1. Rajengro liil 22:8 - O Debleskro Drom 2021 (Sinte)

⁸ O baro rai pral Israel penas ap o Josafat: “Kate hi gomme jek mursh, o Micha, koleskro dad o Jimla hi, kowa nai putchell menge o baro Deblestar. Man hi i choli ap leste. Hako kopo, kai penas lo mange tchomone glan-wi, his les kek latcho lab mange, kokres djungele laba his les mange.” O Josafat penas pale pale: “Tu, o baro rai, hunte rakress gar jaake!”

O Debleskro Lab 2024 (Sinte-Manouche)

⁸ O baro ray pral Israel penas ap o Yosafat: “Kate hi gomme yek morsh, o Mika, koleskro dad o Yimla hi, kova nay poučell menge o baro Deblestar. Man hi i rholi ap leste. Hako kopo, kay penas lo mange čomone glan-vi, his les kek lačo lab mange, kokres djoungele laba his les mange.” O Yosafat penas pale pale: “Tou, o baro ray, hounte rakress gar yaake!”

1. Rajengro liil 22:8 ပူးပေါင်းရင်းမြစ်များ

1. Mose 37:8

Koi penan leskre phrala ap leste: “Kameh te wess rai pral mende? Kameh tchatchepah te wess o pralstuno mendar?” Un jon his leske budeder tchilatcho pral leskri suni un leskro rakepen.

1. Rajengro liil 18:4

Un an ko tsiro, kai i Isebel o baro Debleskre rakepangren kamas te marell, las o Obadja sheel lendar un khatras len, i paash-sheel an kai grotta un i paash sheel an koi grotta, un anas lenge maro un pani, te chan le un pijenn le.

1. Rajengro liil 19:10

Un job penas: “Tu, baro Dewel un rai pral o bolepen un i phub, me budrom tuke miro tselo djijeha. Tire menshe Israel krenn buder gar, hoi tu lentsa win kral. I pre-tchidde barra, kai tuke vieche chatchedo wan, dan le khetne, un tire rakepangren maran le o chareha. Un me kokres atchom djido. Un jon kamenn man ninna te marell.”

1. Rajengro liil 19:14

Un job penas: “Tu, baro Dewel un rai pral o bolepen un i phub, me budrom tuke miro tselo djijeha. Tire menshe Israel krenn buder gar, hoi tu lentsa win kral. I pre-tchidde barra, kai tuke vieche chatchedo wan, dan le khetne, un tire rakepangren maran le o chareha. Un me kokres atchom djido. Un jon kamenn man ninna te marell.”

1. Rajengro liil 21:20

Kote penas o Ahab ap o Elija: “Hatsal man pale, tu, kai kameh mange tchilatchepen?” Kote penas lo: “Awa, me hatsom tut! Tu bikral tut, te kress kowa, hoi glan i jaka o baro Deblestar tchilatcho hi.

1. Rajengro liil 22:13

Un ko bitchepaskro, kai was pash o Micha, te anell lo les, penas leske: “Shun ap mande! Kol laba, hoi rakran i dikepangre, hi har jek lab rakedo, latcho o baro rajeske. Rake tu kanna ninna jaake har jon rakran, un rake latche laba!”

1. Rajengro liil 22:18

Kote penas o rai pral o them Israel ap o Josafat: “Penom tuke gar: Job penell mange kek latche laba glan-wi, kokres tchilatche laba.”

1. Rajengro liil 22:27

un pen lenge: ‘Kawa penell o baro rai: Tchiwenn koles an o stilepen, un denn les gar bud maro te chal, un gar bud pani te pijell, bis te wau me sasto dran o kurepen pale.’”

1. Rajengro liil 22:7

O Josafat penas: “Hi kate buder kek rakepaskro o baro Deblestar, te putchas lestar, hoi o Dewel kamell.”

1. Rajengro liil 22:9

Kote kharas o rai pral Israel i budepaskres, un penas leske: “Dja un an sik o Micha, koleskro dad o Jimla hi, pash mande!”

2. Rajengro liil 9:22

Har o Joram o Jehu dikas, putchas job: “Awenn tumer an o latchepen?” Koi penas lo: “Hoi – an o latchepen? Har nai wah an o latchepen jaake rah har tiri dai, i Isebel, sharell mule deblen un krell bengeskro koowa?”

2. Familjakro liil 36:16

Jon sanan o Debleskre bitchepangren win. Un leskre laba his lenge tchi moldo, un jon rikran o Debleskre rakepangre dineleske. Doleske was o baro Debleskri choli jaake phares pral peskre menshende, te nai wan le gar win lino koi dran.

Debleskri gili 34:21

Job dell jaake jak ap leste, te well kek kokalo lestar phagedo.

Gosewe laba 15:12

O pre-phurdo choirell pes pral koleste, kai leske penell, hoi lo gar mishto kras. Un job djal gar pash kolende, kai gosewo hi.

Gosewe laba 29:10

I marepangre hi chojedo pral koleste, kai kek doosh ap peste anas. Kolla, kai an o tchatchepen tardo hi, denn jak ap koleskro djipen.

Gosewe laba 9:8

Te peneh i pre-phurdes, kai kowa, hoi lo kras, gar mishto hi, palle well lo chojedo ap tute. Te peneh i gosewes, kai kowa, hoi lo kras, gar mishto hi, palle kamell lo tut.

Jesaja 3:11

Ap i tchilatchende well bibacht. Lenge djal gar mishto. Ap lengro shero well ko tchilatchepen pale, hoi le kran.

Jesaja 30:10

Ap i dikepangre penenn le: “Ma dikenn i dikepen.” Un ap o Debleskre rakepangre penenn le: “Ma penenn menge, hoi o Dewel tumende sikras un hoi tchatcho hi! Penenn menge kowa, hoi pes menge shukar an-shunell! Un sikrenn men sau koowa, har mari djia les kamenn.

Jesaja 49:7

O baro Dewel, kowa, kai o Israel dran o tchilatchepen win lell, un kokres leskro Dewel hi, job penell koleske, kai i menshe tele dikenn ap leste, un koles i menshe dran bud themma gar kamenna, un lengre raja lestar pengro budepaskro krenn, ap koleste penell o baro Dewel: Bare raja dikenn tut, un stenn pre glan tute. Un pralstune dikenn tut un witsrenn pen ap i phub glan tute, Jon dikan, kai rikrau pash tute, me, o Israeleskro Dewel, kai tut win rodom.

Jeremia 18:18

Koi hi menshe, kai penenn: Awenn, te rakras koi pral, hawo tchilatchepen mer nai krah ap o Jeremia. Men hi doha rashaja, kai nai sikrenn men maro drom, un doha gosewe, kai nai penenn menge, hoi te kras, un doha Debleskre rakepangre, kai nai penenn menge o Debleskre laba. Mer tapras les leskre labentsa, un das tchi ap leskro rakepen!

Jeremia 20:10

Me shunau, har bud menshe tchorchanes rakrenna: “Job krell menge tchi har traash. Anas doosh ap leste! Sikras les an!” Ninna mire mala lurenn koi pre, te perap. “Dikas, te anas les jaake dur, te penell job tchomone, hoi gar mishto hi. Palle dah les pale, hoi lo mentsa kras!”

Jeremia 36:23

Les hi i tchuri an o wast un hako kopo, har draweras o Jehudi triin te star kotja, tchinas o baro rai len i tchurjeha tele un witsras len an i jag, bis te his o tselo liil pre chatchedo.

Jeremia 38:4

Kote rakran kol pralstune o baro rajeha un penan: Muk kau murshes, o Jeremia te marell; jaake har job rakrella, lell lo i soor kol lurdendar krik, kai kate pash mende pral atchan an kau foro. Un jaake djal ninna i tsele menshenge an kau foro. Kau mursh rodell gar, hoi i menshenge mishto hi. Na-a, job anell len an i bibacht.

Amos 5:10

Chojedo han tumer ap koleste, kai tumenge o tchatchepen penell, un tumende sikrell, kai kowa gar mishto hi, hoi kran.

Micha 2:11

Te woms me i mursh, kai nashell o ducho palla, un rakroms o chochepen, un me penoms: “Pijenn bud mool un wawar pipen!” Palle penans tumer mandar: “Hawo latcho rakepaskro hi kau mursh!”

Micha 2:7

Hi o Jakobeskro kheer praassedo? Patseh, o baro Dewel hi sik chojedo? Sau koowa anell lo gar pral mende! Awa, mire laba hi latches ap kolende, kai djan o tchatcho drom!

Zakarie 11:8

Un an jek tchon krom me, te hunte djan penge kol triin wawar bakrengre. Me nai dikom len buder gar glan i jaka. Un jon his chojedo ap mande.

Mateo 10:22

Tumer patsenn ap mande. Doleske wenn i menshe chojedo ap tumende. Kowa, kai atchell soreles tardo an o patsepen, jaake rah, har job djiwella, kowa lell o Debleskro djipen.

Johanni 17:14

Me penom lenge tire laba. Jon hi gar kai phubjatar, jaake har me hom witar gar kai phubjatar. Doleske hi i menshe ap kai phub chojemen ap lende.

Johanni 7:7

I menshe hi gar tchilatcho ap tumende. Ap mande hi le tchilatcho. Me penom lenge, kai kowa, hoi jon krenna, tchilatcho hi.

Galatarja 4:16

Kanna, kai penau tumenge o tchatchepen, han tumer tchilatcho ap mande?