1. Rajengro liil 5:1 - O Debleskro Drom 2021 (Sinte)

¹ Un jaake his o Salomo o baro rai pral i tsele themma, hoi hi tchiddo mank o pani Eufrat un ko them, kai i Filistarja djiwan, un tele bis pash o them Egiptia. Pral kolende his les penepaske, un jon plaissran leske rup un sonakai, jaake rah har job djiwas.

O Debleskro Lab 2024 (Sinte-Manouche)

¹ Oun yaake his o Salomo o baro ray pral i tsele themma, hoy hi čiddo mank o pani Eufrat oun ko them, kay i Filistarya djivan, oun tele bis pash o them Egiptia. Pral kolende his les penepaske, oun yon playsran leske roup oun sonakay, yaake rah har yob djivas.

1. Rajengro liil 5:1 ပူးပေါင်းရင်းမြစ်များ

1. Mose 15:18

Jaake das o baro Dewel o Abrameste ap ko diwes peskro lab, un penas: “Tire tchawen, kai tutar wenna, dau me kau them mank o lengsto pani o themestar Egiptia un o baro lengsto pani Eufrat.

2. Samuel 5:11

O baro rai pral o foro Tirus, o Hiram, bitchras murshen pash o Davideste, kai anan leske zedertikro kasht, ninna budepangren, kai haiwan mishto o kashteha un barrentsa te budrell. Kolla kran o Davideske i shukar baro kheer.

1. Rajengro liil 10:25

Un hakeno, kai was, anas kutch koowa pash leste, rupeno un sonakaskro koowa, ripja un karmangre, sungepaskro djet, graja un maultikre burike. Kowa his hako bersh jaake.

1. Rajengro liil 5:10

Leskro goswepen his bareder har ko tselo goswepen halauterendar khetne, kai djiwan an o them, kai o kham pre djal, un ninna har ko goswepen fun i Egiptarja.

1. Rajengro liil 5:13

Job rakras pral i ruka, kol bare zedertikre rukendar, kai hi ap o Libanon tardo, bis pash o tikno bur, o Ysop, hoi well dran i massuri win. Ninna rakras job pral i viechende ap o them: pral i tchirkle, un pral i tikne vieche, hoi djan pral i phub, un pral i matche.

1. Familjakro liil 14:1

O baro rai pral o foro Tirus, o Hiram, bitchras murshen pash o Davideste, kai anan leske zedertikro kasht, ninna budepangren, kai haiwan mishto i barrentsa un o kashteha te budrell. Kolla kran o Davideske i shukar baro kheer.

2. Familjakro liil 17:11

Ninna mank i Filistarja his sawe, kai anan leske kutch koowa, un ko rup, hoi job lendar mangas. Un ninna i Arabarja anan leske 7.700 (efta-serja-efta-sheel) mursh bakre un 7.700 mursh busja.

2. Familjakro liil 2:3

Dik, kanna kamau me i kheer miro baro Debleske te krell, – i kheer, hoi leske hi, kai nai mangah les an, un nai chatchrah latcho sungepaskro koowa glan leste, un tchiwah hako tsiro maro glan leste win, un chatchrah viechen leske taissarlake un rati, ninna ap o Debleskro diwes, un ap ko diwes, kai o newo tchon diklo well, un ap wawar bare diwessa, te sharas maro baro Debles. Job penas menge, te kras mer kowa hako tsiro.

2. Familjakro liil 9:26

Un job his o baro rai pral i tsele rajende pral i themma mank o baro pani Eufrat un o them, kai i Filistarja djiwan un bis pash o them Egiptia.

Esra 4:20

Ninna his sorele bare raja an o foro Jerusalem, kai his i raja pral halauter, hoi ap i wawar rig o panjestar Eufrat djiwella, jaake kai was lenge hunte themeskre lowe dino, ninna foreskre lowe un wawar koowa.

Debleskri gili 45:12

Tu hal jaake shukar, te kamell tut o baro rai. Job hi tiro rai. Doleske dja ap i tchanga glan leste!

Debleskri gili 72:8

Un job well o baro rai pral i tsele themma, fun jek baro pani bis pash o wawar baro pani.

Debleskri gili 80:12

Leskre mussja djan bis pash o baro pani ap koi jek rig, un bis pash ko sorelo lengsto pani ap koi wawar rig.

2. Mose 34:24

Me tradau i tsele wawar menshen glan tumende krik, un krau tumaro them bareder. Jaake well kek an tumaro them, te lell lo peske i kotar them ap ko tsiro, kai djan tumer triin kope an o bersh pash tumaro baro Debleste, te wenn khetne glan leste.

Jesaja 23:1

Kate sikrell o Dewel, hoi pral o foro Tirus wella: “Tumer ap i shiffe, kai wenn khere dran Tarsis, rowenn! O foro Tirus hi khetne phagedo. Kek kheer atchas tardo.” Har wan le pash o them Kittim, shunan le kowa.

Ezekiel 19:11

Un kolla wan jaake sorelo, te nai krans le rajengre kashta dran lende. Ko bur was baro, bareder har kol wawar ruka trul leste. Hakeno nai dikas, har sorelo job his, un har bud senele kashta les his.

Amos 1:9

O baro Dewel penell: I menshe dran o foro Tirus kran pale te pale djungelo koowa. Jon dan i tsele pandlen an i wasta kolendar dran o them Edom, un bistran, kai hi i pandle lengre phrala, un kai phrala hunte rikrenn khetne. Doleske lenn le pengri phagi un khaitenn man gar.

4. Mose 24:7

An o Israeleskro them hi bud pani, un leskri phub, kai o djob un o gib bares wenna, hi budeder har doha pani. Leskro baro rai well bareder har o Agag. Un leskro them un leskre menshe wenn sorleder har i wawar menshe trul lende.

Louka 7:5

Job hi menge latches un kras menge i kheer, kai mangah o Debles an.”

5. Mose 20:11

Un te penenn le, te kamenn le kek kurepen, un krenn tumenge o foreskre wudja pre, palle lenn kol tsele menshen, kai kote dren hi, te hunte budrenn tumenge i silah.

1. Samuel 10:27

Koi his ninna mursha, kai tchi-molde his. Kolla penan: “Har nai lell kawa mursh men win dran i bibacht?” Un jon dikan tele ap leste, un anan leske tchi. O Saul kras jaake har shunals lo kowa gar.