1. Rajengro liil 21:2 - O Debleskro Drom 2021 (Sinte)

² Un o Ahab penas ap o Nabot: “Ko kotar phub, kai tire drakengre ruka tardo hi, hi gar dur miro kherestar. De les mande, te well lo mange i senlepaskri baar. Me kamau tuke i wawar un feteder kotar phub te dell drakengre rukentsa. Te hi an tire jaka feteder, nai dau tut ninna lowe koleske, jaake bud har kowa moldo hi.”

O Debleskro Lab 2024 (Sinte-Manouche)

² Oun o Ahab penas ap o Nabot: “Ko kotar phoub, kay tire drakengre rouka tardo hi, hi gar dour miro kherestar. De les mande, te vell lo mange i zenlepaskri baar. Me kamau touke i vavar oun feteder kotar phoub te dell drakengre roukentsa. Te hi an tire yaka feteder, nay dau tout ninna love koleske, yaake boud har kova moldo hi.”

1. Rajengro liil 21:2 ပူးပေါင်းရင်းမြစ်များ

1. Mose 16:6

Koi penas o Abram ap i Sarai: “Tiri budepaskretsa hi an tiro wast. Kre tu lah, hoi an tire jaka mishto hi!” Un i Sarai his tchilatcho ap late. Un i Hagar nashas peske latar.

1. Mose 3:6

Un koi romni dikas ap ko ruk un penas ap peste: “Mishto wals, te chaus ko rukestar. Shukar hi lo! Un mishto wals, te waus gosewo.” Un joi las o rukestar, chas un das ninna peskro romeste, kai pash late his. Un job chas ninna.

1. Rajengro liil 21:3

Kote penas o Nabot ap o Ahab: “O baro Dewel mu rikrell man pale, te dap tut kowa, hoi mire phurendar lom pal lengro merepen!”

1. Rajengro liil 21:6

Kote penas job ap late: “Me penom ap o Nabot dran Jesreel: ‘De man tiro kotar phub, kai tire drakengre ruka tardo hi. Me plaissrau les tuke, oder, te kameh, dau tut i wawar kotar phub drakengre rukentsa.’ Job penas mange: ‘Me dau tuke gar miro kotar phub i drakengre rukentsa.’”

2. Rajengro liil 9:27

Har o Ahasja, ko baro rai pral Juda dikas, hoi djas, nashas job pash o foro Bet-Gan. O Jehu las les palla un mukas les ninna te marell ap o wurdin. Un jon dan ap leste karje ap ko drom pash o foro Gur, kai pash o foro Jibleam tchiddo hi. Un job nashas peske an Megiddo un meras koi.

2. Mose 20:17

Ma rode, har nai less tu kowa tuke, hoi i wawares hi: leskro kheer, leskri romni, budepaskro, budepaskretsa, grumni, burika, tchi, hoi i wawares hi.

Sikepaskro 2:5

un wawar kotja them, kai tchiwom shukar burra un ruka an i phub, ninna sawe ruka, kai hidjrenn rukengre.

Kamlepaskri gili 4:15

I pani, hoi an i baar nashella hal tu, i djido pani, hoi dran o Libanon tele nashella.

Jeremia 22:17

Jojakim, tire jaka un tiro dji dikenn ap tchi wawares, har te wess brawleder tiro chochepah. Tu mareh kolen, kai kek tchilatchepen kran, un rikreh i menshen sorjah un dawentsa tele.

Louka 12:15

Palle penas o Jesus ap kolende, kai trul leste tardo hi: “Denn garda! Ma nashenn bud brawlepen palla! O tselo brawlepen, hoi i mensho khetne anas, krell o mensheskro djipen gar braweles.”

5. Mose 11:10

Kau them an kowa tumer wenna, te lenn les tumenge dren, hi gar har ko them Egiptia, dran koleste tumer win djan. Kote hunte budran phares te anenn o pani ap tumari hachetikri phub.

5. Mose 5:21

Ma rode gar, har nai less tu kowa tuke, hoi i wawares hi: leskri romni, leskro kheer, leskri phub, leskro budepaskro, budepaskretsa, grumni, burika, tchi, hoi i wawares hi.

1. Timoteo 6:9

Kolla, kai kamenn brawele te well, kolla perenn an o bengeskro wast, un anenn pen an bud dinelo un djungelo koowa. Un kowa anell len an i bibacht un mukell len tele te djal.

1. Samuel 29:6

Un o Achish das o David pash peste gole un penas ap leste: “Me dau man sowel pash o djido Debleste, me patsau, te hal tu i tchatcho mursh. Un mange wals mishto, tu te djals mantsa an o kurepen. Me nai hatsom kek tchilatchepen ap tute, jaake rah har pash mande wal, bis ap kau diwes. An i jaka i wawar rajendar hi kowa gar jaake. Jon kamenn tut gar!

1. Samuel 8:14

Tumare feteder kotja phub lell lo tumendar, ninna ko feteder them, kai tumare drakengre ruka un djeteskre ruka tardo hi. Kowa lauter lell lo un dell les peskre pralstune budepangrende.

1. Samuel 8:6

Kolla his djungele laba glan o Samueleste, te penan le: ‘De men i baro rai, kai o tchatchepen pral mende win rakrella.’ Un o Samuel rakras o baro Debleha koi pral.