1. Rajengro liil 6:10 - O Debleskro Drom 2021 (Sinte)

¹⁰ Koi rigjakri isema djas trul o tselo kheer. Fun tel bis pash o mashkralstunepen his li dui-te-paash metarja baro. Un fun o mashkralstunepen bis pral his li ninna dui-te-paash metarja baro. Un zedertikre kashtentsa his li pandlo ap o kheer.

O Debleskro Lab 2024 (Sinte-Manouche)

¹⁰ Koy rigyakri isema djas troul o tselo kheer. Foun tel bis pash o mashkralstunepen his li douy-te-paash metarya baro. Oun foun o mashkralstunepen bis pral his li ninna douy-te-paash metarya baro. Oun cedertikre kashtentsa his li pandlo ap o kheer.

1. Rajengro liil 6:10 ပူးပေါင်းရင်းမြစ်များ

1. Rajengro liil 6:11

Un o baro Dewel penas ap o Salomo:

1. Rajengro liil 6:9

Jaake kran o Salomeskre budepangre ko tselo kheer. Un ap o kheer mukas lo zedertikre kashta te tchiwell, jek langs o wawar.

2. Rajengro liil 11:2

Kowa shunas i tchai o baro rajestar Joram. Lakro lab hi Josheba. Un lakro phraal his o Ahasja. Koja tchoras peskro phraleskro tchawes, o Joash, mashkral dran o rajeskre tchawende, kai wenn marede. Un anas les un koi djuwel, kai das ap leste garda, an i tchibjengri isema un khatras les glan i Atalja. Un jaake nai was lo gar maredo.

1. Familjakro liil 28:11

Un o David das peskro tchawes, o Salomo, i liil, kai pre tardo hi, har te krell lo o Debleskro baro kheer: o wudareskri isema, kol glanstune halle, kol iseme, kai tchomone pre garedo well, kol pralstune iseme, ninna kol iseme, kai dren hi, un koi isema, kai o mochton o Debleskre deesh labentsa dren well.

Kamlepaskri gili 1:17

Shukar sorele ruka hi maro kheer, un ruka bud senele patjentsa krenn pen buchles pral mende.

Jeremia 35:2

Dja pash i murshende dran o kheer Rechab, rake lentsa un an len an o baro Debleskro kheer. Dja kote lentsa an jek bari isema dren, un de len mool te pijell.

Ezekiel 41:6

Un kol tikne iseme his jaake tardo, te his trijanda iseme tella, un trijanda mashkralstunes un trijanda pralstunes. Un jon his jaake trul o Debleskro kheer trujel tardo, te wenn le rikedo an peste, un hunte wenn gar an o khereskri massuri dren.