1. Rajengro liil 7:15 - O Debleskro Drom 2021 (Sinte)

¹⁵ Job kras dui turme dran lolo saster, hakeno his enja metarja baro, un jaake pesso, te djals i dori, hoi shob metarja lengsto hi, trul leste.

O Debleskro Lab 2024 (Sinte-Manouche)

¹⁵ Yob kras douy turme dran lolo saster, hakeno his enya metarya baro, oun yaake pesso, te djals i dori, hoy shob metarya lengsto hi, troul leste.

1. Rajengro liil 7:15 ပူးပေါင်းရင်းမြစ်များ

1. Rajengro liil 7:16

Un job kras dui sherja dran lolo saster un tchiwas len pral pre ap i turme, hako shero his 2,5 (dui-te-paash) metarja baro.

1. Rajengro liil 7:21

Un job tchiwas kol dui turme pre glan koi glanstuni halla glan o Debleskro kheer. Ko turmo ap i tchatchi rig mukas lo Jachin te kharell, un ko turmo ap i serwi rig mukas lo Boas te kharell.

1. Rajengro liil 7:41

Kau koowa his: kol dui turme un lengre sherja; kol dui shukar pandepen dran shelle, hoi ap i sherja his;

2. Rajengro liil 25:13

Un i lurde dran Babilonia phagan i bare turme paash, hoi dran lolo saster kerdo wan un glan o kheer o baro Deblestar tardo his. Ninna phagan le kol wurdja an kotja un ko thopaskro tcharo, hoi dran lolo saster kerdo was, un hoi an o baro Debleskro kheer tardo his. Un ko tselo lolo saster anan i Babilonarja an o them Babilonia.

1. Familjakro liil 18:8

Un bud lolo saster las lo dran i forja Tibhat un Kun. Kal forja his an o them, kai his o Hadad-Eser o baro rai. Kolestar mukas o Salomo o panjeskro tcharo un kol dui turme un wawar koola dran lolo saster o Debleskro khereske te krell.

Jeremia 27:19

Kowa hi, hoi penell o baro Dewel, ko rai pral o bolepen un i phub, pral ko koowa, hoi pral atchas an o foro Jerusalem: kol bare turme un ko baro thopaskro tcharo, un kol panjeskre wurdja, un ko wawar kutch koowa an o Debleskro kheer,

Jeremia 52:13

Un job chatchras o baro Debleskro kheer tele, ninna ko kheer o baro rajestar un kol wawar khera an o foro Jerusalem; awa, hako baro kheer chatchras lo tele.

Jeremia 52:17

Un i lurde dran Babilonia phagan i bare turme paash, hoi dran lolo saster kerdo wan un glan o kheer o baro Deblestar tardo his. Ninna phagan le kol wurdja an kotja un ko baro thopaskro tcharo, hoi dran lolo saster kerdo was, un hoi an o baro Debleskro kheer tardo his. Un ko tselo lolo saster anan i Babilonarja an o them Babilonia.

Jeremia 52:21

Ochta metarja his kol dui turme bares tarde. I dori, hoi pantch-te-paash metarja lengsto hi, djals jek kopo trul hakeneste. O lolo saster ap hako turmo his star gushte pesso. Dren an i turme his tchi.

Ezekiel 40:49

Koi tseli glanstuni halla his deesh metarja buchlo un shob metarja lengsto. Un deesh stufe djan ap late pre. Un pash o wudar his ap haki rig jek turmo tardo.