1. Rajengro liil 3:26 - O Debleskro Drom 2021 (Sinte)

²⁶ Un koi djuwjake, kai lakro ternepen djiwas, chatchras lakro dji peskro tchaweske, un joi das gole ap o baro rajeste: “Miro rai, mangau tut, de lat ko ternepen djides, un mare les gar!” Koi wawar penas: “Na-a, job te well gar miro, witar gar tiro. Tchinenn les an dui kotja!”

O Debleskro Lab 2024 (Sinte-Manouche)

²⁶ Oun koy djouvyake, kay lakro ternepen djivas, rhačras lakro dji peskro čaveske, oun yoy das gole ap o baro rayeste: “Miro ray, mangau tout, de lat ko ternepen djides, oun mare les gar!” Koy vavar penas: “Na-a, yob te vell gar miro, vitar gar tiro. Činenn les an douy kotya!”

1. Rajengro liil 3:26 ပူးပေါင်းရင်းမြစ်များ

1. Mose 43:30

Har o Josef peskro phrales dikas, his leske ropaske. Un job djas sik an peskri isema un rowas koi.

1. Rajengro liil 3:25

Un job penas: “Marenn ko djido ternepen, un krenn dui kotja dran leste, un denn haki djuwjat o paash ternepen!”

1. Rajengro liil 3:27

Kote penas o baro rai: “Ma marenn les! Denn kolat o ternepen djides, kai penas: ‘Ma mare les!’ Joi hi leskri dai!”

Debleskri gili 39:3

Un me rikrom miro mui, un homs pokones. Har penom tchi, witar kek latcho lab, was i daar an mande baro.

Jesaja 49:15

Bistrell i djuwel peskro ternepen? Hi lat gar i kamlo dji leske, hoi joi ap i phub anas? Un ninna te bistrals koja les nai, me bistrau tut gar.

Jeremia 31:20

Efrajim, tu hal miro kutch tchawo, miro tchawo, koles kamau bud! Hako kopo, kai hunte dap les trad, well lo mange gar dran o shero. Miro dji dell soreles an mande: me hunte wap leske latches, penell o baro Dewel.

Hosea 11:8

Har nai mukaus me tutar, Efrajim, har nai daus tut an o wast kolendar, kai marenn tut, Israel? Kraus me tuha, har krom kol forjentsa Adma un Zebojim? Na-a, kowa phagals miro dji! Tu khaiteh man jaake!

Remarja 1:31

Jon kamenn tchi te haiwell. Jon rikrenn gar pengro lab. Len hi kek kamlepen, witar kek dji i wawarenge.

Filiparja 1:8

O Dewel djinella: Miro dji hi pash tumende. O Jesus Kristo das man i baro kamlepen tumenge.

Filiparja 2:1

Me djinau, tumer rakrenn i menshenge o Jesuseskre laba an o dji. Tumare laba wenna dran o kamlepen, un krenn lengre djia soreles. O Debleskro Ducho rikrell tumen khetne, un tumen hi i baro dji i wawarenge.

2. Timoteo 3:3

Len hi kek dji i wawarenge. Jon wenn gar pale latches pal o tchingepen. Jon rakrenn chochepen pral o wawareste. Jon hi bipandlo un dukrenn i wawaren. Jon kamenn kek latchepen.

1. Johanni 3:17

Te hi jek brawelo, un dikell, kai peskro phrales gar doha djipaske hi, un job dell les tchi, jaake nai atchell gar o Debleskro kamlepen an leste.