1. Rajengro liil 3:1 - O Debleskro Drom 2021 (Sinte)

¹ Un o Salomo romedineras i tchai o baro rajestar pral o them Egiptia. Kowa his o Farao. Un o Salomo anas lat an ko kotar o forestar Jerusalem, hoi kharell ‘Davideskro foro’, te djiwell li kote jaake rah har budran i budepangre ap o Salomeskro kheer un ap o baro Debleskro kheer un ap i massuri trul Jerusalem.

O Debleskro Lab 2024 (Sinte-Manouche)

¹ Oun o Salomo romedineras i čay o baro rayestar pral o them Egiptia. Kova his o Farao. Oun o Salomo anas lat an ko kotar o forestar Yerusalem, hoy kharell Davideskro foro, te djivell li kote yaake rah har boudran i boudepangre ap o Salomeskro kheer oun ap o baro Debleskro kheer oun ap i massouri troul Yerusalem.

1. Rajengro liil 3:1 ပူးပေါင်းရင်းမြစ်များ

2. Samuel 5:7

O David las ko sorelo kheer Zion peske dren. Kowa hi kanna o Davideskro foro.

1. Rajengro liil 11:1

O baro rai Salomo romedineras bud djuwjen dran wawar themma: koi tchai o baro rajestar pral o them Egiptia, ninna djuwja dran i themma Moab, Ammon, un Edom, dran o foro Sidon un i menshendar Het.

1. Rajengro liil 2:10

Un o David meras un was paskedo an o foro Jerusalem.

1. Rajengro liil 6:1

An o starto bersh, har o Salomo o baro rai pral Israel his, an o tchon Siw, kowa hi o duito tchon an o bersh, kran pen i budepangre o Salomestar ap i budi, te krenn le o baro Debleskro kheer. Kowa his 480 (star-sheel-te-ochta-deesh) bersha pal kowa, kai i Israelitarja dran o them Egiptia djan.

1. Rajengro liil 7:1

Ap peskre khera budras o Salomo 13 (deesh-te-triin) bersha, bis te halauter kerdo his.

1. Rajengro liil 7:8

Un leskro kheer, kai job djiwas, his tchiddo pal ko kheer, kai leskri beshepaskri his, ap i wawar platsa. Kau kheer his jaake kerdo, har kol wawar khera ninna. Un job mukas ninna sawo kheer te krell peskri romjake. Koja his i tchai o baro rajestar pral o them Egiptia.

1. Rajengro liil 9:1

Un jaake was, har o Salomo o baro Debleskro kheer kras, un ninna peskro kheer un halauter, hoi job kamas te krell,

1. Rajengro liil 9:10

Biish bersha budran o Salomeskre budepangre ap kol dui khera, ap o baro Debleskro kheer un ap o baro rajeskro kheer.

1. Rajengro liil 9:24

Un koi tchai o Faraestar tserdas win dran o Davideskro foro, un was an lakro kheer, hoi o Salomo mukas lake te krell. Koi pal mukas lo ko turmo te krell, hoi kharell Millo.

1. Familjakro liil 11:7

Un o David djiwas an kau sorelo kheer. Doleske well ko kheer kharedo ‘Davideskro foro’.

2. Familjakro liil 18:1

Un o Josafat his bud brawlepen un was mishto an-diklo. Un job romedineras an i familja Ahab.

2. Familjakro liil 8:11

Un o Salomo anas peskri romjat, koi tchai o Faraestar, dran o Davideskro foro pral an ko kheer, hoi job mukas lake te krell. Un job penas: “I djuwel hunte djiwell gar an o kheer o Davidestar, ko rajestar pral Israel. Glan i tsiro his kote ko mochton tardo, kai o baro Debleskre laba dren hi. Haki platsa, kai ko mochton tardo his, hi i Debleskri platsa.”

Esra 5:11

Un kowa hi, hoi jon menge penan: “Mer ham i budepangre o Deblestar, kai kras o bolepen un i phub, un tchiwah kau kheer pale pre, kai glan bud bersha kate tardo his, un koles i baro sorelo rai dran o them Israel mukas pre te tchiwell. Jaake his ko kheer shukar koi tardo.

Esra 9:14

Har nai was kowa jaake, te kras kowa kanna pale, te shunas gar ap tire laba, un te las menge romjen kol wawar menshendar, kai sawo djungelo koowa krenn? Hunte well tiri choli gar jaake pral mende, bis te atchell kek mendar ap o djipen? Bis te kek menshe mendar buder koi hi, kai pral atchan un nai djiwenn dureder?

5. Mose 23:8

I Edomarjen tchiwenn gar pale! Jon hi tumare phrala. Witar gar tchiwenn i Egiptarjen pale. An lengro them djiwan i rah tsiro.