1. Rajengro liil 22:39 - O Debleskro Drom 2021 (Sinte)

³⁹ Un ko tselo wawar koowa, hoi pral o Ahab penepaske hi, un halauter, hoi job kras, kowa hi tchinlo an i familjakro liil o bare rajendar pral Israel. Kote dren hi ninna tardo, har job peske i kheer kras dran kutch parno dand, un hawe forja job mukas sorleder te krell.

O Debleskro Lab 2024 (Sinte-Manouche)

³⁹ Oun ko tselo vavar koova, hoy pral o Ahab penepaske hi, oun halauter, hoy yob kras, kova hi činlo an i familyakro liil o bare rayendar pral Israel. Kote dren hi ninna tardo, har yob peske i kheer kras dran kouč parno dand, oun have forya yob moukas zorleder te krell.

1. Rajengro liil 22:39 ပူးပေါင်းရင်းမြစ်များ

1. Rajengro liil 10:18

Un o baro rai Salomo mukas i bari beshepaskri te krell dran kutch parno dand, un latcho sonakai his pral tserdedo.

1. Rajengro liil 10:22

Un o baro rajes his bare shiffe. Kolla djan khetne kol shiffe o rajestar Hiram ap o baro pani. Kalla wan jek kopo an triin bersha, un anan sonakai un rup, kutch parno dand, un affe un pfaue.

1. Rajengro liil 14:19

Ko tselo wawar koowa, hoi pral o Jerobeam penepaske hi, leskro kurepen un har lo baro rai his, kowa hi tchinlo an i familjakro liil i bare rajendar pral o Israel.

1. Rajengro liil 15:23

Un ko tselo wawar koowa, hoi pral o Asa penepaske hi, un leskri tseli soor, un halauter, hoi job kras, un i forja, hoi job soreles kras, kowa hi tchinlo an i familjakro liil i rajendar pral o them Juda. Har lo phuro his, wan leskre pire nasselo.

1. Rajengro liil 15:31

Un ko wawar koowa, hoi pral o Nadab penepaske hi, un halauter, hoi job kras, kowa hi tchinlo an i familjakro liil i bare rajendar pral Israel.

1. Rajengro liil 16:20

Un ko tselo wawar koowa, hoi pral o Simri penepaske hi, un leskro phukepen, kowa hi tchinlo an i familjakro liil i bare rajendar pral Israel.

1. Rajengro liil 16:27

Un ko tselo wawar koowa, hoi pral o Omri penepaske hi, un halauter, hoi job kras, un leskri soor, kowa hi tchinlo an i familjakro liil i bare rajendar pral Israel.

1. Rajengro liil 16:5

Un ko tselo wawar koowa, hoi pral o Baasha penepaske hi, un kowa, hoi job kras un leskri soor, kowa hi tchinlo an i familjakro liil i bare rajendar pral Israel.

1. Rajengro liil 22:40

Un o Ahab meras, un leskro tchawo Ahasja was o baro rai pal leste.

2. Rajengro liil 1:18

Ko wawar koowa, hoi o Ahasja lauter kras, kowa hi tchinlo an i familjakro liil i bare rajendar pral o Israel.

2. Rajengro liil 15:15

Ko tselo wawar koowa, hoi pral o Shallum penepaske hi, un har lo pes wawarentsa khetne tchiwas, te denn le o baro rajes mulo, kowa hi tchinlo an i familjakro liil i bare rajendar pral o Israel.

Debleskri gili 45:8

Tu kameh o tchatchepen, un nai dikeh gar kolen glan tire jaka, kai o tchilatchepen krenna. Doleske rodas tut o Dewel, tiro Dewel, win un tchoras bud bacht pral tute win, budeder har pral hako wawar rajeste.

Ezekiel 27:15

I parepangre dran Rhodos wan pash tute. Un bud menshe, kai djiwan ap panjeskre themma paran tuha, un anan elefantikro dand un kutch kalo kasht, koleha plaissran le.

Ezekiel 27:6

Tire lengste tchinle kashta his dran zipresstikro kasht, hoi dran o them Kittim lino was. Dren tchiddo an kol kashta his elefantikro dand. Dran o them Bashan was eichtikro kasht. Kolestar tchinan le kol kashta, kolentsa o shiffo tserdedo well.

Amos 3:15

Me dau lengre nijalengre khera khetne, un ninna lengre wendengre khera. Un khetne perenn kol khera, hoi shukar kerdo hi i dandentsa fun i elefante; hako baro kheer well paash dino, penell o baro Dewel.

Amos 6:4

Har djungeles djal tumenge, kai han kanna tchiddo ap tchibja shukar kerde i dandentsa fun i elefante, un mukenn tumenge koi latches te djal. Tumer denn tumen o per pherdo o masseha i tikne bakrendar un terne thulle grumjendar,