheer tardo his. Un ko tselo lolo saster anan i Babilonarja an o them Babilonia.

1. Familjakro liil 18:8

Un bud lolo saster las lo dran i forja Tibhat un Kun. Kal forja his an o them, kai his o Hadad-Eser o baro rai. Kolestar mukas o Salomo o panjeskro tcharo un kol dui turme un wawar koola dran lolo saster o Debleskro khereske te krell.

2. Familjakro liil 4:2

Un job kras i baro rundo thopaskro tcharo dran lolo saster. Kowa his pantch metarja lengsto fun jek rig ap i wawar, un dui-te-paash metarja fun tel bis pral. Un i dori, hoi 15 metarja lengsto hi, djals trul leste trujel.

2. Mose 30:17

Un o baro Dewel rakras ap o Moseste un penas:

2. Mose 38:8

Un job kras o thopaskro tcharo dran lolo saster un tchiwas les ap herja, hoi ninna dran lolo saster hi. Ko lolo saster las lo dran kol blendarja, hoi dan les kol djuwja, kai pash o wudar glan o Debleskro plachteno kheer pengri budi kran.

Jeremia 27:19

Kowa hi, hoi penell o baro Dewel, ko rai pral o bolepen un i phub, pral ko koowa, hoi pral atchas an o foro Jerusalem: kol bare turme un ko baro thopaskro tcharo, un kol panjeskre wurdja, un ko wawar kutch koowa an o Debleskro kheer,

Jeremia 52:17

Un i lurde dran Babilonia phagan i bare turme paash, hoi dran lolo saster kerdo wan un glan o kheer o baro Deblestar tardo his. Ninna phagan le kol wurdja an kotja un ko baro thopaskro tcharo, hoi dran lolo saster kerdo was, un hoi an o baro Debleskro kheer tardo his. Un ko tselo lolo saster anan i Babilonarja an o them Babilonia.

Jeremia 52:20

Kolla dui turme, ko baro thopaskro tcharo, kol deesh-te-dui grumja, ap kolende ko thopaskro tcharo tardo his, un kol wurdja, kai o baro rai Salomo mukas te krell o baro Debleskro khereske, kolla lauter his dran jaake bud lolo saster kerdo, te djinas kek, har phares kowa his.