1. Rajengro liil 22:6 - O Debleskro Drom 2021 (Sinte)

⁶ Kote mukas o rai pral o them Israel i dikepangren khetne te well – kolla his jaake star-sheel mursha – un putchas lendar: “Djap me an o kurepen, te kurap man o foreha Ramot an o them Gilead? Kamell o Dewel kowa? Kamell lo kowa gar?” Kote penan jon: “Dja koi, un o Dewel dell o foro an tiro wast.”

O Debleskro Lab 2024 (Sinte-Manouche)

⁶ Kote moukas o ray pral o them Israel i dikepangren khetne te vell – kolla his yaake star-sheel morsha – oun poučas lendar: “Djap me an o kourepen, te kourap man o foreha Ramot an o them Gilead? Kamell o Devel kova? Kamell lo kova gar?” Kote penan yon: “Dja koy, oun o Devel dell o foro an tiro vast.”

1. Rajengro liil 22:6 ပူးပေါင်းရင်းမြစ်များ

1. Rajengro liil 12:9

Un job penas ap lende: “Penenn mange tumaro goswepen, hoi te penas kal menshenge, kai penan mange: ‘Muk tchomone tele mendar! Ma tchip sau budepen ap mende, hoi tiro dad ap mende tchiwas!’”

1. Rajengro liil 18:19

Kanna muk i tsele Israelitarjen te penell, te wenn le khetne pash mande ap i berga Karmel, ninna kol 450 (star-sheel-te-paash-sheel) rashaja o deblestar Baal un kol star-sheel rashaja, kai i debletsa Ashera sharenn, kolen i Isebel chapen un pipen dell.”

1. Rajengro liil 18:20

Kote mukas o Ahab i tsele Israelitarjen un kol rashajen khetne gole te dell ap i berga Karmel.

1. Rajengro liil 22:10

Un o rai pral Israel un o Josafat, ko rai pral o them Juda, his beshdo hakeno ap peskri beshepaskri, an-rido an i rajeskri plaashka, ap koi platsa, glan o foreskro wudar o forestar Samaria. Un i tsele dikepangre his tardo glan lende, un penan, hoi wella.

1. Rajengro liil 22:15

Un har job pash o baro rajeste was, penas o baro rai ap leste: “Micha, djas mer an o kurepen, te kuras men o foreha Ramot an o them Gilead? Mukas les?” Un o Micha penas ap leste: “Awa, dja, tu weh o sorleder! O baro Dewel dell o foro an tiro wast.”

1. Rajengro liil 22:5

Un o Josafat penas dureder ap o baro rajeste pral o them Israel: “Putch glanstunes, hoi o baro Dewel pral kowa penell!”

2. Rajengro liil 10:19

Denn kol tsele murshen pash mande gole, kai hi leskre rakepangre, budepangre un rashaja. Kek hunte atchell krik. Me anau i baro chapen o debleske Baal. Koon gar wella, well mulo dino.” O Jehues his pal i kanda un kras kowa lauter, te dell lo i tsele murshen mulo, kai o debles Baal an-mangan.

2. Rajengro liil 3:13

O Elisa penas ap o baro rai pral Israel: “Hoi djah tu man an? Dja pash kol Debleskre rakepangre, kolendar tiro dad un tiri dai i lab putchan!” “Na-a”, penas o baro rai pral Israel ap leste, “o baro Dewel das men triin rajen kai gole, te dell lo men an kol wasta i menshendar Moab.”

2. Familjakro liil 18:14

Un har job pash o baro rajeste was, penas o baro rai ap leste: “Micha, djas mer an o kurepen, te kuras men o foreha Ramot an o them Gilead? Mukas mer les?” Un o Micha penas ap leste: “Awa, dja, tu weh o sorleder! O baro Dewel dell o foro an tiro wast.”

Jesaja 36:10

Patseh, kai djoms me kokres mandar kai pral, te marap halauteren, kai kate djiwenn? Na-a, o baro Dewel penas les mange: Dja pral an kau them un mare halauteren!”

Jeremia 5:31

O Debleskre rakepangre rakrenn chochepen, un kol rashaja rodenn penge ko feteder win, un mire menshe kamenn kowa jaake. Hoi kamenn tumer te krell, te hi tumaro tsiro trujel?

Ezekiel 13:22

Tumare chochene labentsa dukran i djia kolendar, kai an o tchatchepen djiwenn, un kolenge kamom kek daar te krell. Un tumer kran i wasta kolendar sorelo, kai tchilatcho koowa krenn. Jaake kran tumer, te djan le gar tele lengro tchilatcho dromestar, te atchenn le djido.

Mateo 7:15

Denn jak, te patsenn gar kol chochene rakepangren, kai penenn, te wans le o Deblestar bitchedo! Jon krenn, har te wans le tumare phrala. An lengro dji hi le diwje djukle, kai marenna.

2. Timoteo 4:3

Well i tsiro, kai kamenn le o Debleskro tchatchepen buder gar te shunell. Jon djiwenna, har jon kamenna, un rodenn penge sawe sikepangre, kai kowa len sikrenna, hoi jon kamenn te shunell.

Debleskro tsiro 19:20

Un ko viecho was tapedo, ninna leskro chocheno rakepaskro. Ko rakepaskro kras bud baro koowa, un anas kolen ap o bengeskro drom, kai o viecheskro lab ap pende lan, un ko vieches an-mangan, hoi i menshendar kerdo was. Un djides wan kol dui an i bari jag witsedo, hoi soreles chatchella un khandella.