1. Rajengro liil 6:1 - O Debleskro Drom 2021 (Sinte)

¹ An o starto bersh, har o Salomo o baro rai pral Israel his, an o tchon Siw, kowa hi o duito tchon an o bersh, kran pen i budepangre o Salomestar ap i budi, te krenn le o baro Debleskro kheer. Kowa his 480 (star-sheel-te-ochta-deesh) bersha pal kowa, kai i Israelitarja dran o them Egiptia djan.

O Debleskro Lab 2024 (Sinte-Manouche)

¹ An o starto bersh, har o Salomo o baro ray pral Israel his, an o čon Siv, kova hi o douyto čon an o bersh, kran pen i boudepangre o Salomestar ap i boudi, te krenn le o baro Debleskro kheer. Kova his 480 (star-sheel-te-orhta-deesh) bersha pal kova, kay i Israelitarya dran o them Egiptia djan.

1. Rajengro liil 6:1 ပူးပေါင်းရင်းမြစ်များ

1. Rajengro liil 6:2

Un o kheer, hoi kras o baro rai Salomo o baro Debleske, his trijanda metarja lengsto, un deesh metarja buchlo un deesh-te-pantch metarja baro.

1. Rajengro liil 6:37

An o starto bersh, har o Salomo baro rai his, wan i telstune barra o khereske o baro Deblestar tchiddo. Kowa his an o tchon Siw.

1. Familjakro liil 29:19

Un miro tchaweste Salomo de i tchatcho dji, te rikrell lo tire laba, un krell, hoi tu lestar kameh, un djiwell pal tiro tchatchepen; te krell job ninna lauter, te well tuke kau kheer kerdo, koleske kau tselo koowa khetne anom.

1. Familjakro liil 6:10

O Elkana his o dad kol murshendar: o Amasai un o Achimot,

2. Familjakro liil 3:3

Un kawa hi o barepen o kherestar, hoi o Salomo o Debleske kras: o kheer his trijanda metarja lengsto, un deesh metarja buchlo.

Esra 5:11

Un kowa hi, hoi jon menge penan: “Mer ham i budepangre o Deblestar, kai kras o bolepen un i phub, un tchiwah kau kheer pale pre, kai glan bud bersha kate tardo his, un koles i baro sorelo rai dran o them Israel mukas pre te tchiwell. Jaake his ko kheer shukar koi tardo.

Debleskri gili 78:69

Kote pre tchiwas lo peskro kheer, dur pral djal lo pre – har o bolepen, un hi soreles tardo har i phub, hoi lo kras hako tsireske.

2. Mose 12:41

Un har kal bersha trujel his, ap ko diwes, djan o baro Debleskre menshe win dran o them Egiptia.

2. Mose 12:51

Un ap kau diwes anas o baro Dewel i tsele Israeleskre familjen win dran o them Egiptia, jek familja pal i wawar.

Ezekiel 41:1

Un ko mursh anas man an koi bari isema o Debleskro kherestar dren. Un job dikas pal, har baro i massurja hi, hoi tchatches un serwes pash o wudar hi. Jon his triin metarja pesso.

Haggai 1:8

Djan ap i berge un lenn kasht, un krenn miro kheer shukar! Kowa hi mange mishto, un jaake wau sharedo, penell o baro Dewel.

Zakarie 6:15

Dran dur themma wenna kolla, kai krenn o baro Debleskro kheer. Un palle dikenn tumer, kai o baro Dewel, ko rai pral o bolepen un i phub, kowa hi, kai bitchras man pash tumende. Te krenn tumer kowa, hoi tumaro baro Dewel tumenge penell, wella kowa halauter jaake.

4. Mose 1:1

Un o baro Dewel rakras o Moseha an o mulo tato them Sinai, an o Debleskro plachteno kheer, ap o ersto diwes, an o duito tchon, an o duito bersh, har jon dran ko them Egiptia win djan. Un o baro Dewel penas:

Bičepangre 13:19

Palle tradas job efta natsjone dran ko them Kanaan win, un das kau them mare menshende.

Bičepangre 7:47

His gar o David, na-a, kowa his leskro tchawo, o Salomo, kai kras o Debleske i baro kheer dran barra.

1. Korintarja 6:19

Djinenn tumer gar, kai han tumer o kheer, kai o Debleskro Ducho djiwella? Kowa hi an tumende un well o Deblestar. Un tumer han leskre, un nai krenna buder gar, hoi kamenna.

2. Korintarja 6:16

An o Debleskro baro kheer well o djido Dewel kokres sharedo un kek wawar koowa. Mer halauter ham o djido Debleskro baro kheer. O Dewel penas: Me kamau te djiwap pash lende un mashkral lende. Me kamau lengro Dewel te well, un jon hi mire menshe.

Kolossarja 2:7

te well tumaro patsepen jaake sorelo har i ruk, hoi soreles an i phub tardo hi! Ma mukenn ko tchatcho drom, hoi tumende siklo was! Bistrenn witar gar, te parkrenn tumen bud pash o Debleste!

Hebrearja 11:10

O Abraham dikas ap ko tsiro, kai nai djiwell lo an ko foro, hoi o Dewel krella, un hoi hako tsiro atchella.

Hebrearja 9:11

Kanna was o Jesus Kristo. Job hi maro baro rashai un anas men o bolepaskro brawlepen. O Debleskro kheer an o bolepen, kai job dren djas, hi bareder un feteder har ko Debleskro kheer ap i phub. O Debleskro kheer an o bolepen hi gar i menshendar kerdo.

1. Petro 2:5

Ninna tumer han sawe djide barra. Tumentsa kamell o Dewel peskro kheer pre te tchiwell. Job rodas tumen win, te wenn tumer leskre rashaja, un te wenn leske koi. An tumende das o Jesus Kristo peskro Ducho. Doleske nai sharenn o Debles jaake, har job kowa kamella.

Čačepangre 11:26

Triin-sheel bersha djiwell o Israel kanna an i forja Heshbon un Aroer un an kol gaba trujel un an i forja pash o pani Arnon. Hoske lan ko them gar mendar krik an ko tselo tsiro?