1. Rajengro liil 3:12 - O Debleskro Drom 2021 (Sinte)

¹² Doleske krau jaake har tu kowa mandar mangal. Me dau tut i gosewo dji, te haiwess halauter, hoi glan tute wella. Jaake his pash kekeste glan tute. Un pal tute well witar kek, har tu hal.

O Debleskro Lab 2024 (Sinte-Manouche)

¹² Doleske krau yaake har tou kova mandar mangal. Me dau tout i gosevo dji, te hayvess halauter, hoy glan toute vella. Yaake his pash kekeste glan toute. Oun pal toute vell vitar kek, har tou hal.

1. Rajengro liil 3:12 ပူးပေါင်းရင်းမြစ်များ

1. Rajengro liil 2:6

Kre leha jaake har glan tire jaka mishto hi! Job hi kanna i phuro mursh. Muk les gar an o latchepen te merell!

1. Rajengro liil 2:9

Kau koowa hunte less tu an tiro wast. Tu hal i gosewo mursh un tu djineh, hoi hunte kress leha. Job hi i phuro mursh. Muk les gar an o latchepen te merell! Muk les mulo te dell!”

1. Rajengro liil 3:28

Un an o tselo them Israel shunan le ko tchatcho lab, hoi o baro rai hatsas. Un jon dikan pre ap o baro rajeste, un jon haiwan, kai o goswepen o Deblestar an leste his, te nai dell lo i menshenge lengro tchatchepen.

1. Rajengro liil 5:12

Un job tchinas 3.000 (triin-serja) gosewe laba pre un 1.005 (jek-seri-te-pantch) gilja.

1. Rajengro liil 5:9

Un o baro Dewel das o Salomes baro goswepen un i latcho shero. Job djinas budeder koowa har i santa pash o baro pani hi.

1. Familjakro liil 29:25

Un i tsele Israelitarja nai dikan, har kras o baro Dewel, te was o Salomo bareder un bareder. O Salomo was an-diklo un sharedo har kek wawar rai pral Israel glan leste.

2. Familjakro liil 2:12

Kanna bitchrau tuke i murshes, koles i latcho wast hi, un peskri budi mishto haiwell. Leskro lab hi Huram-Abi.

Nehemia 13:26

“Djinenn gar”, penom, “te kras o baro rai Salomo sawo koowa un anas doosh ap peste? Un an bud wawar themma, his kek baro rai har job his. Un o Dewel kamas les jaake, te kras lo, te well lo rai pral o tselo them Israel. Ninna les anan peskre romja dran kol wawar themma jaake dur, te anas lo doosh ap peste!

Debleskri gili 10:17

Kowa, hoi i tchorwele tutar mangenna, shuneh tu, mo baro Dewel. Tu kreh lengro dji sorelo, un tiro kand hi lenge pre.

Gosewe laba 2:6

O baro Dewel hi kowa, kai dell goswepen. Lestar well, te djinell un haiwell i mensho bud koowa.

Sikepaskro 1:13

Miri tseli djijeskri sorjah un goswepah rodom, te haiwap o tselo koowa, hoi ap i phub halauter kerdo wella. Hawo pharepen das o Dewel i menshende, te marenn le pen tele koleha.

Sikepaskro 1:16

Me penom mange: Me wom i baro mursh, gosweder har hakeno, kai glan mande o baro rai an Jerusalem his. Man hi i gosewo dji un haiwau bud.

Jesaja 65:24

Un kawa well jaake: Jon dan gomme gar gole, koi dom man glan, un jon rakrenn gomme, koi shunau me.

Daniel 1:17

Un kol star terne murshen das o Dewel i baro goswepen, te haiwan le lila an bud rakepen te drawerell. Ninna haiwan le pen win an bud koowa. Un o Daniel haiwas ninna te penell, hoi sunja un dikepen kamenn te penell.

Mateo 12:42

Ap ko diwes, kai rakrell o Dewel o tchatchepen win pral i tsele menshende, stella ninna i bari rani dran o foro Saba pre. Un joi penella, te hi kol menshe tchilatcho, kai kanna djiwenna. Glan i rah tsiro, was joi dran i dur them, un was pash o baro rai Salomo, te shunell li leskre gosewe laba. Kawa, kai glan tumende tardo hi, kawa hi bareder har o baro rai Salomo.

Louka 21:15

Me dau tumen ko goswepen, un penau tumenge, hoi tumer hunte penenn. Un palle djinenn le buder gar, hoi te penenn le.

5. Mose 34:9

Un o Josua, koleskro dad o Nun his, was pherdo goswepen. Kowa was, har tchiwas o Mose peskre wasta ap leste. Un i Israelitarja shunan ap leste un kran jaake har o baro Dewel o Moseske penas, te hunte krenn le.

Kolossarja 2:3

Job kokres nai dell tumen o tselo goswepen, te haiwenn o Debleskro lab mishto.