1. Rajengro liil 20:34 - O Debleskro Drom 2021 (Sinte)

³⁴ Un o Ben-Hadad penas ap leste: “Kol forja, kai miro dad tiro dadestar krik las, dau me tuke pale pale. Un tu nai kreh tuke parepaskre khera an o foro Damaskus, jaake har kras miro dad an o foro Samaria.” “Mishto” penas o Ahab, “de man tiro dadeskro wast koi pre, palle mukau tut khere te djal.” Kote dan jon pen o wast pre. Un palle mukas job les te djal.

O Debleskro Lab 2024 (Sinte-Manouche)

³⁴ Oun o Ben-Hadad penas ap leste: “Kol forya, kay miro dad tiro dadestar krik las, dau me touke pale pale. Oun tou nay kreh touke parepaskre khera an o foro Damaskus, yaake har kras miro dad an o foro Samaria.” “Mishto” penas o Ahab, “de man tiro dadeskro vast koy pre, palle moukau tout khere te djal.” Kote dan yon pen o vast pre. Oun palle moukas yob les te djal.

1. Rajengro liil 20:34 ပူးပေါင်းရင်းမြစ်များ

1. Rajengro liil 15:20

Kote shunas o Ben-Hadad ap o baro rajeste Asa, bitchras peskre lurden pengre pralstunentsa, te kurenn le pen i forjentsa an o them Israel. Un jon lan kol forja Ijon, Dan un Abel-Bet-Maacha dren, koi pashel o tselo them Kinneret un o tselo them Naftali.

1. Rajengro liil 20:33

I mursha patsan, kowa, hoi job penas, hi i latcho sikepen, un penan: “Kowa hi har tu penal: O Ben-Hadad hi tiro phraal.” Kote penas job: “Djan un anenn les kai!” Kote was o Ben-Hadad pash leste win. Un o Ahab mukas les an peskro wurdin.

1. Rajengro liil 20:42

Un job penas ap leste: “Kawa penell o baro Dewel: Tu mukal i murshes te djal, kai me kamom, te hunte merals lo. Doleske lau me tiro djipen leskro djipaske, un tire menshen leskre menshenge.”

1. Rajengro liil 22:31

O rai o themestar Syria penas kol pralstunenge pral leskre wurdja – kolla his 32 (trijanda-te-dui) mursha: “Ma kurenn tumen i lurdentsa, gar i tiknentsa witar gar i barentsa! Djan kokres ap o rajeste pral o them Israel pre!”

2. Familjakro liil 16:4

Kote shunas o Ben-Hadad ap o baro rajeste Asa, bitchras peskre lurden pengre pralstunentsa, te kurenn le pen i forjentsa an o them Israel. Un jon lan kol forja Ijon, Dan un Abel-Majim dren, ninna i tsele forja, kai djobengre khera dren hi an o them Naftali.

2. Familjakro liil 18:30

O rai o themestar Syria penas kol pralstunenge pral leskre wurdja: “Ma kurenn tumen i lurdentsa, gar i tiknentsa witar gar i barentsa! Djan kokres ap o rajeste pral o them Israel pre!”

Jesaja 26:10

Te kreh latchepen i tchilatchenge, dikenn jon gar, hoi tchatchepen hi. Ninna an o them, kai djan halauter pengre dromma pal o tchatchepen, djan i tchilatche dureder ap pengre bange dromma, un dikenn gar tiro barepen, baro Dewel.

Jesaja 8:12

Tu un kolla, kai ap tute shunenn, ma krenn har kal menshe, kai patsenn, kai lauter phukepaskro koowa hi. Un ma darenn kolestar, hoi jon darenn! Mukenn tumen koi darjatar gar te taprell!

5. Mose 7:2

Te dell tumaro baro Dewel len an tumare wasta, un tumer denn len, palle hunte marenn len halauteren. Tumer hunte krenn gar lentsa win, te wenn lengre mala, un hunte sikrenn kek latchepen ap lende.

1. Samuel 11:1

Un o rai pral i Ammonarja, o Nahash, las peskre tsele lurden, djas win un tchiwas pes lentsa trul o foro Jabesh an o them Gilead, jaake te nai was kek dren un kek win. Un i tsele mursha dran o foro Jabesh penan ap o Nahash: “Kre mentsa win, te kress menge kek tchilatchepen. Palle nai weh tu o rai pral mende!”

1. Samuel 15:8

Un job las o baro rajes pral o Amalek, o Agag, djides pandlo. I tsele menshen mukas lo o chareha mulo te dell.

1. Samuel 15:9

O Agages un i feteder bakren un grumjen mukas o Saul un leskre mursha te djiwell, ninna i feteder viechen un i tikne bakren un lauter, hoi bud moldo hi. Kowa lauter kaman le gar te marell. Kokres kowa, hoi nasselo un gar bud moldo his, kowa maran le.