1. Rajengro liil 6:35 - O Debleskro Drom 2021 (Sinte)

³⁵ Un an kol wudja mukas lo pale shukar koowa dren te tchinell: bolepangre, palmtikre ruka un blume, un tserdas pral halauter sonakai.

O Debleskro Lab 2024 (Sinte-Manouche)

³⁵ Oun an kol voudya moukas lo pale shoukar koova dren te činell: bolepangre, palmtikre rouka oun bloume, oun tserdas pral halauter sonakay.

1. Rajengro liil 6:35 ပူးပေါင်းရင်းမြစ်များ

1. Rajengro liil 6:18

Fun dren his ko tselo kheer zedertikro kashteha win tchiddo. Kek bar nai was diklo. Un an o kasht his rukengre un shukar blume dren tchinlo.

1. Rajengro liil 6:34

Un mank lende his dui wudja dran zipresstikro kasht, hakeno dran dui kotja, hoi nai rissrenn pen.

1. Rajengro liil 6:36

Job mukas ninna i glanstuni platsa trul o Debleskro kheer te krell. Trul i platsa kras lo i massuri, kai triin kope barra ap barra tchiddo wan, un ap i triinte barra wan zedertikre kashta tchiddo.

1. Rajengro liil 7:26

Ko lolo saster fun ko thopaskro tcharo his jaake pesso har i wast. Un leskro mui his har o mui i khorestar. Kowa dikas win har i lilja, te djal li pre. An ko thopaskro tcharo djan 40.000 (star-deesh-serja) litarja dren.

1. Rajengro liil 7:36

Un o Huram mukas ap i tapepangre un ap i sane kotja lolo saster, kote kai platsa his, figuren dren te tchinell: Cherubim, lewe un palmtikre ruka. Un trul halauter his shukar shelle dran lolo saster pandlo.

2. Familjakro liil 4:21

i sonakangre blume ap kol momelengre; i momlia; i tchinepangre, kolentsa i dorja an i momlia tele tchinlo wenna; kowa lauter his dran sonakai.

2. Familjakro liil 4:22

i tchurja, tchare o rateske, roja un pirja, – kolla lauter his dran djudjo sonakai; kol wudja glan o Debleskri kutch isema un glan o Debleskro kheer. Kalla his kerdo dran sonakai.

Debleskri gili 74:6

Ko tselo kutch koowa, hoi dran o kasht wi-tchinlo was, dan le paash. Pengro tower un o saster dan le dren.

Ezekiel 40:16

Un an i tikne iseme, hoi his ap kol dui rigja, his tikne wochja an kol winstune massurja. Ninna an i wudareskri halla his wochja ap lakre dui rigja. Un dren an kol massurja his palmtikre ruka dren dino.

Ezekiel 40:22

Un leskre wochja un leskre palmtikre ruka, hoi an i massurja dino hi, his jaake har pash ko baro wudar ap koi rig, kai o kham pre djal. Glan kau wudar djan efta stufe pre. Un les his i wudareskri halla ap i wawar rig.

Ezekiel 41:18

Koi his bolepangre un palmtikre ruka: jek palmtikro ruk mashkral dui bolepangre. Hako bolepaskres his jaka un i mui ap dui rigja: