1. Rajengro liil 20:27 - O Debleskro Drom 2021 (Sinte)

²⁷ Un i Israelengre lurde wan khetne kharedo, un lenge was peha dino, hoi len hunte well o kurepaske. Un jon djan win un mukan pen tele ap dui platse wergel kol Syrarja. I Israelitarja his gar bud. Jon dikan win har dui tikne busjengre herde. I Syrarja his jaake bud, te his o them lendar pherdo.

O Debleskro Lab 2024 (Sinte-Manouche)

²⁷ Oun i Israelengre lourde van khetne kharedo, oun lenge vas peha dino, hoy len hounte vell o kourepaske. Oun yon djan vin oun moukan pen tele ap douy platse vergel kol Syrarya. I Israelitarya his gar boud. Yon dikan vin har douy tikne bouzyengre herde. I Syrarya his yaake boud, te his o them lendar pherdo.

1. Rajengro liil 20:27 ပူးပေါင်းရင်းမြစ်များ

2. Rajengro liil 3:6

Un sik djas ko baro rai Joram dran Samaria win un las peskre tsele lurden dran Israel khetne,

Sikepaskro 9:11

Pale dikom, har ap kai phub djala: O sikeder naashepaskro well gar glanstunes an. O sorleder kurepaskro hi gar o feteder lurdo. Sikle menshe hi gar kolla, konen o budeder chapen hi. I gosewe hi gar i brawele. Kowa, kai tchomone mishto haiwell, hi gar kowa, kai an-diklo hi. O tsiro un i bacht penenn, har hakeneske djal.

5. Mose 32:30

Har nai las jek lurdo i sero (1.000) Israelitarjen palla? Har nai tradan dui lurde deesh-serja (10.000) Israelitarjen jaake, te nashan le penge i darjatar? Kowa was, har o baro Dewel, lengro rikepaskro, len an kolengre wasta das.

Josua 1:11

“Djan mashkral i plachtene khera un penenn i menshenge: Lenn chapen un pipen pash tumende o dromeske! An triin diwessa djan tumer pral o pani Jordan an ko them dren, hoi dell tumen o baro Dewel, kai tumaro Dewel hi, te well ko them tumaro!”

Čačepangre 6:3

Un hako kopo, kai witsran i Israelitarja o djob an i phub, palle wan i Midianarja un i Amalekarja un wawar menshe kotar, kai o kham pre djala, un peran an o them dren.

Čačepangre 7:12

Un i Midianarja un i Amalekarja un lauter, kai wan kotar, kai o kham pre djal, his kote tchiddo an o telstuno them un tchakran o them har i stepangre. Jaake bud his le. Un lengre khamele his jaake bud, te djinas kek, har bud jon hi. Kolla his jaake bud har i santa pash o baro pani.

Čačepangre 7:8

Un jon lan kolendar, kai khere djan, lengro chapen un pipen un lengre phurdepangre pash pende. Un jaake bitchras o Gideon i tsele lurden pale pale pash pengre plachtene khera. Kokres kol triin-sheel rikras lo pash peste. Un kol tsele lurde dran o them Midian his tella glan leste an o telstuno them.

1. Samuel 14:2

O Saul his ko tsireske beshdo tel o phabjengro ruk, hoi hi tardo an Migron, gar dur o forestar Gibea. Pash leste his jaake 600 (shob-sheel) lurde.