1. Rajengro liil 21:25 - O Debleskro Drom 2021 (Sinte)

²⁵ Tchatchepah, kek his koi har o Ahab, kai bikras pes, te krell lo o tchilatchepen glan i jaka o baro Deblestar. Un leskri romni, i Isebel, his koja, kai anas les ap kau tchilatcho drom.

O Debleskro Lab 2024 (Sinte-Manouche)

²⁵ Čačepah, kek his koy har o Ahab, kay bikras pes, te krell lo o čilačepen glan i yaka o baro Deblestar. Oun leskri romni, i Isebel, his koya, kay anas les ap kava čilačo drom.

1. Rajengro liil 21:25 ပူးပေါင်းရင်းမြစ်များ

1. Rajengro liil 16:25

Un o Omri kras, hoi tchilatcho his glan i jaka o baro Deblestar. Un job kras budeder tchilatcho koowa har halauter, kai glan leste kai his.

1. Rajengro liil 18:18

Job penas: “Gar me anom o Israel an i bibacht dren. Kowa hal tu un tiro dadeskro kheer. Tumer mukan i laba o baro Deblestar un nashan ko debleske palla, kai kharella Baal.

1. Rajengro liil 18:4

Un an ko tsiro, kai i Isebel o baro Debleskre rakepangren kamas te marell, las o Obadja sheel lendar un khatras len, i paash-sheel an kai grotta un i paash sheel an koi grotta, un anas lenge maro un pani, te chan le un pijenn le.

1. Rajengro liil 19:2

Kote bitchras i Isebel i bitchepaskres pash o Elija un mukas leske te penell: “I debla mu denn man i bari phagi, te krom gar tuha taissar an kau tsiro, hoi tu kral lentsa.”

1. Rajengro liil 21:20

Kote penas o Ahab ap o Elija: “Hatsal man pale, tu, kai kameh mange tchilatchepen?” Kote penas lo: “Awa, me hatsom tut! Tu bikral tut, te kress kowa, hoi glan i jaka o baro Deblestar tchilatcho hi.

1. Rajengro liil 21:7

Kote penas leskri romni, i Isebel, ap leste: “Bistral, te hal gar o rai pral Israel? Ste pre, cha tchomone! Biste tiri choli! Me lau kau koowa an o wast, te well tut ko kotar phub, hoi hi o Nabotes dran Jesreel.”

1. Rajengro liil 22:52

O Ahasja, koleskro dad o Ahab his, was o baro rai pral Israel, har o Josafat an o 17. (deesh-te-eftato) bersh o baro rai pral o them Juda his. O Ahasja his dui bersha rai pral Israel, un djiwas an ko tsiro an o foro Samaria.

1. Rajengro liil 22:53

Un job kras, hoi tchilatcho hi glan i jaka o baro Deblestar, un djas ap i dromma peskro dadestar un peskri datar, un o baro rajestar Jerobeam, koleskro dad o Nebat his. O Jerobeam his kowa, kai anas i Israelitarjen o baro Debleskro dromestar tele.

2. Rajengro liil 17:17

Un jon mukan pengre tchawe un tcha an i jag te chatchrell, un kran durkepen un drawepen. Un jaake dan le pen an sawo koowa, hoi glan o baro Debleskre jaka djungeles hi un choiran les.

2. Rajengro liil 23:25

Kek baro rai his glan leste, kai was jaake har o Josia pash o baro Debleste peskro tselo djijeha un peskro tselo djipah un peskri tseli sorjah, un djiwas jaake har an o Moseskre lila tchinlo hi. Un pal leste his witar kek har job.

2. Rajengro liil 9:22

Har o Joram o Jehu dikas, putchas job: “Awenn tumer an o latchepen?” Koi penas lo: “Hoi – an o latchepen? Har nai wah an o latchepen jaake rah har tiri dai, i Isebel, sharell mule deblen un krell bengeskro koowa?”

2. Rajengro liil 9:34

Palle djas job dren, chas un pijas. Pal o chapen penas lo: “Dikenn pal koi bibachtliate un paskrenn lat! I baro rajeskri tchai hi li.”

Nehemia 13:26

“Djinenn gar”, penom, “te kras o baro rai Salomo sawo koowa un anas doosh ap peste? Un an bud wawar themma, his kek baro rai har job his. Un o Dewel kamas les jaake, te kras lo, te well lo rai pral o tselo them Israel. Ninna les anan peskre romja dran kol wawar themma jaake dur, te anas lo doosh ap peste!

2. Mose 34:16

Tumer romedinerans tumare mursh tchawen lengre tchentsa. Un kolla djuwja anans tumare mursh tchawen o Debleskro dromestar tele, te mangenn le ninna kol deblen dran kasht un bar an.

Gosewe laba 22:14

O mui i wawareskro romjatar hi har i gruba, hoi dur tele an i phub djal. Un kolla perenn dren, pral kolende o baro Dewel chojedo hi.

Sikepaskro 7:26

Un me hatsom tchomone, hoi shutleder hi har o merepen, – i djuwel, kai i murshen taprell; kolakro kamlepen hi har dorja, kolentsa len pandell li; lakre mussja, hoi le trul lende tchiwell hi har shelle. I mursh, kai mishto hi glan o Debleskre jaka, kowa nai nashell peske latar; o dinelo well latar tapedo.

Jesaja 50:1

Kawa penell o baro Dewel: Kai hi ko liil, hoi me hunte tchinoms, kai dren tardo hi, te mukom me tumari dat? Koon hi kowa, pash koleste man sijaan wals un tumen leske bikroms. Dran tumari doosh han bikedo. Tumer peran miro dromestar tele. Doleske hi tumari dai muklo.

Jesaja 52:3

Kawa penell o baro Dewel: Tchitcheske wan tumer bikedo, un gar lowenge wenn tumer pale win ginlo.

Bičepangre 14:2

Kol bibolde, kai wan gar patslo, penan, te wals kowa gar tchatcho, hoi o Paulo penas, un kran, te wan kolla, kai kek bibolde hi, chojedo ap i patslende.

Bičepangre 6:12

Jon kran kol tsele menshen diwjo, ninna kol biboldengre phureden un tchatchepangren. Un jon wan ap leste pre, tapran les, un anan les glan i pralstune biboldende.

Remarja 6:19

Me penom tumenge kowa jaake, te haiwenn man nai. Har hans gomme gar patslo, kran tumer djungelo un tchilatcho koowa. Un o tchilatchepen an tumende was baro un bareder. Kanna hi kowa wawartchandes. Doleske krenn kowa, hoi latcho un tchatcho hi! Jaake djiwenn tumer o Debleskro djipen.

Remarja 7:14

Mer djinah, o Moseskre laba wenna o Deblestar. Ninna djinah, mer ham menshe un pandlo ap o tchilatchepen.

Debleskro tsiro 2:20

Jek koowa hi gar mishto pash tumende. Tumer mukenn koi djuwel Isebel te rakrell, hoi joi kamella, koja, hoi penell, te hi li o Debleskri rakepaskretsa. Joi tserdell mire budepangren o Debleskro dromestar tele un penell lenge, te nai djan i mursha pash wawar djuwjende, un i djuwja pash wawar murshende. Ninna penell li lenge, te nai chan le ko mass, hoi wawar menshe glan pengro debleste anan.