1. Rajengro liil 20:4 - O Debleskro Drom 2021 (Sinte)

⁴ Kote penas o baro rai pral Israel pale pale: “Miro baro rai un pralstuno, jaake har tu peneh, jaake hi. Me hom tiro, un halauter, hoi man hi, hi ninna tiro.”

O Debleskro Lab 2024 (Sinte-Manouche)

⁴ Kote penas o baro ray pral Israel pale pale: “Miro baro ray oun pralstouno, yaake har tou peneh, yaake hi. Me hom tiro, oun halauter, hoy man hi, hi ninna tiro.”

1. Rajengro liil 20:4 ပူးပေါင်းရင်းမြစ်များ

1. Rajengro liil 2:38

O Shimi penas ap o baro rajeste: “Miri rai, ko hi mange mishto jaake! Jaake har o baro rai rakras, jaake krau me les.” Jaake djiwas o Shimi an o foro Jerusalem bud diwessa.

1. Rajengro liil 20:3

Un mukas leske te penell: “Kawa penell o Ben-Hadad: Tiro rup un tiro sonakai hi miro, un tire djuwja un tire sorleder tchawe hi mire.”

1. Rajengro liil 20:5

Un i bitchepangre wan i duito kopo pash o Ahab un penan: “Kawa penell o Ben-Hadad: ‘Me mukom pash tute te bitchrell un mukom tuke te penell: Tiro rup un tiro sonakai un tire djuwja un tire tchawe hunte dess tu man an miro wast.

2. Rajengro liil 10:5

Ko pralstuno pral o Ahabeskro kheer un o moskro un i phureder an o foro un kolla, kai tserdenn o Ahabeskre tchawen baro, kolla bitchran jekes pash o Jehu, un mukan leske te penell: “Mer ham tire budepangre. Mer krah lauter, hoi tu menge peneh. Mer kamah kek wawar baro rai pral mende. Kre, hoi an tire jaka mishto hi!”

3. Mose 26:36

Kolla, kai tumendar pral atchenn an kol wawar themma, kai le pandle hi, kolen krau jaake dareno, te well len daar glan i patri, hoi krik phurdedo well. Lestar nashenn le, har te lals jek len o chareha palla. Un jon perenn, un jek perell pral o wawareste, ninna te hi kek koi, kai len palla las. Un tumen hi kek soor, te kurenn tumen kolentsa, kai ap tumende djan.

5. Mose 28:48

Doleske bitchrell o baro Dewel wawar menshen pral tumende, kai kamenn tumen tele te rikrell. Un tumer hunte budrenn lenge, un bokenn un trushenn koi pashel. Tumen well gar doha an-ripaske, tchitchestar well tumen doha. O baro Dewel rikrell tumen jaake tele, har te wals i sasterni gustri trul tumari meen, bis te tumer mulo han.

1. Samuel 11:10

Un jon bitchran murshen pash i Ammonarja un mukan lenge te penell: “Taissar wah pash tumende, te nai krenn mentsa, hoi mishto hi an tumare jaka.”