1. Rajengro liil 3:6 - O Debleskro Drom 2021 (Sinte)

⁶ Kote penas o Salomo: “Baro latchepen kral tu miro dadeske, o Davideske, kai tuke koi his, un ap tute rikras, un djiwas an tiro tchatchepen peskro tselo djijeha glan tute. Un mukal tiro latchepen pral leste te well, un dal les i tchawo. Kowa hi kanna ap leskri beshepaskri beshdo pal leste.

O Debleskro Lab 2024 (Sinte-Manouche)

⁶ Kote penas o Salomo: “Baro lačepen kral tou miro dadeske, o Davideske, kay touke koy his, oun ap toute rikras, oun djivas an tiro čačepen peskro tselo djiyeha glan toute. Oun moukal tiro lačepen pral leste te vell, oun dal les i čavo. Kova hi kanna ap leskri beshepaskri beshdo pal leste.

1. Rajengro liil 3:6 ပူးပေါင်းရင်းမြစ်များ

1. Mose 24:40

Koi penas o Abraham ap mande: ‘O baro Dewel, kai djau ap leskro drom, bitchrell peskro bolepaskres glan tute un dell bacht ap tiro drom, te less miro tchaweske i romjat mire menshendar un dran miro dadeskro kheer.

2. Samuel 22:21

O baro Dewel djinas, te homs an o tchatchepen tardo. Doleske kras lo mange latchepen. Kek doosh his ap mande. Doleske his lo mange latcho.

2. Samuel 22:25

Miro tchatchepen his glan leskre jaka. Un kek doosh his ap mande. Doleske kras o baro Dewel mange latchepen.

2. Samuel 7:5

Dja koi un pen ap miro budepaskro o David: Jaake penell o baro Dewel: “Kameh tu mange i kheer te krell, te djiwap koi dren?

1. Rajengro liil 1:48

Ninna penas lo: ‘Sharenn o baro Debles, kai o Israeleskro Dewel hi! Kau diwes tchiwas lo jekes mire tchawendar ap miro rajeskri beshepaskri, un mukas man kowa gomme te dikell!’”

1. Rajengro liil 15:5

O David kras, hoi glan o baro Debleskre jaka mishto his, un rikras pes peskro tselo djipen ap kol tsele laba, hoi o baro Dewel leske penas; win lino hi ko koowa, hoi kras lo ko mursheha Urija, ko Hetari.

1. Rajengro liil 2:4

Un o baro Dewel mukell peskro lab tchatcho te well, hoi job ap mande rakras, har lo penas: ‘Te denn tire tchawe garda ap pengre dromma, te djiwenn jon pengro tselo djipen glan mande, un rikrenn ap mande pengro tselo djijestar un pengri tseli sorjah, palle hi an hako tsiro jek tire tchawendar o baro rai pral Israel.’

1. Rajengro liil 3:14

Un te djah tu an mire dromma, jaake har tiro dad, o David, un rikreh mire laba un kreh, hoi tutar kamau, palle kamau me tuke i lengsto djipen te dell.”

1. Rajengro liil 9:4

Un tu, te djiweh tu glan mande, har tiro dad, o David, glan mande djiwas i djudjo djijeha un kek chochepah, un kreh halauter jaake, har me tuke penom, un mire laba rikreh, un pal miro tchatchepen djiweh,

2. Rajengro liil 20:3

“Ach, baro Dewel, mangau tut, biste gar, kai djiwom glan tute an o tchatchepen un i djudjo djijeha un krom, hoi mishto hi glan tire jaka.” Un o Hiskija rowas i baro ropen glan leste.

2. Familjakro liil 1:8

Kote penas o Salomo ap o Debleste: “Baro latchepen kral tu miro dadeske, o Davideske, un kral, te wom me baro rai pal leste.

Debleskri gili 116:7

Me penau ap miro dji: “Ma dare buder! O baro Dewel his latcho ap tute.”

Debleskri gili 119:17

Ab latches ap mande, tiro budepaskro, te djiwap un rikrap tiro lab.

Debleskri gili 13:6

Me dikau ap tiro latchepen, miro dji bashrell koi pral, kai tu man win leh dran i tchilatche wasta. Me kamau te giwap o baro Debleske, kai mange jaake latches hi.

Debleskri gili 15:2

Koles kokres, kai i djudjo djipen djiwell, un hako tsiro krell, hoi tchatcho hi. Kowa, kai kek chochepen rakrella,

4. Mose 12:7

O Moseha, koles miro tchatcho wast hi, krau gar jaake. Leste dom miro tselo kheer an o wast.

2. Korintarja 9:11

Job dell tumen jaake bud, te nai denn ninna kolen, kai len tchi hi. Te lenn jon kowa, hoi mer anah lenge, palle parkrenn pen bud menshe pash o Debleste.

2. Korintarja 9:5

Doleske mangom kol phralen, te djan jon glan mende, un lenn kol lowe, hoi tumer khetne tchiwan. Jaake hunte tchiwenn tumer gar kol lowe sik khetne ap ko diwes, kai mer wah. Un kol lowe, hoi tumer denn, well o djijestar, un gar dran o boklepen.