1. Rajengro liil 22:30 - O Debleskro Drom 2021 (Sinte)

³⁰ Glan o kurepen penas o rai pral o them Israel ap o Josafat: “Me kamau man jaake te riwell, te djinenn le gar, kai hom o rai pral o them Israel. Tu rib tiri rajeskri plaashka an!” Jaake riwas pes o rai pral o them Israel jaake, kai kek djinas, koon job hi, un djas an o kurepen.

O Debleskro Lab 2024 (Sinte-Manouche)

³⁰ Glan o kourepen penas o ray pral o them Israel ap o Yosafat: “Me kamau man yaake te rivell, te djinenn le gar, kay hom o ray pral o them Israel. Tou rib tiri rayeskri plaashka an!” Yaake rivas pes o ray pral o them Israel yaake, kay kek djinas, koon yob hi, oun djas an o kourepen.

1. Rajengro liil 22:30 ပူးပေါင်းရင်းမြစ်များ

2. Samuel 14:2

Un job bitchras jekes an o gab Tekoa, un mukas kotar i gosewi djuwjat te anell, un penas ap late: “Kre jaake har te wals i djuwel, kai rowell pral jekeste, kai meras! Un rib tuke i kalo ripen an, un mak tut gar o djeteha dren! Kre jaake har i djuwel krella, kai lake rah tsiro ropaske hi pral koleste, kai meras.

1. Rajengro liil 14:2

Kote penas o Jerobeam ap peskri romjate: “Rib tuke wawar ripja pral, te dikell kek, te hal tu miri romni. Un dja an o foro Shilo! Kote hi o Achija, ko Debleskro rakepaskro. Kowa penas mange, te wap o rai pral o them Israel.

1. Rajengro liil 20:38

Palle djas ko Debleskro rakepaskro kote pash o drom, kai o baro rai djas, un tchiwas i diklo glan peskro mui un pral peskre jaka, te well lo gar prindjedo.

1. Rajengro liil 22:10

Un o rai pral Israel un o Josafat, ko rai pral o them Juda, his beshdo hakeno ap peskri beshepaskri, an-rido an i rajeskri plaashka, ap koi platsa, glan o foreskro wudar o forestar Samaria. Un i tsele dikepangre his tardo glan lende, un penan, hoi wella.

2. Familjakro liil 18:29

Glan o kurepen penas o rai pral o them Israel ap o Josafat: “Me kamau man jaake te riwell, te djinenn le gar, kai hom o rai pral o them Israel. Tu rib tiri rajeskri plaashka an!” Jaake riwas pes o rai pral o them Israel jaake, kai kek djinas, koon job hi, un jon djan an o kurepen.

2. Familjakro liil 35:22

Un o Josia mukas gar tele leste un kamas pes leha te kurell, un shunas gar ap kowa, hoi o Necho penas, ninna te was kowa o Deblestar. Un o Josia was, te kurell lo pes leha an o telstuno them, hoi kharell Megiddo.

Debleskri gili 12:2

Baro Dewel, ab ap miri rig! Tire menshe hi buder gar bud. Awa, kolla, kai patsle hi mank i menshende, hi gar bud.

Gosewe laba 21:30

Kote dell kek goswepen, tchi hoi jek feteder nai djinals un penals, har nai krell o baro Dewel.

Jeremia 23:24

Kek nai khatrell pes jaake tchorchanes, te dikau les gar, penell o baro Dewel. Kek platsa hi an o bolepen un ap i phub, kai me gar hom. penell o baro Dewel.

1. Samuel 28:8

Un o Saul kras pes jaake, te prindjrell les kek pale, un riwas wawar koola an, un djas koi pash late. Un job las gomme dui murshen peha. Un jon wan an i rat pash koi djuwjate. Un o Saul penas: “De i mules mange gole, un durke mange, hoi wella! Me penau tuke, kones te less pre!”