1. Rajengro liil 6:36 - O Debleskro Drom 2021 (Sinte)

³⁶ Job mukas ninna i glanstuni platsa trul o Debleskro kheer te krell. Trul i platsa kras lo i massuri, kai triin kope barra ap barra tchiddo wan, un ap i triinte barra wan zedertikre kashta tchiddo.

O Debleskro Lab 2024 (Sinte-Manouche)

³⁶ Yob moukas ninna i glanstouni platsa troul o Debleskro kheer te krell. Troul i platsa kras lo i massouri, kay triin kope barra ap barra čiddo van, oun ap i triinte barra van cedertikre kashta čiddo.

1. Rajengro liil 6:36 ပူးပေါင်းရင်းမြစ်များ

1. Rajengro liil 6:35

Un an kol wudja mukas lo pale shukar koowa dren te tchinell: bolepangre, palmtikre ruka un blume, un tserdas pral halauter sonakai.

1. Rajengro liil 7:12

Trul koi bari platsa his i massuri dran tchinle barra un pesse kashta: triin kope tchinle barra jek ap i wawar, un koi pral jek kopo zedertikro kasht. Jaake his ninna koi massuri trul i platsa glan o Debleskro kheer kerdo un koi glanstuni halla glan ko kheer.

2. Familjakro liil 4:9

Un job kras i glanstuni platsa i rashajenge, ninna i bari glanstuni platsa un wudja glan i glanstuni platsa, un mukas kol wudja lolo sasteha pral te tserdell.

2. Familjakro liil 7:7

Koi sasterni chatchepaskri, hoi o Salomo kras, his gar bares doha, te chatchrenn le kol viechen, ko jarro un ko thulepen, hoi o Debleske dino was. Doleske las o baro rai Salomo ninna o mashkralstuno kotar ap i platsa glan o Debleskro kheer chatchepaske. Kote mukas lo sawe viechen te chatchrell, hoi wan tseles o Debleske chatchedo, ninna ko thulepen kol viechendar, hoi chan le khetne glan o baro Debleste.

Esra 6:4

un well dran djudje dine barra jaake kerdo, te wenn triin barra jek ap o wawar tchiddo, un koi pral kasht, un palle pale triin barra jek ap o wawar, un koi pral kasht, un jaake dureder. Un i lowe koleske lautereske nai well dran o baro rajeskro kheer lino.

Jeremia 36:10

Un o Baruch draweras dran ko liil o Jeremijeskre laba glan i menshende an o baro Debleskro kheer. Job his tardo an koi isema ko murshestar Gemarja, koleskro dad o Shafan his. Kowa his o tchinepaskro, kai i lila tchinas. Leskri isema his ap i pralstuni platsa pash o newo wudar o baro Debleskro kherestar.

Ezekiel 40:28

Un ko mursh djas mantsa an kau baro wudar, kai kote hi, kai o kham pralstunes tardo hi, un dureder ap i tikni glanstuni platsa. Un job dikas pal, har baro kau wudar hi. Un kowa his jaake baro har kol wawar wudja.

Debleskro tsiro 11:2

Un ko kotar phub glan o Debleskro baro kheer, kote tchip ko kasht gar pre. Ko kotar phub well kolende dino, kai kek bibolde hi. Un jon stakrenn o Debleskro foro khetne star-deesh-te-dui tchon.