1. Rajengro liil 22:23 - O Debleskro Drom 2021 (Sinte)

²³ O Micha penas dureder: “Dikeh, o baro Dewel bitchras i chochepaskro ducho pash tire dikepangre, te rakrenn le chochepen. O baro Debles hi an o dji, te mukell lo tut an i bibacht te nashell.”

O Debleskro Lab 2024 (Sinte-Manouche)

²³ O Mika penas doureder: “Dikeh, o baro Devel bičras i rhorhepaskro dourho pash tire dikepangre, te rakrenn le rhorhepen. O baro Debles hi an o dji, te moukell lo tout an i bibarht te nashell.”

1. Rajengro liil 22:23 ပူးပေါင်းရင်းမြစ်များ

1. Rajengro liil 20:42

Un job penas ap leste: “Kawa penell o baro Dewel: Tu mukal i murshes te djal, kai me kamom, te hunte merals lo. Doleske lau me tiro djipen leskro djipaske, un tire menshen leskre menshenge.”

1. Rajengro liil 21:19

Rake leha un pen leske, hoi me, o baro Dewel, leske penau: ‘Hi kowa gar doha, te maral i murshes? Hunte tchoress tu kanna leskro kotar them? Me, o baro Dewel, penau tuke: Ap ko kotar phub, kai i djukle pijan o rat o murshestar Nabot, kote pijenn i djukle tiro rat ninna.’”

1. Rajengro liil 22:24

Kote was o Zedekja pashel, koleskro dad o Kenaan his, un das o Micha i tchamedini, un penas: “Hoi rakreh? Patseh, o ducho o baro Deblestar djas peske mandar, un rakrell kanna kokres tuha?”

2. Familjakro liil 25:16

Un har o Debleskro rakepaskro leha jaake rakras, penas o baro rai ap leste: “Tchiwom me tut dren, te peness mange, hoi te krap? Rike tiro mui, te kameh gar dawa te lell!” Un o Debleskro rakepaskro mukas tele un penas: “Kanna, kai dikau, hoi kral, un kameh gar te shunell, hoi tuke penom, haiwau me, kai hi an o Debleskro dji, te marell lo tut.”

2. Mose 10:20

Ninna kau kopo pandas o baro Dewel o Faraeskro dji. Un job mukas i Israelitarjen gar te djal.

2. Mose 4:21

Un o baro Dewel rakras ap o Moseste: “Te hal an o them Egiptia, palle kre ko tselo baro koowa, hoi me tut an tiro wast dom, glan o Farao! Un me kamau leskro dji har i bar te krell, te mukell job gar tire menshen dran i Egiptia win.

Jesaja 3:11

Ap i tchilatchende well bibacht. Lenge djal gar mishto. Ap lengro shero well ko tchilatchepen pale, hoi le kran.

Jesaja 44:20

Kowa hi jaake, har te mangals lo i jagakri tchik an. Leskro dinelo dji anas les an o chochepen. Kote hatsell lo kek drom win, te penals lo peske: “Rikrau me man gar ap o chochepen?”

Jeremia 18:11

Un kanna Jeremia, pen kol menshenge an Juda un kolenge, kai djiwenn an Jerusalem: Kowa penell o baro Dewel: Djinenn, man hi an o dji, te dap tumen i phagi, un kamau bibacht pral tumende te anell. Doleske djan tele hakeno peskro tchilatcho dromestar! Un djiwenn i wawar djipen!

Ezekiel 14:9

Te mukell pes i Debleskro rakepaskro jaake dur te anell, te dell lo les i lab mandar dureder, palle krau me, o baro Dewel, te dell lo i chocheno lab dureder. Un me hadau miro wast pral leste, un krau les pale-tchiddo, te djiwell lo buder gar mank mire menshende Israel.

4. Mose 24:13

Ninna te dell man o Balak peskro kheer pherdo rup un sonakai, nai tchiwau me gar o Debleskro lab ap i rig. Me nai rakrau gar latchepen un tchilatchepen har me kamau. Hoi o baro Dewel rakrella, kowa rakrau ninna.

5. Mose 2:30

O Sihon, ko baro rai an Heshbon, kamas men gar wergel leskro themestar te djal. Tumaro baro Dewel mukas leskro dji har bar te well, jaake te dikas lo tchi dren. Jaake das o baro Dewel les un leskro them an tumare wasta. Un kowa his gomme kau diwes jaake.

Čačepangre 9:23

Un palle bitchras o Dewel i tchilatcho ducho mashkral o Abimelech un i menshende an o foro Sichem. Un kolla rissran pen lestar tele, un rikran buder gar pash leste.