1. Rajengro liil 6:32 - O Debleskro Drom 2021 (Sinte)

³² Ninna an kol dui kotja an o wudar mukas lo shukar koowa dren te tchinell: bolepangre un palmtikre ruka un blume; un mukas sonakai koi pral te tserdell.

O Debleskro Lab 2024 (Sinte-Manouche)

³² Ninna an kol douy kotya an o voudar moukas lo shoukar koova dren te činell: bolepangre oun palmtikre rouka oun bloume; oun moukas sonakay koy pral te tserdell.

1. Rajengro liil 6:32 ပူးပေါင်းရင်းမြစ်များ

1. Rajengro liil 6:18

Fun dren his ko tselo kheer zedertikro kashteha win tchiddo. Kek bar nai was diklo. Un an o kasht his rukengre un shukar blume dren tchinlo.

1. Rajengro liil 6:23

Un job mukas dui bolepangre te krell, te wenn le an kai kutch isema tardo. Kolla his pantch metarja baro un his kerdo dran olivtikro kasht.

1. Rajengro liil 6:29

Un an i tsele massurja an o Debleskro kheer mukas lo dren un win shukar koowa dren te tchinell, hoi win dikas har bolepangre, palmtikre ruka un blume.

1. Rajengro liil 6:31

Un o wudar an o kutch isema his dran dui kotja dran olivtikro kasht. I pesse kashta, hoi tchatches un serwes pash o wudar his, kolen his pantch rigja.

1. Rajengro liil 6:33

Un jaake kras lo ninna o wudar glan o Debleskro kheer: I pesse kashta, hoi serwes un tchatches lestar hi, his dran olivtikro kasht, un len his star rigja.

2. Familjakro liil 4:22

i tchurja, tchare o rateske, roja un pirja, – kolla lauter his dran djudjo sonakai; kol wudja glan o Debleskri kutch isema un glan o Debleskro kheer. Kalla his kerdo dran sonakai.

Ezekiel 40:16

Un an i tikne iseme, hoi his ap kol dui rigja, his tikne wochja an kol winstune massurja. Ninna an i wudareskri halla his wochja ap lakre dui rigja. Un dren an kol massurja his palmtikre ruka dren dino.

Ezekiel 41:18

Koi his bolepangre un palmtikre ruka: jek palmtikro ruk mashkral dui bolepangre. Hako bolepaskres his jaka un i mui ap dui rigja: